UBISOFT+ 遊戲訂閱服務現已於香港推出

阿定

Ubisoft 的訂閱服務 Ubisoft+ 已正式於香港 Windows PC 平台上推出。每月港幣 98元，即可下載超過 100 款遊戲，包括最新發售的新作品、擴充內容和經典遊戲。Ubisoft+ 於 2019 年在北美和歐洲推出之後，成功地讓廣大的玩家群盡情探索遊戲樂趣，並且歡迎新玩家的加入。


《Ubisoft+》正式登陸！遊玩新發售遊戲與超過 100 款遊戲

加入 Ubisoft+ 將可以下載超過 100 款且不斷擴充的 Ubisoft 遊戲陣容，包括：

即將發售的遊戲：《刺客教條：維京紀元 諸神黃昏的預兆》、《工人物語》等等。
最新發售的遊戲：《虹彩六號：撤離禁區》、《極限共和國》、《極地戰嚎 6》、《刺客教條：維京紀元》、《看門狗：自由軍團》、《芬尼克斯傳說》等等。
經典 Ubisoft 作品：《全境封鎖》和《火線獵殺》系列、《榮耀戰魂》、《波斯王子》、《雷射超人》等等。
深受喜愛的 PC 遊戲系列：《美麗新世界》、《魔法門之英雄無敵》、《獵殺潛航》等等。

Ubisoft+ 訂閱者還可獲得每月獎勵，包括自訂物品、加強物和其他遊戲中好康。兌換之後，可在遊戲中取得及使用這些獎勵。隨著時間經過，訂閱戶的獎勵等級會逐漸提升，共有青銅、白銀、黃金和白金四個等級，每個新等級能讓訂閱戶獲得更多獎勵。


《Ubisoft+》領取每月獎勵，遊玩超過 100 款遊戲！

Ubisoft 訂閱服務總監 Philippe Tremblay 表示：「我們 Ubisoft 致力於為我們玩家提供最棒的體驗，以及探索我們所有遊戲世界的機會。這就是為什麼我們要將 Ubisoft+ 推廣給新地區的玩家，讓他們只要訂閱服務，就能比過去任何時候都更容易玩到我們即將推出的遊戲、最新發售的遊戲、內容不斷推陳出新的遊戲，以及經典系列作品。」

Ubisoft+ 提供了即將發售遊戲的高級版本*以及 Ubisoft 深受喜愛的眾多遊戲。請到 ubisoftplus.com 查看不斷擴充的遊戲清單。若要註冊 Ubisoft+ 服務，請立即到 ubisoftplus.com 。需遵守適用條款與條件。可隨時取消訂閱。

※凡註明遊戲的高級或特別版本（例如：終極/黃金/豪華版），Ubisoft+ 所包含的版本可能不包括所有高級內容。優惠可能會有改變。使用 Ubisoft+ 服務需有穩定持續的網際網路連線。這能讓我們確認訂閱是有效的。

阿定

Ubisoft+ 初體驗

自從Netflix推出一個月月費全包任睇電視劇或電影的訂閱制服務後，遊戲界都陸陸續續出現訂閱制服務了，例如EA Play 同 Xbox Game Pass，而今次介紹的 UBISOFT+ 係北美歐洲等地都已經推出了一段日子，今次終於輪到台灣同香港啦！

UBISOFT+ 好明顯就係 Ubisoft推出的自家訂閱服務，基本上大家只要Join了月費就可以玩盡Ubisoft自家目錄內超過 100 款的遊戲，其中包括最新收錄的作品，唔同的追加內容，擴充內容同季票。

同Xbox Game Pass比，因為只有提供Ubisoft第一方遊戲，所以基本上唔會有玩玩下會落架的情況，而且亦會有唔同的追加內容跟埋，唔駛再另外購買，比較接近EA Play 的 Pro版本，咁究竟98蚊一個月的UBISOFT+ 值唔值玩呢，我會同大家作出以下分析:

首先要睇你多唔多玩Ubisoft出品的遊戲，如果大家本身一年都會買兩三隻的話，假設大家一年會購買兩隻3A大作的豪華版(即連季票的版本)，以首發價錢計，基本上都要接近千二蚊的了，同直接訂閱一年UBISOFT+價錢相約，老實講，我就唔太建議Join啦，除非你一年會買齊晒佢地個四五隻大作，否則直接買斷感覺會比較化算，仲未計散買其實耐不耐會做特價。

但如果大家平時又未必會成日打機，又或突然好想玩某一隻Ubisoft的遊戲呢，咁間唔中Join一兩個月來玩，玩完就停止訂閱的話，咁月費計劃就可能適合你啦，以《刺客教條：維京紀元》為例，連埋季票的三個追加故事，夠你玩100-200個鐘，當你Join兩個月來玩呢一隻Game，實付都唔駛200蚊，仲要唔一定要連租兩個月，聖誕租一個月，停一停，新年假再租一個月亦得，宜家200蚊就玩到原本要600蚊先買到的Game，咁我又覺得幾值得推薦比大家。

咁當然，如果自己本身只係得幾日連假或剛好放大假，就咁Join一個月係過百隻Game入面揀三四隻玩都唔錯的，呢隻唔適合玩咪轉第二隻，唔怕買錯Game唔鐘意玩，又要再買過，老老實實，Disney+/Netflix 你Join完都未必會日日睇，玩完呢一個月，咪停一停下次有時間想玩先再Join番，最重要係雖然遊戲無得玩,但你的存檔可以保留係雲端,或者你留係你部主機度，下次Join番又可以玩埋落去。

好啦，講完值唔值得買之後，再講多少少要注意的地方，首先，如果唔打算永續會員的話，Join完記得要停止訂閱，同市面上的所有訂閱服務一樣，要自己主動停止的，否則會個個月都自動扣數，其次，要留意番雖然會包DLC，但課金類係唔包的，買武器買裝之類都係要自己額外比錢的，新手要注意啦。



《芬尼克斯傳說》為例，季票包的新增故事係UBISOFT+包埋的，但買衫買石要自己比錢買。



以《UNO》為例，終極版有包的Skin或場境係UBISOFT+包埋的，但終極版無的DLC係唔包要額外購買的。



最後，提提大家，Join完記得去提取《每月獎勵》，好多獎勵比錢你唔願買，但送比你你又會好鐘意，唔好錯過。

產品提供: UBISOFT
注: 產品內容以官網為準
警告: 部電腦你都係要自己比錢買，唔好以為玩《UNO》唔駛買Display Card，隻Game的畫面同特效絕對無馬虎。