電視自動開機問題

MM622

我部三星65Q7F 呢幾個月會經常熄機後1分鐘內會自動開機，用遙控器或直接按電視下面熄機掣都有同樣情況發生，部機用咗4年半， check 過設定， 應該唔關Anynet (CEC) 事，亦冇set 時間開機。估計係遙控器個power 掣開始壞，有時熄咗機後遙控器power 掣會一直閃，冇幾耐電視就自動開，不過就算power 掣冇閃，電視有時都會自動開。試過熄機後馬上將遙控器拿入房都會發生呢個問題，另外有時遙控器無反應，要一直按或拿走電池重新放入至得，不停試至得，firmware 已經係最新，遙控器電池亦充滿電，Samsung 話好可能係個遙控器有問題，請問大家有冇類似問題？如何解決？

PS:  三星quote我新遙控器四百幾蚊，考慮緊買唔買, 四百幾合理嗎？

leung133

有冇插MYTV/NOWE? 通常都係呢兩件野出事

MM622

leung133 發表於 2022-4-22 15:55
有冇插MYTV/NOWE? 通常都係呢兩件野出事

冇插 MYTV, NOWE

leung133

咁不如去深水埗買過個搖控好過

hellolee

其實troubleshoot關唔關遙控器事, 掹走粒電池幾日咪知囉, 睇完幾日仲係有事, 即係唔關遙控事, 幾日都無事咪即係遙控囉。

MM622

hellolee 發表於 2022-4-22 17:19
其實troubleshoot關唔關遙控器事, 掹走粒電池幾日咪知囉, 睇完幾日仲係有事, 即係唔關遙控事, 幾日都無事咪 ...

剛剛掹走遙控電池, 等幾分鐘後至用手動熄電視下面個 power制, 但過左十幾廿秒電視又自動開返........
不過通常只會自動開返一次, 再熄就唔會再自動開返, 唔知仲需唔需要掹走遙控電池連續幾日什至一星期再試?

如果唔關遙控事, 會係乜嘢問題呢?

hellolee

MM622 發表於 2022-4-23 00:29
剛剛掹走遙控電池, 等幾分鐘後至用手動熄電視下面個 power制, 但過左十幾廿秒電視又自動開返........
不 ...

我見你未分辨問題所在就話買新遙控試試, 我所提嘅 troubleshoot 方法係分辨係主機壞定係遙控壞, 你已節省時間金錢去買遙控, 主機當然係俾錢師父去攪。

vincent369

師兄剛維修完connect box 不久，快D report 三星，可能同呢次維修有關(冇關係都要有關係)...

MM622

vincent369 發表於 2022-4-23 20:18
師兄剛維修完connect box 不久，快D report 三星，可能同呢次維修有關(冇關係都要有關係)... ...

尋日check 過設定, Anynet (CEC) On 咗，熄咗佢之後用手動熄機2-3 次冇再自動開機，但剛剛用手動熄機後又再次自己開返，遙控器power 閃下閃下，按任何制都冇反應，聽日要call Samsung 睇吓係咪可以搵師傅免費黎check 下，另外再試下每次熄機前拿走遙控電池，過十分鐘後至用手動熄機。

MM622

MM622 發表於 2022-4-24 22:07
尋日check 過設定, Anynet (CEC) On 咗，熄咗佢之後用手動熄機2-3 次冇再自動開機，但剛剛用手動熄機後又 ...

尋日去SSP 買咗個三星代用遙控，幾十文，好洗好用, 不過用咗新remote 一樣，熄機後有1/3 至1/4 機會自動開返，用手動熄TV 下面power 制一樣情況，不過通常只會自動開機一次，再熄就唔會自動再，另外發覺自動開機後的畫面會較差，熄咗下次再開返畫質會恢復正常，十分奇怪。

問咗三星，佢哋叫我試吓用remote reboot 電視，唔得就拔走電視插蘇（all connect box 同panel 插蘇都猛），斷電15-20 分鐘，唔得就要去setting 做重設，再唔得就要落order 搵師傅嚟 check, 當然要比$（過咗保養），我一定唔會再落order, 上次換光纖總共此左$2100！

因為上次試過斷電同重設後追台功能壞咗，無端端要換光纖線，所以我有嚴重陰影，唔敢隨便拔插蘇同重設setting, 唔知係咪個Program 重run 緊，定power 線路板Short 左，十分傷腦根⋯⋯⋯睇過網上有唔少Samsung 機都有熄機後自動開返既問題，似乎Samsung 有好多bug, 當初唔係貪佢個all connect box 方便換缐都唔會選佢，寧願貴啲買Sony.