明日戰記... 4DX 觀後感

Hon

一隻窮奇, 一隻刑天. 三個機械人...

我只睇過用呢3句黎做TRAILER既片, 估你唔到原來咁玩法...


今朝去B+ cinema apm (觀塘)睇4DX 明日戰記既早場...



都好耐無黎過百老滙院線既戲院睇戲, 因為唔太鍾意佢D位置擺放同埋空間感既關係, 正因為得佢有得做4DX版所以就順便試下呢間既4DX效果...

先講4DX方面個人感覺上係比朗豪坊4DX黎得更勁更逼真, 當然啦佢地兩間用既技術上係咪不同我就無點深究, 純以帶出黎個效果同表現作評價啫...


講完就講下套戲啦...

如果以劇情黎講呢... 我會覺得... 無錯, 的確, 老實地係有D麻麻地兼渣渣地, 又或者咁講, 可能為左表現特技上既突出,
同埋以古生第一次作為總監督黎講, 其實都可以接受既, 至小未至於某D地方既觀眾話睇唔明個故仔, 又話爛片等等太誇張既評論,
先要知道...

-- 點解古生咁多野唔去搞, 偏要搞呢類戲先
-- 明知亞洲地區既特技方面, 可能呢一世都唔可能同外國作比較, 但點解仲要去做呢

唔需要深究或了解得過份詳盡都可以理解到, 今時今日社會既變化, 加上香港電影業既情況黎講, 再唔切會返相對應既做法走下去,
即使你日日都話咩已死, 咩已無都好, 地球都唔會為咁而停轉, 社會更加唔會為再咁而停落止, 咁既話, 點解唔確切地去處理及嘗試去解決呢?????


整體而言, 故事上犯駁位有好多, 人物設計選角等都係一個大問題, 例如嘉玲姐既角色表現上我覺得同三國無雙真係好似...
另外, 要响大陸上畫就梗係要有大陸演員啦, 嗰位年輕既男仔我唔得佢個名, 但我記得佢係拍陳可辛套戲而跳出黎既, 不過相信好多人都唔會認得佢...

至於特技方面, 我唔知係咪真係全部都由香港做晒啦, 但如果真係既話, 我就覺得堅係好掂,
同埋原來制作費要咁貴, 4.5億係可以做到咁, 如果用夠10億咪應該仲癲???(我指電腦特技咋)

相信呢段時間大家都會入場支持呢套戲, 所以都唔駛講太多內容上既事, 大家去領悟同埋感受下想對呢套戲得到咩既係自己想要既野啦...



最後. 我只係想講, 呢方面唔係針對導演或故事, 只係特技上令我諗起唔知幾多年前嗰套賀歲片-西遊記XXXX, 點解... 點解... 錢同技術上會爭咁遠既.

wantai288

有一個中肯說法，我唔係盲支持套野，只係唔係d人講好差，套戲得60幾分甘少，今朝我係屋企disney +睇左花椒之味，套野好簡單，知道劇情點發展tim，但我覺得好睇，簡單直接。