如何處理喇叭附近空白牆，改善聲音表現

路西華

右邊喇叭後面幅空白牆，一直唔知點處理，最近掛左副拼圖，D聲有明顯改善。依家左右喇叭側牆還有空白牆，想試下貼D12蚊店嘅膠牆紙，不過咁簿唔知有無用？師兄們有無其他建議？

路西華

好想影張相俾大家睇清楚現場環境，方便俾意見。但按極相機符號都無反應，影唔到。

粉果人

比你參考下唔知你環境適唔適用，我原本都有相類似問題而且更加惡劣，牆身係瓷磚黎，反射聲好勁彈聲彈到人都暈，解決辦法唯有係用𥦬簾布貼滿四面牆身瓷磚，反射聲問題就解決了很多，其實好簡單一個原理好似鏡子一樣，光滑平面就好容易有反射聲，凹凸不平就能大大減少聲音反射，當然物料都有關，我都唔係用專業既吸音物料，只係平平地用簡單既𥦬簾布

koalaau

我都建議儘量用擺位及家居佈置較聲，始終間屋係住人唔係發燒房，棟幾塊擴散板/吸音板太霸道，而且冇效就嘥錢，有效又可能過猶不及，用布簾、地謅、咕𠱸攪下先啦。

lai_tsz_ho

我對前置喇叭(backfiring)都好近背面牆(不足1呎)。個廳唔太深，我又唔想買對喇叭腳去座地。最後上淘寶買咗一叠吸音綿($200內)痴上牆後有好大改善。

cheungliu

lai_tsz_ho 發表於 2023-2-13 00:02
我對前置喇叭(backfiring)都好近背面牆(不足1呎)。個廳唔太深，我又唔想買對喇叭腳去座地。最後上淘寶買咗 ...

請問依個的淘寶LINK可否PM?

路西華

lai_tsz_ho 發表於 2023-2-13 00:02
我對前置喇叭(backfiring)都好近背面牆(不足1呎)。個廳唔太深，我又唔想買對喇叭腳去座地。最後上淘寶買咗 ...

請問吸音綿本身有「痴」力，定係要買膠水或膠紙去痴。

路西華

專業吸音物我唔敢搞，一來貴，二來我唔識，驚越整越錯。我原本想試下「痴」牆紙，無效就當裝飾。依家聽到兩位師兄意見，掛布窗廉重好。得閒會去「宜家」睇下有無啱用。

Nate.River

其實一般吸音棉已經有效果

p76marco

去aeon，買一set小朋友地墊，一個個四方格砌埋果d，淨色但有唔同顏色選。唔可以講同專業既function一樣，但一定好過牆紙