終於做哂三部2022年最旗艦的三部 4K電視.....

小瑟

有D野都想係FORUM同大家分享下...好多人都會問小瑟, 部部TV都話好, Sony A95K QD-OLED, LG G2 OLED EVO, Samsung S95B QD-OLED, 咁究竟邊個好D!!!

其實我想講.....LG G2 OLED 係 OLED EVO最強, 光度真係追到S95B的, 色準亦都好好, 講標準畫質都係上乘之選, 而 Samsung S95B就新QD-OLED技術, 係紅, 綠, 藍三色上又真係好過引, 所以要睇k 大家想要咩.SONY A95K都係QD-OLED, 不過就同SAMSUNG好唔同, 電影感基本又係做得好好, 色域廣, 畫面舒服自然.

依家三部世上民用旗艦4K電視差距真係好小, 問題只係大家係操控上, 品牌上, 信心上, 情意結上如何取捨. 如果要用計分去決定邊部最好其實有冇意思呢?? 呢個亦都冇絕對答案, 正如有人度哂數據話S95B最高分, 咁又點呢? 最尾可能因為你一定要DOLBY VISION而放棄, 選返自己想要的. 又或者其他二個牌子最高分, 但你唔喜歡個品牌的服務, 都可以係一個唔考慮的原因. 所以買咩機其實除左睇畫質, 仲要睇埋你個人既口味, 同埋習慣. 有D人就係個REMOTE唔岩心水都唔會選擇果個品牌既電視, 呢個真係好難一句講哂比大家知呢!!

最終決定權都係在大家手上, 希望大家都可以眼睇為實去決定如何入手呢!!!

呢個PO我都唔知出來做乜的....可能係Youtube比人小得多, 所以有感而發.......

herofranky

今日去睇睇3部電視的真身，發覺LG G2出黎畫面好順眼，SONY反而顏色好濃，
唔知係咪調較上有問題，打算再去SONY專門店再睇一次。

小瑟

herofranky 發表於 2022-12-5 22:25
今日去睇睇3部電視的真身，發覺LG G2出黎畫面好順眼，SONY反而顏色好濃，
唔知係咪調較上有問題，打算再去S ...

今代LG G2係DEFAULT上係好正的, 自然同舒服, 係睇多左野的!!!
SONY同SAMSUNG因為 QD-OLED色域勁, 所有 DEFAULT都色彩勁的, 用MOVIE MODE會正常小小!!

avgod

三部都正！

fai514

自己覺得都係最緊要係售後保養...

gamma

herofranky 發表於 2022-12-5 22:25
今日去睇睇3部電視的真身，發覺LG G2出黎畫面好順眼，SONY反而顏色好濃，
唔知係咪調較上有問題，打算再去S ...

通常我第一時間都會問sales set咗邊一個mode, MK Sony Showroom set Standard

小瑟

fai514 發表於 2022-12-6 09:10
自己覺得都係最緊要係售後保養...

呢個都非常重要!!!

小瑟

gamma 發表於 2022-12-6 09:17
通常我第一時間都會問sales set咗邊一個mode, MK Sony Showroom set Standard

GOOD....我都問過鋪頭SALES老友, 問佢地其實多唔多人囉自己碟來試, 佢地話原來依家真係小, 連囉REMOTE自己玩一陣的都小!!!

小瑟

avgod 發表於 2022-12-6 08:40
三部都正！

其實真係各有好處, 睇下自己點睇.....要搵每部機都有差既地方, 就係睇下自己係半杯水中邊類人!!!

gamma

小瑟 發表於 2022-12-6 09:27
GOOD....我都問過鋪頭SALES老友, 問佢地其實多唔多人囉自己碟來試, 佢地話原來依家真係小, 連囉REMOTE自 ...

欣賞Sony Showroom 用bluray碟同埋Netflix, 返到屋企可以憑記憶比較一下分別