日本 Nintendo Store OSAKA 大阪店正式開幕，特派記者現場報導

阿定

日本第二間 Nintendo Store 係剛剛的11月11號 係大阪 的 大丸梅田店 開張啦，我地的版友 JKC710 剛好早幾日去了現場，影了相比Game76的大家先睹為快。



第一張相係落機後第二日一早八點幾到現場已經太遲派晒飛的失落通告，雖然知道一早就會派飛輪流入場，但未夠九點就派晒真係好誇張，同當年東京店剛開張完全一樣。



之後再過幾日，再戰多次終於可以排到飛仔入場啦



門口寫著無拿到飛仔請回的信息



入到去首先會見到印有 Nintendo OSAKA 的 LOGO T-Shirt



同埋 Nintendo Store 限定精品



地方同東京店比，非常寬敞，可能同有人潮管制有關吧，唔算好迫





同東京店一樣，主打的四位主角都會係各自區域坐陣，馬大叔唔駛介紹吧



大量唔同造型的毛公仔



其它Mario遊戲裡會出現的角色都會有，同樣受歡迎的Yoshi都有唔少產品



去旅行用的糖果類手信當然亦唔少得



杯杯碟碟的日用品都係主打商品



最受日本中小學學生歡迎的遊戲，動物森友會，最新的廚具系列都放晒出來



小編最愛的，來自Zelda系列的林克，除了主打的精品外，亦有唔少係面向社會人士的恤衫領帶等服裝類產品



日本小學生 Number One 電競項目 Splatoon



Splatoon 區有最新三代的 T-Shirt同精品



上次東京店好快賣晒的滑板，絕版多時，終於重出了



Splatoon 3 打工時見到的鮭魚，實物係拉後會向前走的車仔



左面果件T-Shirt係咪好熟口面呢，入Game後的初始衫，雖然設計成爛衫咁，當係熱賣商品來呀！



遊戲內好魷型的波鞋都實物化了


仲有由一代到三代都有的練習用吹氣魷魚



聯乘 new era 的帽，同其它Splatoon 產品



當然仲有大量公仔賣



話明係任天堂店，當然有遊戲同主機賣啦，不過唔覺有人特登入來買Game就是了



最後就係排隊比錢走人



店鋪的袋係OSAKA限定的Logo袋，雖然有少少唔環保，但記得要埋個膠袋留念啊。



今次買的野唔算多，最大件的就係塊滑板，如果有緣見到想買的朋友，緊記會佔用大行李箱唔少的位，要有心理準備。

地址: 大阪府大阪市北区梅田3-1-1 大丸梅田店13F

阿定

同場加映, 大阪 USJ 的 Mario 園區 的 聖誕限定商品


最顯眼的就係可以成棵聖誕樹直接買番去的呢個景品，見到粒星就知係好野。



呢頂聖誕帽，帶上頭都應該幾大怪。



手信用的杯，應該係園區必賣的產品吧



掛門口用的 Mario 裝飾，同埋好Q的雪人，不過就唔見Mario64 的企鵝



例牌手信，公仔，個人覺得奸角門都好得意，特別係怕羞鬼同食人花



入得Mario區當然要玩 Mario Kart，門口的大庫巴網上見得多，但現場見到仍會覺得好震撼



獎杯有實物比大家欣賞



今次遊戲係要贏環球杯嗎？

小瑟

好開心呀！！😁😁😁

JKC710

多謝定師兄幫忙出文

@肥狗仔@

開心XDD