✨全球限量588套FAudio 7週年旗艦級耳機Mezzo發佈會(更新禮品)

鄭浩鋒@FB

試左,1+3最岩聽,不過冇銀兩入

小瑟

鄭浩鋒@FB 發表於 2022-8-8 21:15
試左,1+3最岩聽,不過冇銀兩入

我發覺好多人都係用1+3的~~

影音小編輯

如果有中獎朋友仲未收到我哋嘅回覆，請電郵 info@post76.com

至於之前已經登記嘅朋友， 禮品暫定將於本週內寄出 / 安排取貨，我們會有同事直接與你聯絡，謝謝

BerryChan@FB

講起呢對野
小弟在會展遊走了半日試佐幾多新或半新產品，印象最深刻就係佢
筆直啱哂( 可能係物有所值) ，顏值對個人嚟講非常吸睛，
把聲仲係啱哂胃囗， 仲可以調音， 低頻到肉而非常實淨，小弟應該好快入手了😜

issachar

我又分享下先... 其實之前真係冇乜留意 PSA 同 FAudio, 睇完個 Live Stream 對 Mezzo 可以調較唔同聲音取向呢個設計好有興趣!

不過令我去試同買入呢對耳機既主要原因, 係我覺得一個對音樂有 passion 既人, 佢投入咁多心機同時間去研發一對耳機, 除非佢對音樂一竅不通
但係 Ken 哥拎起個結他隨手彈兩下已經見到有功架, 果一刻我已經有強烈既感覺 Mezzo 會係我一直追求既耳機.

落到舖頭見到有師兄試緊, 果然係 hot item   呢次試機我係用返一代黑磚, 我一直都覺得黑磚太淡, 所以我唔多用佢黎聽歌, 不過用開部 M11 Pro 爆左 mon, 所以就用住黑磚先.
配上 Mezzo 後, 即時令黑磚音色多返音樂感, 三頻表現平均而且出色, 高頻有伸廷感, 人聲出得黎唔太貼, 低頻結實而且唔會蓋過高中頻, Mezzo 既調音真係完全中哂我口味!  
不過由於係新開耳機, 一般未 run-in 既小問題如高頻會有小小吉耳, 中頻有 d dry 既聲, 低頻下潛不足等等問題係存在既. 0係我打呢篇分享既時候, 耳機大概 run-in 左 35 個鐘左右 (有兩晚我播住歌由佢通頂煲), 已經改善左好多.

黎到 Mezzo 玩味最重既啪啪制調音, 我暫時淨係試聽時玩過 1+3 呢個組合, 因為我平時如果開 EQ 都係用 M curve 或者 V curve 多, 所以用 1+3 呢個組合應該最快試到0岩唔0岩我聽感. 我既感覺係佢加強左你鍾意聽既頻段, 但係冇改變到佢音色. 而我自己果對我暫時都係 default 煲住先, 待 run-in 左先慢慢玩.

對上一對令我如此心動既耳機係 IE900, IE900 係有好 hifi 既味道, 果時我都勁想比錢, 但係最後爭少少就冇比到錢喇...  
而 Mezzo $13888 呢個定價其實係超出左我預算, 但衡量過所有野之後, 我都係決定即時去馬, 我覺得如此有心去研發既產品, 真係值得支持.

小瑟

✨香港音樂人誠意打造 : FAudio Mezzo 7週年旗艦級耳機 全球限量588套 深入評測 ✨ (附設cc字幕) | #耳機評測

今年是FAduio品牌成立的第7年。今次新作就係 FAudio Mezzo 勒。自從2019年正式發布的單動圈Major之後，在耳機發燒友們稱之為“神圈”耳機。之後2020年發布的Project Y採用限量發售方式，一出即時售罄。而去到上年2021年發布的Dark Sky單動圈耳機，當然又再次掀起FAudio耳機動圈的熱潮。而今次的7週年限量版Mezzo就用上全新混合換能方式，搭載了中高頻動鐵單元、全頻動鐵單元、10mm雙層振膜動圈單元和雙層震動感測Piezo單元。全新架構之下的Mezzo可以提供豐富的細節，同時因為製作人Ken係音樂人出身，所以對於調音的準繩度及音色更加著重原音的味道。所以今次小瑟都率先入手一部 Sony WMA1M2(黑磚二代)來為耳機作訊源，希望可以用一個全新的標準來比大家了解 Mezzo 更多呢。

小瑟

今日聽Taylor Swift, All too well, 用2+3低音岩岩好，有彈性又keep到厚低人聲。正！！！😜😜😜

ip_csl

又係支持本地品牌的時候(個人第4對FAudio耳機,之前玩過Major, project Y同Dark Sky)