新手有關Atmos喇叭設定和角度問題

AndyCCC

請教各位高手，如圖安裝好5.0.4後 (唔好問點解冇十仔，因為家人禁止)，覺得地下聲道表現唔錯，但要聽Atmos時，雖然有感覺到天空聲道有正常運作，亦感覺到音場有升高，但不太明顯感覺到有直接來自天空的音效。會唔會同分頻點或者喇叭位置或者RH喇叭toe in角度有關？如果想atmos效果明顯，係咪應該將RH改成TR？

以下係分頻點設定︰
L R (KEF Q750): Full range
C (KEF Q650): 80hz
SL SR (KEF HTS3001SE): 80hz
FH (KEF Q50a): 120hz (喇叭規格最低105hz，我手動調至120hz)
RH (CA MINX 22): 180hz (audyssey度出嚟係200hz，但喇叭規格去到120hz，我手動調低到180hz)

AskaLung@FB

其實望到師兄你屋企嘅擺位，都有幾個好大嘅問題，衛星喇叭唔夠聲就一定冇可能解決得到，喇叭低音單元起碼最少有五吋先有基本嘅低頻，最大最大問題就係冇十仔，就算你分頻點較幾多都冇用，因為譬如你將分頻點set去180hz,就係180hz以下嘅低頻會較埋俾10仔出,你就算坐地喇叭夠全頻係幫唔到手,因為5.1嘅1係其實係一個ch,仲要係非常重要嘅ch,根本冇咗佢成個家庭影院嘅托唔起,其實你電視櫃前面有位,你一定要買一個十仔返嚟，另外你電視上面喇叭嗰個位置唔係TF,係FH,你依家擺個位置基本上唔夠高,同埋原本FH擺放嘅位置根本就唔適合聽ATMOS ,你咁樣擺一定冇可能聽到例如天花感覺到啲雨係直接落嚟頭殼頂嘅聲音

AndyCCC

AskaLung@FB 發表於 2022-8-1 20:54
其實望到師兄你屋企嘅擺位，都有幾個好大嘅問題，衛星喇叭唔夠聲就一定冇可能解決得到，喇叭低音單元起碼最 ...

多謝指教，應該係FH RH先啱，之前打錯咗TF TR

本身貪心諗住做FH RH嚟食晒幾大格式，但用得最多嘅atmos就比預期差咗

十仔唔會考慮，因為家人禁止。用落覺得一對座地低音足夠嘅，衛星喇叭嘅低頻交晒畀對座地，分頻大致按audyssey建議設定

Overnite007

其實冇左拾仔點解仲有分頻點？

AndyCCC

Overnite007 發表於 2022-8-1 22:55
其實冇左拾仔點解仲有分頻點？

分落去畀全頻嗰對座地

MDLP

之前嗰啲post
教人裝FH/RH食曬三個制式
或者教人天花喇叭用喇叭仔加大幾個dB就得
苦主就是這樣煉成的

AndyCCC

MDLP 發表於 2022-8-2 01:18
之前嗰啲post
教人裝FH/RH食曬三個制式
或者教人天花喇叭用喇叭仔加大幾個dB就得

唉，我最初係想做TF TR嘅，就係睇咗唔少post話FH RH好先至咁做。事到如今，諗到以下方法師兄點睇

1 RH加大啲音量
2 RH嘅分頻點由200 (audyssey建議) 降低去到120 (喇叭嘅規格)
3 RH喺擴音機內set為TR
4 換隻大啲單元嘅RH，但要搵到啱裝又易入屋嘅難

C-46

AndyCCC 發表於 2022-8-2 08:20
唉，我最初係想做TF TR嘅，就係睇咗唔少post話FH RH好先至咁做。事到如今，諗到以下方法師兄點睇

1 RH加 ...

分頻點係分落超低音度用，前置幫吾到你幾多，分分鐘仲谷壞個前置低音單完，其實你冇超低音，攪嗰啲嘢都冇咩用，骰仔喇叭又係死症，教大幾個DB只會令到啲聲更加尖，仲要冇低音輔助下更加難聽，其實唔係好明師兄你屋企人，梳化後邊啲喇叭咁樣都俾你擺，就連一隻KEF kc62咁細隻都唔俾你擺🤔

MDLP

AndyCCC 發表於 2022-8-2 08:20
唉，我最初係想做TF TR嘅，就係睇咗唔少post話FH RH好先至咁做。事到如今，諗到以下方法師兄點睇

1 RH加 ...

將啲高空同環繞喇叭分頻點跟最細嗰隻180Hz先啦

AndyCCC

C-46 發表於 2022-8-2 08:59
分頻點係分落超低音度用，前置幫吾到你幾多，分分鐘仲谷壞個前置低音單完，其實你冇超低音，攪嗰啲嘢都冇 ...

梳化後面掛晒牆嗰唔會阻到大家嘅活動同貯物空間，後牆好窄，梳化又闊，本身Surround諗過用細喇叭加座地架，但會阻住出入通道，所以先無奈全部用細喇叭上晒牆