如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
遲下同大家分享一下聽感先!!!
遲來的分享, 因為近日太忙, 真係要開始執筆寫下聽感都有D困難. 但始終都試玩過, 自己都想記錄一下聽感的!!
KANN 系列主打高推力DAP, 今次仲 KANN MAX, 力水一定夠, 加埋四顆 ESS ES9038Q2M 解碼晶片, 每粒晶片可獨立對應一個放大線路, 最高支援 32Bit/68kHz 及 DSD512/22.4MHz 與 MQA Full Decoder 解碼, 對應上非常夠玩. 今次小瑟用左 Denon D9200牛耳, 同埋 Sennheriser IE900 來測試. 二隻耳機都係用左 4.4平衡輸出的!!
今次規格同數據小瑟就唔詳述了, 主要同大家分享聽感. 小瑟試左MJ的《Black or White》24bit/96kHz版本, 用上D9200換上4.4平衡線, 一開場的拍門聲, 小朋友大叫等等都可以呈現出細緻的DETAIL效果, 而且拍門果下的空間感非常唔錯, 解像度畫面十足. 節拍感亦非常之好, 因為用大牛耳去收聽, KENN MAX處理力雖然未算食得最盡, 但以一隻DAP可以推出立體感來, 小瑟都覺得合格有餘了, 只係節拍中的低頻位如果可以再深小小, 咁就真係羸哂了!!!
之後小瑟用上 IE900配4.4收聽同一首歌. 入耳式的效果在埋身度, 仔細度都明顯加強左, 而ie900之下的低頻亦都彈性感非常豐富, 層次十足, 在大音壓的推動下, 聽到KENN MAX比到源源不絕的力水出來,一就算樂器勁多, 編曲勁覆習都好, 佢都一一數哂比小瑟聽. 而之後小瑟亦都試埋 ELLY CLOSER大碟中的第14首《春夏秋冬》16bit/44.1kHz CD版本, 音樂感不俗, 人聲企前, 在副歌位非常低頻唔痴地, 只係略微音樂感唔明顯, 在低音結他的托底下未能完美地呈現出音樂中的細膩感. 不過以單機來講之下, KANN MAX都算交足功課, 係一隻好好用的耳機, 尤其係如果你有多款不同耳機, 因為由最低輸出的 Low Gain 至到最大的 Super Gain最高可以去到 15Vrms 推力, 對於有大有細, 想一DAP就可以應付哂的話, 都建議去聽下岩唔岩大家的口味的呢!!
小瑟幾欣賞 KANN MAX可以有一個 CROSSFEED功能比大家玩, 呢個可以比大家好似聽2 CHANNEL咁, 能夠左耳都可以聽到部分右聲道的聲音, 雖然大家未必一定會用, 不過對於耐聽感上, 係有一定的加分呢!!
|
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2022-7-28 17:32
發表於 2022-8-13 15:33
樓主
，另所謂四顆 ESS ES9038Q2M 解碼晶片也是取巧只流於宣傳作用，看官方圖平衡跟非平衡只能分別獨立使用2顆 ESS ES9038Q2M作解碼及輸出，難怪數值上完全輸給上一代。
