|
|
如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
 本來我都冇諗過睇的, 一來以為又係偶像戲, 又係好似上次假冒女團咁, 胡胡鬧鬧的一套港產片, 不過因為老婆想睇, 仔仔亦都想睇, 就因為陪佢地睇囉 , 咁睇個早場OK啦, 冇咩所謂, 反正諗仲係鄭中基, 君如同GIGI都唔會太差掛.....點知!!!!!
一開場, 見到 DHL大叔(即係大叔的愛:平哥 ) 同鄭中基果段戲, 即時笑到收唔到聲 , 好耐未試過係戲院, 睇粵語港產片, 可以睇到笑到停唔到呀 . 之後好多笑位都係由鄭中基引發出來的, 不過另外幾個主角都好多發揮, 每個人都做到自己角色內想要帶出的東西. EDAN當然就係戲中乖仔啦, 夾住係父母中間, 孝順仔一名, GIGI, 做鄭中基老婆岩哂, 一個思想鬼馬, 一個諗野正路, 得出的化學作出非常非常之正 , 而君如人生就帶出左其他香港人依家都面對緊既問題. 佢果段正正就係大家依家經歷緊既野, 當然其他角色都好正, 講盡哂香港大多數人的情況 .
套戲另一個好好既地方就係每個客串的角色都係有戲之人, 而每段內容仲唔係行行企企, 導演係將每一個小節加入呢d串星去讓故仔不停有驚喜, 不停加強香港人的投入度 , 所以個半鐘既戲真係好快就過左. 唯一小瑟get唔到, 要散場問返老婆先明的就係 "食粉絲" 一段.....當刻真係get唔到 !!!
如果大家未睇"闔家辣"的話, 都真係要快d了, 因為都上左咁耐, 應該都就落畫了, 入場支持一下咁. 如果唔係之後大家要睇就要等串流平台或出碟. 另外以我所知, 今次電影係英國, 美國, 都有上戲院, 原來 edan fanclub 有份幫手攪上畫, 所以果邊既fans都可以睇到, 真心好!!!
希望呢套戲埋單可以賺大錢, 戲內的各位都可以開開心心, 身體健康, 因為咁先有下集, 先可以拍到更多另香港人共鳴的港產電影!!
多謝!!!
呢個就係平哥勒!!!
|
|
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2022-7-24 08:33
發表於 2022-7-25 23:02
樓主
