求推介書架喇叭

Mingmingday

原本係諗住咁搞，不過唔想嘥時間及用幾十萬裝修，因為家中多咗小孩和工人姐姐，今日大掃除及斷捨離後需要決定擺放儲物空間位置及需要的容量

如果不用裝修的話，又可以有多啲預算用嚟買玩具

sam2004

Mingmingday 發表於 2022-1-30 12:13
原本係諗住咁搞，不過唔想嘥時間及用幾十萬裝修，因為家中多咗小孩和工人姐姐，今日大掃除及斷捨離後需要決 ...

簡單啲嘅就係好似我咁, 你TV位置嗰度放書架，將對喇叭放喺左右兩邊邊
好過中間再要放擴散版

Mingmingday

sam2004 發表於 2022-1-30 12:25
簡單啲嘅就係好似我咁, 你TV位置嗰度放書架，將對喇叭放喺左右兩邊邊

就是不想落腳，個仔整跌撞親的話，我就死罪

如果夠lui, 我會網上借圖咁玩，中間變咗個四桶櫃放個仔啲架生

sam2004

Mingmingday 發表於 2022-1-30 12:32
就是不想落腳，個仔整跌撞親的話，我就死罪

如果夠lui, 我會網上借圖咁玩 ...

我都係放喺喇叭放喺書架度，再墊上象棋就好，效果已經OK喇

Mingmingday

sam2004 發表於 2022-1-30 12:37
我都係放喺喇叭放喺書架度，再墊上象棋就好，效果已經OK喇

如果咁擺，我肯定回家後全個地下都係書架的雜物

sam2004

Mingmingday 發表於 2022-1-30 12:47
如果咁擺，我肯定回家後全個地下都係書架的雜物

屋企冇咁多書同埋cd...
唔使塞滿佢聲音會更好，起擴散版的作用
生活中係要取一個平衡，有得亦都有失

kl122002

我只可以話細路仔要教識佢要小心。 以前我家豆丁（K2/K3?)真係意外推跌左隻Tannoy Little Red， 佢聽到成隻喇叭跌落地的“彭”一聲壓壞左個玩具後， 真係嚇呆左。
之後俾佢試下幫手幫返好d野， 知道左喇叭唔輕又有危險，佢就識小心左之餘， 仲明白左喇叭面對唔同地方有唔同音效， 於是成日叫我擰個擺位...

不過睇你擺位....圈點係一邊喇叭背牆， 一邊背窗（窗簾） ， 可能日後音場會有點不平衡。

Mingmingday

kl122002 發表於 2022-1-30 15:43
我只可以話細路仔要教識佢要小心。 以前我家豆丁（K2/K3?)真係意外推跌左隻Tannoy Little Red， 佢聽到成隻 ...

音場嗰啲我就唔識，我係新手到時耳仔收貨就算，之前我有對小座地都係因為驚佢拉跌，所以換咗對jbl590等佢冇得搞，條友依家成日扭我合併，我依家教緊佢較大細聲

因為呢間屋我五年前裝修已經拉好曬5.1同埋投影機線槽，因為唔想浪費時間金錢嚟個影音分家。

原先諗住再玩投投，但始終工人姐姐同啲掌老嚟探bb唔識開

kl122002

Mingmingday 發表於 2022-1-30 17:53
音場嗰啲我就唔識，我係新手到時耳仔收貨就算，之前我有對小座地都係因為驚佢拉跌，所以換咗對jbl590等佢 ...

你開機時叫豆丁幫你扭, 甘樣都係教的一種. 至少甘樣佢會明白"原來要出聲要扭去某個位置" . 再之後佢會學識點樣用.
印象中大概我家豆丁在小一左右學識了什麼是hifi, 怎樣播CD.

其實家中有細路仔時, 在佢地小學4-5年班前都真係不宜搞太名貴的hifi , 隨意便可.
因為細路仔總是對這些會發聲的機器感到好奇, 他們眼中不明白價錢, hifi等的意思.

話說我的Tannoy喇叭箱當時還有豆丁小時候的公仔貼紙, 圖案印. 當時當然覺有點生氣,
不過隨他上中學後, 我搬家時對喇叭被搬運工人跌壞了, 這一切過去發生過的事就變成了很特別的回憶.

koalaau

和家人一起聽音樂，教埋細路用就得。我個女歲幾已揀cd，兩三歲入cd play，小一教埋佢黑膠落針。