Cambriddge Audio好聲支援 : 串流影音新世代 Workshop (#18 會後討論)

神武光輝

對係3唔明白？

小瑟

神武光輝 發表於 2022-10-8 18:30
對係3唔明白？

對你, sorry sorry, 係街打字好難睇~

VictorSHEK@G

聽完Cambridge audio既workshop 後，又對部EVO 150加左唔少分。利申先，之前已經對佢有啲興趣，不過自己未係好深入研究部機。同埋我主要都係聽戲居多，所以都之前係得個睇字。

今次最大驚喜係AV Bypass 同黑膠果part。首先自己只係家庭影院既新手，而且唔係啲咩金耳朵，唔太識表達啲聲音質素係點，所以啲音色係點我係唔識形容比你聽。帶番頭盔先🤣

點解話AV bypass 有驚喜係因為自己主要用緊AV Amp P記904 黎聽下串流流行曲為主，我明白影音分家梗係最好啦，不過礙於土地同資金問題，所以係無可能做到。EVO150 可以做到尼個功能真係慳左唔少位，煩少左好多野。佢啲推力對於我用緊入門級既座地喇叭（Mission LX-6 MKII)應該已經綽綽有餘。而且多部Amp推隻前置去睇戲，斷估都應該會再好出聲啲（因為尼樣無試， 純粹我自己推測）所以當多件補品都不失為過

另外黑膠方面，近幾個月自己留意多左，全因為屋企海關盲追林家謙買埋佢2隻黑膠，所以而家有膠無機。係現場聽完之後發覺聲底唔錯，而到後尾講番先知佢只係用藍牙 AptxHD做傳送，所以真係覺得好有驚喜。當然用有線接駁梗係仲靚聲，但對於我要配合家居擺設既情況下，又要關長肯比我放多部機而唔影響美觀，尼個方法都真係唔錯。所以好有衝動想放左而定部SACD機，轉戰黑膠。因為我自己覺得SACD 係我而家既配套同我較鍾意聽新既流行曲既情況下，音色唔會有加乘好多，但黑膠係比到我一個完全同CD/SACD 唔同既音色，對於我同關長黎講都會比較有新意，最緊要係佢一定聽得出有分別先。

所以就住以上自己既感覺，EVO150係比到我多一個對現有器材升級既選擇，我又要重新諗下啲消費卷要點用。😂😂

Lolofi

我非常有幸參與昨晚的工作坊, 先多謝 Post76 及Cambridge Audio 合力舉辦！

經過2個小時深入淺出, 專業又祥細的講解, 精挑的影音軟件確實令我獲益良多！

其中 AV bypass 示範中 Lady Gaga 的演唱 由 multi channels 轉為 2channels 人聲明顯立即變得厚潤, 定位準確, 這就是 AV bypass 起了神奇的作用！

串流和MQA解碼方面相信是廠家強項！介面 user friendly, 音質又高！性價比無得輸喇！EVO150 功能真的很全面又靚樣連側板都可以換顏色, 體積又適合香港的居住環境加上攞獎無數真是同級無敵手！

黑膠唱盤Alav TTV2 直驅連MC唱頭加藍芽5.0 APTX HD 轉輸 令我估計2萬元左右售價冇想過原來才賣15800. 當我看到熄機時轉盤仍然繼續自轉多幾十秒就可以看出摩打和啤鈴的順滑匹配都是十分嚴謹！所以在目前市場別無他選！

當播黑膠時羅文唱出的一字一句的聲線與CD真的很不一樣！那種淳厚感染力和背景音樂的申延就是黑膠的魔力！怪不得連年輕歌手如林家謙和 Serini 也出版黑膠！

是次工作坊的體驗非常滿意,滿載而歸！唯一感覺現場的喇叭分析力比較弱！高低頻二端申延比較吃力！如果匹配其他以播放更優質喇叭可能會更上一層樓！

以上只是小弟的個人聽感和愚見！請多包涵！

補充： 現場對喇叭可能未煲夠而已？😅😅

神武光輝

得着係下次換機多一個好選擇

issachar

首先當然要多謝 POST76 同埋 Cambridge Audio 舉辨呢次 workshop! 多謝大王主持同埋 Cambridge Audio Matt  同 Calvin 既詳細介紹示範

先講講我現時既駁法, Topping DX7s 做前級解碼, 天龍 8500 就做後級, 用 RCA 接駁, 聽歌既時候就要0係天龍度揀返 Analog input, 好處係我聽歌既時候個電視可以繼續用...
現時係乜盤都冇... CD SACD Vinyl 百冇   因為實在係太多選擇, 根本唔知點樣去揀! 所以果晚當講到 d 人買左黑膠根本唔係聽, 我係笑左出黎, 我正正係買左好多 CD 同黑膠返黎得個擺字果堆人既其中一個!

而對於我呢類主要玩 AV 但係又鍾意聽歌既人, 成日聽到 AV bypass 呢個駁法, 但係實際出黎個較果係點, 我一直都有疑問既... 呢次 workshop 就非常全面咁示範左唔同器材可以點樣接駁, 而且有得聽埋個效果係點! 呢 d 野平時去舖頭我覺得真係冇乜可能咁樣玩兩個鐘頭!

呢次主角係 EVO 150, 一部身價兩萬幾既 All-in-one Streamer, 我一直覺得貴既 一來我冇用 Streaming 既習慣, 二來直覺真係會諗, 我日日開部 amp 都唔駛兩萬, 會唔會妹仔大過主人婆呢? 咁當然玩 2 ch 唔係咁樣計, 而我本身一直都諗如果要玩 AV bypass, 我會諗起碼買隻金桑子 E280 既...

特別要提下, 呢次用既喇叭係 Mission ZX-3, 呢對喇叭我0係不同場合聽過, 好老實講唔係我杯茶, 所以當歌聲響起既時候, 我有諗過係咪駁左 B&W 705 Signature... 真係冇諗到 EVO 150 可以將對 ZX-3 推到咁好聽! 呢下為 EVO 150 加左唔少分...

之後講到 MQA 解碼, 其實我冇特別去追求呢樣野, 不過原來 EVO 150 係支授 MQA 解碼, 而且黎緊仲會有一套西裝 CD 盤出, 我買左一堆 CD 終於可以聽喇....
而黑膠接駁方面竟然係用 Bluetooth 去示範 ALVA TT V2 係支援 APTX HD 解碼   我仲以為係隻碟錄音比較懞... 原來係因為經左 Bluetooth... 不過我覺得係絕對聽得入耳... 而我一直都煩緊如果買個盤, 我擺 amp 個位真係冇地方擺既!

最後先講 AV Bypass, 因為我覺得聽完 EVO 150 既表現, 呢部分真係難唔到佢. 順便講埋, 就係 EVO 150 支援 A + B speakers, 而且仲可以一齊出, 而我而家對 Wharfedale EVO 4.4 就係玩緊 bi-amp... 連呢樣野都中埋... 我祗能夠講呢次 workshop 係一個局黎   差不多完全解決左我玩 2 ch 上既煩惱!!!

WilsonYau@G

好多謝Post 76及Cambridge Audio 搞今次活動，今小弟獲益良多，亦學到自己想知嘅嘢。
我本身已經係EVO150嘅用家，選擇呢部2ch AMP時就係俾佢纖細嘅外影，亮麗嘅屏幕及有品味嘅旋扭掣所吸引。但最重要及實用嘅就係EVO150可以玩到AV bypass ，這功能對我有玩開AV家庭影院，又想聽歌時音質有所提升嘅朋友就非常適合。
雖然自己都用咗部EVO150差唔多一年，但當中都遇到好多使用上嘅問題。例如唔知點樣先可以駁EVO聽到MQA CD/SACD；如何接駁AV Bypass使用；EVO原來可以用藍牙聽黑膠等等。多得當晚有Matt同Kelvin 悉心解答我嘅問題，令我呢個影音初哥都清楚明白EVO150真係一部user friendly，有經驗同質素，又有型嘅2ch AMP。Matt仲好貼心咁教我點樣喺streammagic 上設定自己嘅歌單添。
最緊要有嘢學之餘仲有禮物收，真係希望Post76搞多啲類似嘅workshop 俾各會員參加，廣闊下大家嘅影音眼界。

WilsonYau@G

VictorSHEK@G 發表於 2022-10-8 18:49
聽完Cambridge audio既workshop 後，又對部EVO 150加左唔少分。利申先，之前已經對佢有啲興趣，不過自己未 ...

Victor 兄放心去馬，我都係用緊Mission MK 2 不過就係LX 4，EVO150夠推有餘，而睇戲同你所講一樣真係好力水咗，仲要都幾明顯。

RainChan

想請教一下，evo還要配喇叭，all-in-one串流喇叭不是更慳位方便?

issachar

RainChan 發表於 2022-10-9 14:30
想請教一下，evo還要配喇叭，all-in-one串流喇叭不是更慳位方便?

當然啦, 不過唔同玩法囉... 最慳位係用耳機... 喇叭都唔駛擺...

如果有少少要求, 想用自己鍾意既喇叭, 咁買 EVO 咪0岩哂.... 要求低少少可以買 EVO 75, 有 budget 緊係 150...