雙十細房調整心得

傻b仔 · 發表於 2022-7-28 14:44

本帖最後由傻b仔於 2022-7-28 15:22 編輯

話說上星期番左兩隻有6隻8寸既十仔....好多人PM 我問咁Q 細間房.....會唔會太過份.....會爆到7彩...間100尺既房會唔會頂唔順....因為呢隻8寸十仔..出名係可以潛到10HZ......話我間房邊有可能頂得順.....

其實SET 十仔有好多方法.....有人中意玩相位調整法.....有人中意玩唔同取向十仔互補.....呢D 都係大師級既調整法....自問我未有咁既功力.....所以我就唯有用科技REW 調整........

其實十仔呢樣野好得意....擺位係好重要.......好似我間房咁.....

呢張圖紅線同埋綠色線...其實係同一隻十仔....不過一隻係擺前面一隻係擺後面......出黎既效果係完全唔同.....一個擺位只係潛...冇PUNCH.....一個擺位就只有PUNCH...冇潛....咁點算呢???咁就唯有用兩隻...

呢張圖黃線就係兩隻一齊出聲既曲線....可以見到...所有頻段齊晒......有人可能會問....唔用同一款十仔做唔做到.....呢層我試過....唔係唔得...不過好難....因為兩隻唔同既十仔速度有差別.....咁會有機會某D 頻段有增益而某D 頻段會低消...

其實雙十仔除左令到曲線好睇之外...仲有一個好重要既功能....就係佢地可以低消ROOM MODE 既能量.....令到房間既十仔能量快D 消散.....

呢兩張圖係兩隻十仔各自發聲既消散圖...可以睇到40HZ 呢個ROOM MODE 消散得比較慢....咁就會形成一D 胡胡聲......因為能量一直係房間彈黎彈去....

而呢張就係兩隻十仔一齊出聲既消散圖....可以睇到40HZ 既ROOM MODE 已經冇左......消散速度變得平均.....呢個係未用前級EQ 做過修正....只係調整左兩隻十仔既DELAY....即係相位...

去到最後...當然就係行一次AUTO EQ 啦.....

籃色線就係前級走完AUTO EQ 的曲線同埋消散.......可以見到皇帝位係可以接收到所有低頻既頻段.....同埋消散都係好理想.....好多人講有靚曲線唔代表係靚聲，呢層我絕對認同。但係如果皇帝位曲線係異常地差，但你同我講咁都會有靚聲我就唔多認同啦。

呢個設定方法，最適合係長方形既影音空間，同埋比較講究十仔位置

以上就係我既調雙十心得......希望解答到d 人問我既，一間100尺房點頂得順呢兩隻十仔既疑問

極有可能係錯，歡迎指證