感受超低頻另類玩法，家居平價4DX

avsuperman

  日前有C兄話想知另類玩法，簡單分享下。
  低音狂的C兄，相信會睇唔起今次講到的另類低頻感受。好多年前香港AV展，見有稱為震子的B品牌，當時叫價3千，透過整套系統只要梳化壓住專用板，睇戲時如爆炸，撞擊都會有震動感覺，所謂震梳化效果，其實玩得好低音箱一樣有震梳化效果，震子便成多鮽，那就錯了，低頻音效係一種聽感，震子係一種體感，早在十多年前DBox可以做到梳化震，前後郁，但價$太貴，一張梳化12萬，仲未計睇DBox電影的額外開支。我玩過幾爽，但玩唔起。去年係友人家遇上B牌震子，致電香港代理，半年都話無貨，放棄了。怎料3星期前另一友人又玩震子，親身試完即托友人入貨，講到價$真係平到唔信，一隻震子+弱雞擴音機只係數百元，據聞批震子係戲院拆卸下出售，我係Tko戲院感受過效果，真係幾啱玩，可惜內地貨無保証，訂兩個壞一個，本身玩開15吋+10吋，震梳化無難道，點解玩震子，就係因為身體感覺，當爆炸時，低頻有衝擊力，配合PatPat同背脊震埋身，強化睇戲臨場感，尤其槍聲係一下一下督背脊，4DX效果特出。唯一注意係震子不能開到盡，好易被體感搶過耳感，令注意力过份集中身體而忽略音效，希望快d玩埋另一隻完夢，安裝上都要試位，而家可以安入梳化內，真係玩得過瘾。

AskaLung@FB

其實應該點樣鑲喺個梳化度呢？我都有啲興趣😂

cth516

我就直頭放隻十仔在梳化後面，玩震震梳化，感覺非常之正。

avsuperman

cth516 發表於 2022-5-28 20:18
我就直頭放隻十仔在梳化後面，玩震震梳化，感覺非常之正。

我都有隻大地震雙十放係梳化後(睇投影)，當用soundbar也有一隻無線十仔係梳化度，兩種震法跟本同震子係兩樣野，日前有C兄接手我部杰科，也是第一次玩震子，試過就會感受到體感同音效感的分別

avsuperman

AskaLung@FB 發表於 2022-5-28 18:56
其實應該點樣鑲喺個梳化度呢？我都有啲興趣😂

我都係試左唔同位，原本放梳化底，又試過想側放梳化背横木，但最後放入現有梳化彈弓位再用索帶固定，好穩妥

getter

有體感真係爭好遠，以前專登去九展睇戲，都係為咗佢張震震櫈

avsuperman

getter 發表於 2022-5-28 22:31
有體感真係爭好遠，以前專登去九展睇戲，都係為咗佢張震震櫈

係呀，體感可以令人睇戲更投入，所以有d戲會睇4DX，好似最有印象係沙田睇龍珠，係尾段悟空打布洛尼櫈郁同震足半個鐘，4DX係屋企可以做到震的部分，玩過會上瘾，不過有d玩家覺得超低音一樣可以做到，震子跟本係垃圾，真係因人而異，但宜家用電視App玩D+做唔到震Pat效果，好似欠缺什麼似的

lokki

AskaLung@FB 發表於 2022-5-28 18:56
其實應該點樣鑲喺個梳化度呢？我都有啲興趣😂

震子接觸梳化既扣具接觸面越大效果越好
我領部Crown2502推二隻開完基本冇聲
開完唔開你會感覺D低音冇之前表現好

issachar

正呀, 希望再有機會上師兄度體驗下

avsuperman

lokki 發表於 2022-5-28 23:38
震子接觸梳化既扣具接觸面越大效果越好
我領部Crown2502推二隻開完基本冇聲
開完唔開你會感覺D低音冇之前 ...

C兄可以分享感受嗎，B牌本是我想追求，可惜香港無貨，反而無心插柳遇上現有震子，由於體積細，我無C兄安裝咁複雜，只需平放梳化內再用索帶縛好已經好稳，你使用的比較大件，要用心思安放令效果更突出，見Youtube兩種都有人捧場