(入黎傾下計) 身痕去星際行下 試左幾對耳機

kha1id

今日身痕諗住去星際行下，試幾對之前有興趣既耳機。

首先報告下小弟既收藏。
DAP: SONY NW-ZX507
耳機 :
Fitear F111/AYA(復刻版)/MONET17(復刻版)/MH335DW(復刻版)
Westone: W10/W20/W30 Japan Limited/W40v2/UMPRO50/W60v2/W80v2
UE: UE4PRO Demo Unit/UE 18 PRO Demo Unit
ORB: CF-IEM STELLA

小弟有少少收集僻，呢幾年都收集左唔少耳機，不過全部都係單價唔超過四千，所以有啲係復刻版，另外嗰啲全部都係二手或者原廠轉款代理平放出黎既demo unit。
多數會揀啲自己覺得特別少少既單元組合或者鍾意既牌子去收集。平時就主要聽唔同年代既流行女聲，電子，Band Sound，Gothic Metal，一啲Live Album等等。另外，平時自己有音樂創作，有時都會用耳機黎做Monitoring同埋Mixing。


NXEars Basso
呢個係一個新過黎既牌子，討論度唔係好高，只係偶然上網睇到，單元組合都少見所以先有興趣聽下，佢應該係單邊由2粒22955 + 對30017組成，有少少似SEM6既組合，原廠吹話用左個AGL技術可以減壓同埋減少聽覺疲勞，我就唔太在意呢啲技術既，都係比重視聽感多少少。呢對耳機雖然用左兩粒22955，但佢主打既低頻最多可以話係有聽到厚度同埋少少下潛感，整體黎講可以話係鬆郁濛，中頻明顯唔算好厚或者好多detail，睇過外國啲評論話佢似Westone聲底，其實就唔多似既，起碼人聲尤其女聲聽落大左幾歲蒼老左咁，大家平時講既口形、分析力都爭左少少，覺得好似有層野擋住左咁。至於高頻，比較神奇地佢係有種sparkling既味道，不過都係偏暗，延伸都只係一般。只要係多樂器都會感覺亂，分離度一般，賣$4000呢個價就有少少Overpriced嘞。


F Audio Chorus
F Audio似乎動圈比較出名，不過小弟偏向動鐵耳機，圈鐵或者其他混合單元都未有太大感覺，呢對耳機而家做緊特價大約2500左右。一上耳係有少少估唔到，幾易推郁，音量8-90已經好大聲，好耐無聽過咁有爆發力既耳機,即係所謂Big Sounding，小弟用既耳機例如UE/FITEAR都係類似既調音，粗線條少少、貼耳、音場稍大。廠家就型容呢對耳機係基於全頻動鐵去做調整，我理解係由全頻動鐵作為基調，再用一粒低頻同一粒高頻去填補返單鐵高低兩邊延伸不足既問題，的確呢對耳機都好明顯有著極厚既中高頻，貼耳到有少少誇張，所有歌都會覺得熱情如火，佢過量既中頻令到佢聽落有少少失控亦都減左少少分。低頻量感明顯既，都表達到極低頻嗰啲下潛感，但就同文案入面講佢平淡有少少出入。高頻會俾到延伸你，但聽某啲女聲既歌，會有一兩下齒音特別出特別刺耳，高頻都係調得比較一般，有時失真破音，唔得順滑既問題(話緊你阿Campfire)。


Fitear TG223
呢對應該都唔多人揀既，但比起尖銳刺耳既333要好得多，都係Fitear一貫嗰種聲線啦，高頻幾順耳，女聲幾好，延伸感ok，分析、分離度有既。但呢個價錢可能好多師兄覺得低頻爭緊啲。由於試聽嗰陣個耳膠唔太Fit要撳實先聽得清楚，低頻部分係比較淺同埋薄，不過整體算係聲音正確，三頻無乜銜接問題。


Vision Ears VE6XC
VE好多師兄都大推，小弟聽過正版又聽過小店造既復刻版，結果都係唔中意呢個牌子既調音，就好似64 Audio咁聽極都唔中意，不過佢用既單元組合的確係少見同獨特，至於X1同X2我覺得差別唔算大，耳機黎講，其實所謂橫向縱向音場都好難話真係極闊者極深，如果你聽開演唱會同現場，基本上耳機係好難還完到既，得罪講句，我都唔覺得VE6XC音場特別大，但分析力ok，中高頻有通透感，中頻略厚，整體唔係偏低頻既耳機，不過VE俾我既感覺一向都係不温不火，無乜缺點又唔會好中意佢既聲音，而且價格偏貴。


QDC 5SL
臨走嗰陣咁岩見到呢對Demo Unit做緊減價$2880，咁就試埋啦，其實係第一聽呢個牌子，本來對國產產品無咩好感，但見佢單元既size應該係 2粒22955 + BK26877 (比22955細小小，大過29689同埋尾部打左窿，W10同PRO X 10都係呢粒) 再加粒30017組合而成既5單元，其中一柆就打左bellsing個Logo，另外嗰啲就打左QDC Logo，唔知係邊間生產的。一上耳又覺得ok喎，低頻量唔多，下潛係淺淺地既，中頻都有厚度，人聲有少少退後，控制力幾好，但動態就顯得爭少少，高頻暗但竟然有種我個人好鍾意既少少暖，整體分析力都唔錯，聽到唔少detail。店員話得唯一一對，最後都係忍唔少入埋，希望唔好咁易壞啦。


Westone Mach 20/40
小弟幾鍾情於Westone既，見有擺出黎都順手聽下，呢一次換左插座同線，MACH系列對應返以前W系列，補充返少少W20係用GQ呢個單元，即係將29689同30005合二為一，今代就唔知喇，不過無論20又好40又好，其實同前代差不多，低頻潛多左少少中頻收少少，高頻都係稍暗啦，咁就可以賣貴啲，順帶一提新系列唔多好戴，條線又幼到頭髮感，試聽嗰陣都驚整爛阿。



Btw我都知耳機店雖然擺啲耳機出黎俾客聽,但其實心入面當人乞兒架喇。
尤其係D_A星際有個光頭阿叔，次次都黑口黑面又串，有次去試聽下當時W80V2同唔記得左邊對，聽完之後佢問我點，我就話我唔知阿諗住聽下先，然後佢竟然同我講: 點會唔知阿，呢兩對分別咁bla bla bla....其實我話唔知咪即係唔想買囉，之後每次去都避開佢。


以上就係今日既聽感分享，耳機其實都係玄學，如果同各位師兄聽感唔同，唔好見怪。

鄭浩鋒@FB

FITEAR D demo或公模大部份我都要噤實先聽到

Nate.River

VE啲德國仔野係咁

kha1id

鄭浩鋒@FB 發表於 2022-6-28 17:30
FITEAR D demo或公模大部份我都要噤實先聽到

都幾奇怪
嗰日佢用嗰啲好薄好林既耳膠
好似聽收音機聲咁

kha1id

Nate.River 發表於 2022-6-29 16:33
VE啲德國仔野係咁

好多人都大讚
我覺得真係唔值
尤其係VE6/VE8

nightscrawler

師兄, 有個小建議, 不妨帶對MH335DW/UE18PRO 去試試現在市場上其他牌子DAP, 睇吓有咩聽感?

calbee2010

年多前太多post吹ve6 ve8天上有地下無,所以身痕出去聽下,萬六 二萬幾一對 攞到D中頻好似走火入魔甘,加上無乜低頻唔岩口味,完全無性趣
後尾試下其他牌子圈鐵,低中高頻平均,好多選擇,所以要慢慢試

鄭浩鋒@FB

calbee2010 發表於 2022-6-30 20:38
年多前太多post吹ve6 ve8天上有地下無,所以身痕出去聽下,萬六 二萬幾一對 攞到D中頻好似走火入魔甘,加上無 ...

用4-5年前O既視覺吹VE都好合理,只係而家選擇多左姐

kidemymarcus

VE6真心唔推介

[兒童IQ題 + 答案] 大量經典小朋友IQ題。家長快抽幾條考考小朋友啦!
疫情下親子時間搵唔到嘢同小朋友做？點解唔上網搵吓兒童IQ題考下小朋友呢？IQ題唔單止可以培養小朋友反應力，仲可以訓練佢哋嘅觀察能力。快啲喺下邊抽幾條問吓屋企嘅小朋友，測試下佢哋嘅IQ啦。

過度活躍症 (Attention Deficit/ Hyperactivity) ， 簡稱ADHD，是專注力不足的一種。一般過度活躍症患者的大腦運作與其他一般人有別，這種差別會導致過度活躍症的小朋友出現集中力低和抑制衝動的能力低的情況。而有研究報告顯示，每100個小朋友就會有3到7患有過度活躍症ADHD，而男女比例則為4比1至9比1。而相較男女，女孩的過度活躍症患者普遍會較男孩遲被發現。

雖然在父母圈子外較少聽人提及，但玫瑰疹確是很多孩子都有過的情況。玫瑰疹是一種由病毒感染誘發的出疹情況，常見在6個月到2歲的孩童身上，而病發高峰則在於7-13個月大時。

kha1id

nightscrawler 發表於 2022-6-30 17:57
師兄, 有個小建議, 不妨帶對MH335DW/UE18PRO 去試試現在市場上其他牌子DAP, 睇吓有咩聽感? ...

我只係試過ak同r5ii
ak我覺得都清底既不過太貴同埋太唔就手
r5ii就清清地啦 但係一味淨係大力 推到爆晒又亂唔係我杯茶