原音職員服務質素

lykch

今天到原音選購LUMIN U2 Mini，當時亦有一對男女正在試音房內，我問店員U2 是否可以硬解MQA，店員話不可以，只會係輸出PCM碼1010….我問可否用Tidal播歌，佢話冇，跟著試播音樂file，我問點解LUMIN 網頁說明MQA decoder ，佢仍然話唔可以解MQA，只係輸出101010….數碼。我和當時同在房內嘅男士不約而同地發現U2 display顯示MQA 176.4，亦一齊問該店員部機顯示出MQA是否就是解MQA，店員此刻以不奈煩語調對我說「阿叔阿叔…顯示唔等於解到MQA⋯⋯」我只好回應：「阿伯阿伯，唔識才會問」之後我自然立即離場啦！！！
總結，如果想開心選購心儀器材，要想清楚到原音是不是你唯一的出路？！

intruder

原音呢D地方少去為妙，我都有差不多經曆，個肥肥地矮仔店員，態度奇差，佢地仲停留系90年
代的世界，真系唔刁佢都死！！！

corolladv

唔憂做

banjo

估唔到今時今, 仲有啲咁垃圾嘅音響推銷員, 簡直係音響界之恥.

terryc

講真，上網睇人/YouTube介紹同去官網了解清楚功能同規格點都有信心啲！

又唔怕比人因“回佣”而誤導

toywoof

感覺上去呢D舖問嘢都係嘥氣。不過你個問題有小小可圈可點，始終U2 只係transporter，佢可以打開MQA FILE 第一層去Dac，但Dac唔係Full Decoder，又真係唔可以當做解到喎

calbee1128

寫到明有MQA Decoding (有錯請改正), BTW 換轉係我,我會兜口兜面喺佢面前上網CHECK。 之後問佢點解，部機係咪"原音" SPECIAL EDITION。

crab939

所以我盡量幫趁Avlife, 職員態度普偏不錯, 次次會自動減價俾你, 令客人感覺良好

lykch

calbee1128 發表於 2023-3-20 12:58
寫到明有MQA Decoding (有錯請改正), BTW 換轉係我,我會兜口兜面喺佢面前上網CHECK。 之後問佢點解，部機係 ...

多謝各位音響同好嘅意見。當日我有即時俾官方網頁資訊俾佢睇，但佢都係堅持自己嘅嘢。其實佢只要用部普通DAC做示範，大家都可以清楚用法和功能。

HD_2

lykch 發表於 2023-3-20 14:04
多謝各位音響同好嘅意見。當日我有即時俾官方網頁資訊俾佢睇，但佢都係堅持自己嘅嘢。其實佢只要用部普通 ...

原音 生意越來越差係有原因