（會後討論）加拿大 Anthem 前後級極緻影音體驗會

mingcheung

多謝P&O HiFi 及 post 76 所有工作人員， 掉位呢個安排真係幾好，可以感受唔同位置既聽感👍🏼，好有心機攪好個試聽會，辛苦晒每一位工作人員，愉快的一個晚上😆👏🏼👏🏼

Bolandon

多謝post 76安排今次試聽會，P&O呢個毒氣室真係無得彈，第一次聽ANTHEM真係勁，非常似戲院感覺，屋企套嘢仲有排追；記得換位坐前排聽Johnwick開鎗嗰段心口直程感到中槍咁，我都有啲氣喘呀，心諗如果屋企用到呢個音壓去睇戲，鄰居一定報咗警。希望下次再有機會來荃灣TML聽下其他大殺傷力武器。

blindfaith3by8

正不過唔敢join

Versa

多謝post76 及 P&O HiFi 安排今次活動，有咁正既試音室，試到Anthem AVM 90 + 3部MCA 525配Mission ZX / LX喇叭，無論地方或器材對我來講都係第一次接觸的新野。

當晚聽感覺得Anthem果然能營造比實際地方寬闊的音場，有定位有埋身感，每粒聲音都交代清楚，每聲道的溶合度高，作為前級真係交足功課。聽The Greatest Showman "Never Enough"固然好聽，另外演唱開始之前，環繞聲道的觀眾細碎聲及環境聲，亦感覺禮堂比之前睇大了幾個圈。525後級亦有氣有力，迅變動態看007 No Time To Die墳墓前爆炸一幕，我都俾佢嚇親。Mission喇叭當晚被525推到澎澎聲，家用喇叭如此音壓亦唔混亂，靚仔之餘以價論聲亦合格有餘，非常抵玩。

所有野都正，唯一覺得以當晚地面喇叭7.1配置要招呼P&O試音室環境，喇叭有點「去到盡」的感覺。P&O試音室環境其實食得起更大口徑喇叭，如果音像件頭再大一點，肉地厚一點，多少少張力，大音壓之餘有番少少鬆容度，就為之very good啦。（當然當晚P&O都有解釋用這個喇叭配置的原因，係抵玩既）

後註：小弟家中仍然係7.1，連atmos都未有，雖然atmos可以down mix到TrueHD，但今次活動令我體驗到down mix之後，聲音流向有分別之餘，真係聽少咗野。其實本身都鎖定AVM 90會係下個入手目標，希望大王可以friend搭friend幫忙爭取靚價。