請教各師兄關於超短投問題

ncyaa

小弟正考慮喺屋企裝部UST投投，但又唔想放棄電視機，因為唔想用部投投睇電視節目。

無意中喺淘淘見到有啲電視機電動升降架，可以將部電視縮入牆身同電視櫃中間，咁我就可以睇電視時伸部電視出嚟，睇投影時縮返部電視落去。

但個廳幅牆頂盡裝到80寸投影幕，我上網睇UST投影機，大部份投影80寸嘅距離都係10至12cm左右，呢個距離應該唔夠「攝」部電視喺中間，我估計電視連埋個架，起碼要20cm左右。想請問下各位有玩開UST嘅師兄，說明書講嘅投影距離，係講緊minimum定係固定，如果我張部投影擺遠啲，係唔係就投唔到80寸咁細嘅屏幕?

另外，想問各位如果玩短投，個中置喇叭點擺位?

cbr600rr

我玩超短投已經4年，玩過三部(1080p x2， 4K HDR x1)。

TV 真係靚好多，光道同對比度都係冇得比(even 最靚 samsung 大DLP chip 6萬果部都冇得比)。你最大80吋咁不如直接買部75吋嘅電視囉，而家d 75 tv已經平咗好多啦(特別水貨)而UST 又貴左。

超短投最大優點(比起100寸TV)係方便好多，重量係真係輕好多(搬屋同二手買賣都方便)，同價錢平(幾年前計)。

但你個case又要買過 架升升降降咁多麻煩，又衹用到80寸，我個人嘅意見係用75吋電視會好好多。

ncyaa

cbr600rr 發表於 2022-4-9 13:12
我玩超短投已經4年，玩過三部(1080p x2， 4K HDR x1)。

TV 真係靚好多，光道同對比度都係冇得比(even 最靚 ...

師兄，我想玩投投有兩個原因，第一係電影感強好多，第二係我屋企仲有十幾隻3D blu-ray，唔捨得掉咗佢哋。

師兄，請問我嘅問題你有答案嗎?唔該。

shrek-01

ncyaa 發表於 2022-4-9 14:14
師兄，我想玩投投有兩個原因，第一係電影感強好多，第二係我屋企仲有十幾隻3D blu-ray，唔捨得掉咗佢哋。 ...

原來C Hing想用投影機睇3D碟
我就係上年買左部4K投影有3D功能
至發覺原來投影機睇3D比TV正好多(我的Sony Z9D仲可以睇3D)
用左投影睇3D碟之後入返十幾隻有3D碟

shrek-01

CHing你想升降架
TV有接線升上升落所以始終不方便
大多數人都幕放TV前面(除非用硬幕）
所以方便都用卷幕用時才降

ncyaa

shrek-01 發表於 2022-4-9 15:34
CHing你想升降架
TV有接線升上升落所以始終不方便
大多數人都幕放TV前面(除非用硬幕）

咁都係一個方法，但固定幕釘喺牆上好似美觀啲。而且幕大過電視，如果塊幕要放喺電視前面幾寸，過觀賞距離又近咗幾寸，唔係最理想。不過的確師兄嘅建議簡單啲。

shrek-01

ncyaa 發表於 2022-4-9 16:50
咁都係一個方法，但固定幕釘喺牆上好似美觀啲。而且幕大過電視，如果塊幕要放喺電視前面幾寸，過觀賞距離 ...

除非你一定要用硬幕不可
幕在TV前幾吋完全不是問題(用先落不知幾方便）
C Hing有時間出去試睇投影機3D真係好正

jjwenda

路過搭單問下，如果用電幕，用耐咗個幕會唔會變形冇咁直？

shrek-01

jjwenda 發表於 2022-4-9 18:18
路過搭單問下，如果用電幕，用耐咗個幕會唔會變形冇咁直？

C Hing要睇牌子同價錢
仲有睇平時点用
一般可以用好耐（太約十幾年）

Kowloonman

短投係固定焦距,部機移後咗畫面就會變大同變高.印象中短投係唔適合用捲幕的,由於投影距離超斜,畫面平整不只影響觀感,甚至有對焦不準問題.要與電視共存的話,建議用翻傳統投影機.電幕位置彈性大好多.
中置喇叭亦係短投一大問題,目前見到的做法都係短投機身高過中置.搞到畫面超高.我建議用短既話索性唔好用中置算喇.