側田演唱會

1234qwer · 發表於 2022-8-22 09:25

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

近幾個月, 先後睇完張敬軒, 衛蘭, 林家謙演唱會, 星期六睇埋側田, 見網上好少有講側田演唱會, 好想講2句, 側田演會無華麗舞台, 無精準RUNDOWN, 入場安排直情係差, 但係一個人一隊BAND, 幾乎無換過衫, 唱得真係好好, 可能係近10年甚至20年, 我聽過唱得最好既香港歌手演唱會, 我返屋企拎返CD出黎聽, 覺得CD係完全比下去, 好慶幸自己有去聽, 亦都好慶幸香港有咁好既歌手

wantai288 · 發表於 2022-8-22 09:50

側田岩岩出道果時，同衛籣已經ok唱得

1234qwer · 發表於 2022-8-22 11:41

wantai288 發表於 2022-8-22 09:50
側田岩岩出道果時，同衛籣已經ok唱得

係, 可能睇完衛蘭, 覺得佢既水準好唔穩定, 所以對側田都好有保留, 但係睇完真心覺得值得入場

IEASTI · 發表於 2022-8-22 12:40

我都有去，睇左8.20個場。。
講真，我覺得香港樂壇其實欠佢一個交代，今時今日佢唱功都仲係超版！冇華麗舞台，冇特別嘉賓，一個人狂爆30首歌，抖都冇抖過！

不過佢真係衰唔識講野，表達能力一般般，好似佢想表達好耐冇係香港舞台開演唱會見到觀眾，好感觸，但結果係台上好似repeat又repeat都講唔出重點。。。

個人又有啲freestyle跳制，講講下野背景音樂一出又去freestyle唱幾句跟住唔記得自己原本講緊咩。。

但佢音樂細胞造詣不用質疑，隨歌起舞，一有音樂有幾個bar lead入佢都可以freestyle jam野，好似會突然唱Bruno Mars咁，香港我覺得真係冇咩人冇準備下做到（但啲人可能剩係睇到佢甩溜，唔記得歌詞，大佬佢全部都係即興！！）

以前傳媒剩係Focus係佢光頭，同曹格打架，溝女，希望真係可以報多啲佢音樂，俾多啲空間佢唱作，因為我覺得佢真係好有才華！

1234qwer · 發表於 2022-8-22 13:03

IEASTI 發表於 2022-8-22 12:40
我都有去，睇左8.20個場。。
講真，我覺得香港樂壇其實欠佢一個交代，今時今日佢唱功都仲係超版！冇華麗舞 ...

好同意, 當我見到D人講佢多甩漏, 所有都係負面野, 好似完全否定左佢個人

佢唱功真係超哂班, 如果真心係聽歌既, 佢個演唱會係好滿足, 好享受, 原本入場安排好亂等左勁耐又迫, 係一肚火既, 但係入到去起歌, 個感染力, POWER, 音域既廣闊, 即刻覺得值得

如果有PART 2, 我會想睇多次, 不竟佢都唔細, 過多幾年, 可唔可以咁既KEY, 連續唱咁多隻歌我都好懷疑