美式/英制 插頭

Pakfrey

各位師兄

請恕小弟無知一問，因近排諗住DIY 電源線，但成日見到好多品牌的插頭是美式偏多。 是否美式頭較好？
除了外觀和插針位不同外，是否還有什麼優勢出那麼多美式插頭？

大家又會怎樣選？

請指教

謝謝🙏

Overnite007

據說美式頭裡面冇保險絲，所以唔會影響音質，唔知真定假？
還有英式插頭就只有紅色那款，要接上粗身電源線也比較困難。
但師兄覺得電源線真的會影響聲畫嗎？

corolladv

美式 - 美式多選擇

Pakfrey

Overnite007 發表於 2022-4-6 07:47
據說美式頭裡面冇保險絲，所以唔會影響音質，唔知真定假？
還有英式插頭就只有紅色那款，要接上粗身電源線 ...

我都是菜鳥不敢故亂比意見，只是爬文及個人感覺換條粗啲既線，電線的載流量高啲無咁熱，電壓降會少啲，電線材質雜質少密度高傳導性能會較好啲。

至於對聲畫有多大的改善/提升，都係請各位資深師兄比啲寶貴意見😊🙏

Overnite007

Pakfrey 發表於 2022-4-6 08:47
我都是菜鳥不敢故亂比意見，只是爬文及個人感覺換條粗啲既線，電線的載流量高啲無咁熱，電壓降會少啲，電 ...

師兄這個線身溫度升高令電壓下降的論點幾好，亦是基本物理現象，偏偏好多電源線反對派無視這些基本要素。
剛剛看了條utube短片，一個號稱專家的人物把一條音響用的電源線當訊號線咁度完，就話冇影響，跟住有幾百人留言讚好。我心唸電源線是供電個bor，點解咁度法？唔明。

Pakfrey

Overnite007 發表於 2022-4-6 09:28
師兄這個線身溫度升高令電壓下降的論點幾好，亦是基本物理現象，偏偏好多電源線反對派無視這些基本要素。 ...

小弟只是略懂一點電理，不及班門弄斧。其實電線越長都會影響電壓降，太長便要用較粗一點線去減低電壓降。至於密度，冷壓技術能令效率或質素有多大提昇，我不是專家不敢亂說。 還望高手和各位師兄分享指點一下。😊😊😊

Pakfrey

Push

ronan

以technical 角度黎講，我覺得英式插頭比美式插頭好
因為英式插頭BS 1363 的pin 位較粗，即電阻較少，loss 亦都較少
而英式插頭係可以好固定咁插起個插座式拖板上面，所以電流較穩定

相返美式插頭的pin 較幼，conductor 的電阻和loss 相對較大，而美式插頭係唔會好似英式插頭咁可以好固定咁插起個插座上面，因為插完之後係唔會好似英式插頭咁實，所以電流無咁穩定

美式插頭設計係用起110V~120V 60Hz 的system 上面，相返香港的電壓係220v ，即香港的電壓比美國的電壓大一倍，當有FAULT 時，FAULT CURRENT 會大一倍
所以美式SYSTEM 係會較香港SYSTEM 安全

跟據IET Wiring regualtion 和CoP for Electricity wiring regulation，電線的size 細左就要加protection ，所以英式插頭有FUSE 係一個保護設備

至於英式插頭唔可以爭粗線的問題，其實古河英式插頭都可以爭好粗的電線

題外話:
聽過一個electrical contractor 的老細講，佢本身住美孚新村，但因為美采新村太舊，大廈的供電系統riser 太舊，為左玩AV，佢搬去日出康城，因為日出康城係新的市鎮，除左大廈的供電系統riser 係新之外，成個日出康城區clp 的供電網都係全，所以電源質素一定高，而佢買樓特登買低層，因為低層較接近CLP 的火牛房，voltage drop 和copper loss 相對較少，所以力水較好

Pakfrey

ronan 發表於 2022-4-6 20:34
以technical 角度黎講，我覺得英式插頭比美式插頭好
因為英式插頭BS 1363 的pin 位較粗，即電阻較少，loss  ...

謝謝Ronan師兄詳細回覆

ronan

Pakfrey 發表於 2022-4-6 20:54
謝謝Ronan師兄詳細回覆

同埋師兄要留意，美式插頭不符合香港的電力條例cap. 406

所以香港用美式插頭係犯法，而鴨記好多賣美式插頭的舖都會起美式插頭上標示"只供外國使用" 或"出口用"等警告字眼

而美式插頭設計比110v~120v 60hz 使用，當用起香港的220V 50HZ 的SYSTEM 上面係會有問題

如果因為使用美式插頭引起火警，當claim 保險時，保險公司會搵公證行check 下是意外引致火警或其他因素
如果查到因為使用美式插頭引起火警，當然無得CLAIM 保險，而鄰居仲可能會出律師信告你，話因為使用不符合香港法例的電力裝置而引起火警，燒到佢屋企，向你追討賠償

所以如果玩av 真係咁執著電源質素，仲要係電源源頭的質素，最有效的方法係搬去新樓度住，因為新樓有clp/hec 的新underground 11kv hv cable ，有新的火牛，大廈有新的制櫃，新的riser 和 cable ，同埋依家因為要求足Building Energy Code 要求 ，electrical system 要預留或安裝capactor bank 和harmonics filter 去improve 個power quality ，所以電源質素一定高過舊樓.