Sony AirPlay / Apps 爆聲問題

bobolee

各位師兄好, 已經好久耐無發帖了, 今次個帖有啲長, 請見諒

而家用緊 Sony A9F, 發現有啲關於 AirPlay 同 Apps 爆聲問題

AirPlay 爆聲個案 #1  
有晚食飯, 用手機 AirPlay 嘅形式去 A9F 睇 ViuTV 啲韓劇, 本身部電視個音量只係開14-15度左右, 本來都無乜事, 睇睇下突然有個老友打電話嚟, 由於當時部 iPhone 仲 link 住部 A9F 未斷線, 部電視機畫面就出現我 iPhone 個來電畫面, 音量無啦啦自動跳到去 100!!!!!!!!!!!!! 我估佢當刻可能係連接埋我 iPhone 個音量大細, 嗰下爆聲真係嚇到成屋人彈起!!!

AirPlay 爆聲個案 #2
有晚三更半夜, 電視本身聲量係 0, 再將聲音輸出接咗去 Sony 9.1 耳機, 跟住又係 AirPlay 嘅形式投去 A9F 睇戲; 無幾耐睇完套戲喺 iPhone 較咗離開 AirPlay 模式, 當期時個畫面仲停留喺 AirPlay and Homekit 個畫面, 哩個時候我就熄咗個 9.1耳機, 再撳返去 TV 嗰邊, 準備閂電視瞓覺, 又嚟料, 原本我電視機個音量係 0, suppose 我熄咗個耳機, 又斷咗 AirPlay 唔再 link 住 iPhone 個音量, 理應部電視係 0 聲, 又唔知做乜一下又爆到上 100, 當期時係夜晚 3:xx am

藍Viu Apps 爆聲個案 #
哩個係關於藍色 ViuTV 個 app, 我係喺部 A9F 入面 download 嘅, 有晚屋企人開嚟睇 iSwim, 一入到片開始播嘅時候, 畫面中間有個 "消取靜音" 個掣, 我勸大家千祈唔好撳落去, 原來又係會自己爆聲變 100

我早兩個禮拜上去 K11 嘅 Sony 嗰度玩 A95K, 我臨 "乜乜" 之前, 好奇怪咁同嗰位店員哥哥一齊研究下, 嗰日佢哋無乜人, 大家一齊試下入去 藍色 ViuTV app 撳 "消取靜音", oh my god, 一模一樣都係會爆聲, 估唔到 A95K 都仲有哩個問題; 之後再重組一次 AirPlay 個爆聲個案, 不過我哋試嘅時候, 只係可以肯定到佢係會 link 咗 iPhone 個音量, 但係又研究唔到點解 個案2 會發生, 唉

而家晚晚都好重心理陰影, 希望各位師兄小心唔好中招, 尤其是三更半夜真係比佢嚇鬼死; 亦都希望上次嗰位店員哥哥真係同佢公司反映下啲 App 同 AirPlay 有啲咁嘅問題啦