想不到黎到Post76呢個網上討論區，都會遇到痴漢！

:o)

話說兩三個月前無意中發現圖中位版友，不停複製我對他人貼文嘅評分，不論係金錢、威望還是評語都一模一樣咁複製我，我就試下九唔搭八地評分，佢真係複製我九唔搭八既評分，因為覺得好困擾其實已經拉黑咗佢，雖然睇唔到佢啲貼文但原來評分功能仲睇到佢存在，小弟咁大個仔真係未遇過有啲人咁痴情／痴線。

（其實每當我換咩頭像佢都跟埋一樣用嘅頭像，我不停換佢就不停跟住用，唯有呢點我冇cap圖證明）

今日就有相熟版友share左佢發既新貼文，話點樣有人濫用評分功能，又話點樣壓力大出現精神問題，唔知佢係咪講緊自己呢？不停模仿他人評分算唔算精神失常嘅行為？還是佢對我痴情到咁？

如果有版友認識佢，請幫我同佢講我係唔會接受佢，因為我係唔鍾意男人更加唔鍾意成龍！如果佢只係精神有問題，叫佢盡早求醫啦

:o)

哈！知道我對佢冇興趣就老羞成怒轉個新玩法，話咩八年前嘅post都唔放過，首先個post唔係我推上去既，我見到本身既樓主推左上黎就踩入去望下，見到個帖內容我係有興趣既，咁咪回應下，玩下評分功能啦，點知我評到邊，佢又跟到邊，喂好心你唔好咁痴情啦，我只係當你痴線㗎咋！


原帖：
https://post76.hk/forum.php?mod=viewthread&tid=186323&extra=page%3D1&fromuid=93684&mobile=2

:o)

話口未完，我正正經經回應下評下分，佢咪一樣出黎搞搞震，一係痴漢一係痴線，叫得呢個名，果然同真嗰個相差無幾。

條友仲開個post話有人濫用評分，佢自己做緊既野真係有夠好笑

SimonCham@G

有冇叫管理員幫你

小瑟

我有睇到呢個PO, 同另一個PO, 有時真係唔知點幫, 真心你問我, 我應該點做先岩呢???