小弟由於想買電視（水貨），但遇上選擇問題，所以想請教各位高手

ChanWaiman@G

小弟由於對電視唔熟悉，所以有一啲關於水貨電視嘅問題想問大家意見，本人部電視其實主要係用於電腦同ps5打機用，其餘功能好少用到，所以意向本身係a90j的，但今日去舖頭睇嘅時候，個店員不停咁同我講lg c2嘅賣點，其實兩部電視以水貨價錢來講都差唔多，所以在我來講真係好難抉擇，所以想整個投票以2日為限，邊部票數多就買邊部，還望各位高手指教指教。

gamma

打開機應該係C2好啲, 但好似PS5有啲Featur夾eSony電視係好啲, 樓主再研究吓

ChanWaiman@G

gamma 發表於 2022-6-15 20:26
打開機應該係C2好啲, 但好似PS5有啲Featur夾eSony電視係好啲, 樓主再研究吓

個sales都係咁講，佢話有freesync功能打機會好啲，但係我現場睇過兩部示範影片比較之後，我又鐘意a90j個觀感，睇落比較自然少少，當然只係一般影片模式咁睇，至於打機效果就真係唔清楚，所以真係比較難選擇😅

vincent369

LG 香港會維修水貨
Samsung & Sony  唔會維修水貨。
2021 同 2022 EVO OLED 面版都加左新材料加強耐用程度及光亮度。
2022 EVO OLED 面板，又再提高光亮度。
OLED 面板這2年努力改進，但每年買既都算係新技術，買水貨小心D。

jamesbond

打機就無謂用OLED，好易燒印，用LCD好啲。

avgod

a90j 睇電視 SD內容靚 高光位強 gamemode清晰度＋色彩好
c2 新款 支援好多新格式(用唔用到一回事) 暗位谷光度(睇落感覺勁D) 電腦displaycard支援較好

ChanWaiman@G

jamesbond 發表於 2022-6-16 09:12
打機就無謂用OLED，好易燒印，用LCD好啲。

其實我打機時間都唔長，都係放假嘅時候玩兩3個鐘到就停下，主要係自己冇個種keep住打落去嘅精神，平常都係用電腦睇下Netflix同Disney+咁，所以燒印問題都唔係好擔心，用到2，3年我就ok，而我宜家用緊個部都係用咗3年到。

ChanWaiman@G

avgod 發表於 2022-6-16 09:22
a90j 睇電視 SD內容靚 高光位強 gamemode清晰度＋色彩好
c2 新款 支援好多新格式(用唔用到一回事) 暗位谷光 ...

其實我係showroom睇嘅時候都覺得a90j個畫面靚啲，啲光暗比較自然（純個人觀感），但個職員就強烈建議我買c2，佢話c2用來做電腦mon好過a90j

jamesbond

ChanWaiman@G 發表於 2022-6-16 09:33
其實我打機時間都唔長，都係放假嘅時候玩兩3個鐘到就停下，主要係自己冇個種keep住打落去嘅精神，平常都 ...

如果你係鍾情sony嘅，不如等埋佢最新嗰部a95k，啲人好似讚到天上有地下無咁喎。

ChanWaiman@G

jamesbond 發表於 2022-6-16 10:19
如果你係鍾情sony嘅，不如等埋佢最新嗰部a95k，啲人好似讚到天上有地下無咁喎。 ...

一來買唔起，二來覺得電視機每代嘅升級都唔會比上一代差好多，所以都係買舊一代嘅款好啲，係價錢同質素都同樣有保證，可以話係雙贏。