真不知如何處理

ezam

回復 74# lkljason

就係呢d咁的historical theory
攪到男人們越黎越唔講野,乜都hm...hmm....hmmmmm
但又冇晒自己的自由喎
做男人的,又要唔同女人計較,佢地嘈,男人就要收聲
真係唔怪得男人會短命

有時真係唔明,以前的膽量去左邊.....

raymond430

做男人有時真係要羲牲下自己嘅興趣去陪自己嘅另一半.始終女人都要人遷就.當然都要合理啦.
完全放棄個人興趣就勢係假,如果仍然珍惜呢份感情的話,用多一半個人時間去陪佢law,如果對方仍著緊你的話,她一定會明白你嘅心意.

ezam

回復 78# ryanenen


男人直線思想,但女人呢就.....多角度思想
唔知點攪
唯有做家嫂,什麼也忍忍忍,吞得就吞...不過遲早呢....

有時都會諗,點解唔打破個局面,重獲新生,唔好咩
但原來唔係淨係女人多野諗
男人去到某d問題上面,都會變得好婆媽
結果就係搵d BD, game玩下,唔好再諗就當解決左了

zz9999

結果就係搵d BD, game玩下,唔好再諗就當解決左了
ezam 發表於 2010-3-29 15:33

呢d 咪 dead loop 咯... 跟住咪又話你一日到黑掛住睇戲打機, 唔駛理佢.....

ezam

回復 81# zz9999


yeah, yeah, yeah.....
去到邊都要對住唔同的老細,幾時先可以做番自己

Raphael

本來打算講完先前既說話就算數, 點知越睇, 就越睇唔過眼....... 忍唔住又出聲
朋友, 我發現先前真係無估錯; 你真係俾佢食到...... 唉!
但唔好誤會, 我覺得你俾人食住, 係你自己既問題, 多於對方既問題!!

你諗吓, 你先前講咗幾多次 "死心" ??  N 咁多次嘞! 但佢一個 SMS (仲要只係短短兩句話自己無事, 半句軟話都無嗰種), 你就即刻失晒方寸, 好明顯你根本唔係 "死心", 憧憬住可以同佢繼續一齊
你又諗吓, 你先前表示咗幾多次 "只係想知道佢無事" ?? 而家你收到佢 SMS, 已經知道佢無事...... 但你好明顯唔係就咁就滿足囉!

做男人, 是否應該係一就一, 二就二? 如果唔想放手, 就不如乾脆承認自己唔想放手
好多師兄, 就係睇你意願嚟俾意見...... 如果你一時一樣, 咁先前大家花時間心機俾忠告你, 有大半就等於白費咗!
小弟真誠咁講....... 咁樣既作風, 係好難得到女人既重視架.............

你不妨當自己係一件 "貨品", 而家你要為自己呢件貨品尋找合適買家
你女朋友, 好明顯就係嗰種 "殺價" 既買家, 要你作出好大既 "優惠" (讓步) 先至肯買; 你俾少啲 "優惠", 佢就走出門口
面對一個咁樣既買家, 你到底是否一定要 "優惠" 俾佢?
如果你自信自己係一件好貨品, 其實大可以安心等其他買家架喎!
你咁著緊呢個買家, 莫非佢 "出價" 好高? (佢好靚? 身材好好? 好細心照顧你? 好玩得? 好錫你?) 值得你俾咁多優惠出嚟?
定抑或你擔心無咗呢個買家, 你好難再搵另一個?

不論你係以上邊一個情況, 你其實絕對有另一個選擇架喎~

佢 "出價" 好高的話, 你都唔一定要不斷俾 "優惠" 架喎! 你可以 "提昇貨品質素", 令佢覺得 "物有所值" 囉!
你怕好難有下一個買家??? 你做 "優惠", 其他男人都會做 "優惠", 大家鬥 "優惠" 有乜意思? 盞大家都無啖好食!! 結果都係要 "提昇貨品質素"
唔夠大隻? 健身囉
唔夠有錢? 努力搵錢囉
唔夠靚仔? 參考多幾本潮流雜誌囉
唔夠學識? 搵啲技能學吓囉

你咪以為咁樣好難!! 莫非以上既野, 困難得過你今後都忍氣吞聲做人????
困難得過你每次受到委屈無路訴, 要喺網上搵人傾訴嚟發洩??
困難得過你縱壞佢, 俾佢一次又一次咁用手段迫你就範??

你如果真心認為 "忍受" 比 "自強" 更容易, 咁你應該好願意 "忍受" 至係~ 咁你就唔會因為今次既事而同佢鬧交啦!

有人話 : 天下間無醜樣既女人, 只有懶既女人
其實呢個道理, 喺男人身上都差唔多~ 天下間無不受女人喜歡既男人, 只有唔肯為自己爭氣既男人

自己 "攝" 高枕頭諗清楚啦!

(後加幾句)
你就算今次無咗個女朋友, 都無得怪任何人.......
佢係你搵返嚟既! 佢性格好或唔好, 都係你揀既!
你話佢以前唔係咁......呢啲係以前既事! 佢而家係咁, 呢個係事實!
你有方法的話就 "教育" 佢, 對你地大家都好! (但我認為, 你要真係有方法, 而且真係好愛佢, 先至考慮咁做; 你係佢男朋友, 唔係佢老豆! 如果你其實唔係咁愛佢的話, 就無謂代人教女...... 人地老豆唔教, 你咁易教得佢聽話? 由得佢發公主夢發到三十幾歲先至夢醒!! 你擔定櫈仔買定花生睇佢點下場好過!)
你無方法的話, 一係就死忍!
一係就 "提昇" 自己, 等佢自動自覺尊重你又得, 或者搵過另一個好啲性格既亦得!

aidan

回復 83# Raphael

師兄, 真係好多謝你的分析.
我都唔係三心兩意的人, 可能太多意見你攪亂咗.
我收到最後SMS之後想清楚, 決定唔再搵佢,
等佢搵我, 如果想傾先再大家講清楚. 無得傾就放手.

小瑟

回復  小瑟

一定唔關影女事...因為我影生態架!!!
其實到現在我都唔知乜原因, 最後一次在電話鬧交.
大家越 ...
aidan 發表於 2010-3-29 10:20

如果你影生態既, 而我亦睇得出你都幾愛你女友, 我諗你地不如出黎坐低慢慢傾下, 你叫佢先比時間你講哂你影相上比到你既滿意感, 同埋你要比佢知道, 佢有佢自己鐘意既野玩, 你有你自己鐘意既野玩, 同你地二個相愛係冇抵觸既, 而最後佢真係要你選擇既你都一定會選佢(呢個當然係 TUM佢架啦XDDD), 不過你話如果佢唔比你去做你想做既野, 到最後你可能會因為咁而唔開心, 你問佢係咪想你唔開心咁做人. 你要比佢知道, 做人唔係ONLY只係得愛情, 仲有好多其他野既!!!

我想知, 你地其實幾大, 聽得出你女友好似好細個咁~~~

小瑟

回復  ryanenen

唉～～～
我有個舊同事佢老公都喜歡玩相機同電腦，佢的想法真係好正。
（只要老公唔太過 ...
aidan 發表於 2010-3-29 12:24

其實呢個係正常應該有既諗法, 總之唔好玩到冇錢開飯, 又唔會玩到成日唔見左人, 我覺得應該有返自己想玩既野!!!
女人都要係適當既時候出去 SHOPPING一下, 道理其實一樣!!!

小瑟

回復  adolph0912

佢嘈完...再講佢想點都好呀.
要估!!!我又唔係佢...唉
aidan 發表於 2010-3-29 15:06

哈哈~~女人就係咁, 蛇咬都唔會講佢究竟想點, 你要係佢面前不停估, 不停TUM, 等佢知道你會為佢做好多野, 諗好多野, 講真, 呢關如果你二個好彩過到, 就會有共識行埋下面既路, 放心喎, 10個拖友, 8個都有呢個問題, 一般原因都係大家都愛對方先會咁.......當然,  呢下亦都係證明左你頂唔頂得住佢最麻煩既時候既考驗啦!!! 得就一齊落去, 唔得就 BYE BYE勒~~~~