MIRROR "ONE & ALL" LIVE 2021 Blu-Ray藍光碟 (開箱實物圖)

小瑟

好難得今次比小瑟買到一隻, 點可以唔同大家開個箱分享下先!?? 因為要快, 手機影左先, 同埋開個MENU比大家了解一下成隻碟既內容先!!! 我地上星期六係Youtube出左條片講呢隻碟, 估唔到有好多師兄都好唔鐘意Mirror, 不過我自己又好, 屋企人都好, 老實真係好開心香港可以出到 Mirror 呢隊男團, 另香港多返D新生氣!!!!

小瑟

講真我有睇造星1, 姜濤一睇佢就似星, 所以對佢地係有好感同有D感情. 之後就係ANSON LO, 因為真係跳舞好有勁度, 而且真係好型!!! 其他就 IAN同 AK都OK, IAN文青同好可愛, AK就義氣仔女, 都靚仔, 不過就MK D , 之後 LOKMAN就由狂舞派已經睇緊, ALTON就真係叻仔, 又好醒, 講野真係OK好笑的. TIGER就都係靚仔啦, FRANKIE就低調D, JER就唔洗講啦, 的確係唱到的, 不過都要練習多D, 依家都唔算好穩定, 但絕對係有得做的. Jeremy呢個小朋友真係要比多D機會, 本來我都真係睇佢唔順眼, 不過佢同當年學友一樣, 個樣睇睇下就OK, 尤其依家型像有專人攪, 係順眼左好多, 亦都見到佢有份邪氣. 適合做好多不同的造型!!! EDAN就一早知佢係醒目仔來, MIRROR未爆之前, 其實佢已經係VIUTV成日爆SHOW, 好多主持, 活動都見到佢, 係點都諗唔到佢D歌點解會勁得咁誇張. 不過佢做人醒目又好人緣, 運氣自然會來啦~ 最後就 Stanley, 真係高大, 做戲真係比唱歌好的, 佢自己都知的, 所以佢都係希望多線發展. 不過講咁耐, 其實我都想佢地再紅D, 真係可以沖出香港, 依家真心講係香港係好紅, 不過一出亞洲競爭之大, 對手之強, 就唔係好似依家咁簡單咁易玩了!!!! 當然都明白人地有好多資源同市場好大去 SUPPORT佢地, 不過如果阿姜咁快就講一定係亞洲第一, 我都好希望. 不過如果香港要好似當年四大天王時的氣勢, 全個娛圈都要再努力多D呢~ (絕小瑟個人睇法, 真心想講好耐, 睇完唔岩睇請見諒!!!)
其實呢二三年見到香港成個風氣都變得好快. 聽既歌, 睇既片, 都變得好快. 而且見到後生一班對於"娛樂"的睇法唔同左, 好似試當真, 好多人睇完話唔知佢做咩, 白卡又剩. 不過又係咁多人睇. 聽歌方面, mc $oho & kidney既歌詞都可以人人識唱, 人人勁聽, 就知道世界唔同左. 我地可以唔鐘意, 不過唔可以否認依家後生果班係人人鐘意. 而我就選擇聽多樣野, 睇多樣野, 真心講, 我自己都有時覺得有D歌係好聽, 有D片係好睇的. 所以我都會係76上講下, 推下. 當然我明有人覺得唔好, 76唔好做呢D, 唔好講呢D, 唔好試呢D, 不過我自己就唔想默守成規咁去做野. 所以我都會聽下自己以前會聽既歌, 睇下自己都愛睇既戲. 再聽埋新一代既野. 小瑟真心覺得冇問題呢!!

小瑟

留位分享!!

小瑟

留位分享!!

阿定

你張寶麗來唔錯啊，睇到晒佢地的樣，好過我先…



https://www.instagram.com/p/CY073SILrpc

聲畫評價 (一般用家角度)
聲方面，有齊 DTS 同 PCM ，香港演唱會來講，算有交代架啦，聲算好用心執好晒的了(笑)，可以放心。
晝方面雖然只得1080i, 無香港演唱會出碟時常見的粗粒，現場燈光，跳唱氣氛等都表現到出來，真心要比Like製作組。

平心而論，一蚊錢一蚊貨，唔好同外國演唱會比，600蚊買得番600蚊的享受，以香港的賣碟手法，無出完CD, 再出埋DVD賺你幾轉錢，呢隻碟算超值架啦！

小瑟

阿定 發表於 2022-1-17 15:05
你張寶麗來唔錯啊，睇到晒佢地的樣

我都覺係呀, 起碼係團照呀~

呢個PO又係預左比人插的.

wantai288

我記得舊時四大天王，未一樣又比人插，黎明插唔少，劉華唔係只識做戲，城城唔係舞蹈員咩，張學友唱歌只係企定定，依家個個比like

eric_on

大皇勁呀👍🏼👍🏼

小瑟

wantai288 發表於 2022-1-17 15:25
我記得舊時四大天王，未一樣又比人插，黎明插唔少，劉華唔係只識做戲，城城唔係舞蹈員咩，張學友唱歌只係企 ...

係囉, 其實都係一樣咁啦, 佢地係有不足, 不過香港又真係好多年都冇呢D情況, 佢地係需要練多D既, 我覺得既然依家有班後生可以幫香港既氣氛換一換氣, 又何樂而不為呢. 而且佢地有時都幾好睇, 幾好笑的, 同埋頭三年其實佢地都推過, 唔係一利出來就咁紅既, 依家突然爆得咁勁, 佢地自己都可能會唔一定習慣!!!

點都好, 呢隻碟買到都值得買既, 當一個留念, 香港係2022年有一個娛樂圈的新偶像團出到來, 係值得我地開心的~

同埋當年四大天王都真係另我地好開心丫, 我自己都唔明點解黎老明當年會咁多女仔鐘意, 華仔就真係明, 因為真係太靚仔, 城城依家唔洗講型到震啦. 學友就歌神都做埋, 唔洗講野啦.....

小瑟

eric_on 發表於 2022-1-17 15:29
大皇勁呀👍🏼👍🏼

我地76人, 點都要有一隻既, 搵唔到佢地簽名, 買都買唔到點對得住我地76既版友呀~

ryanyau

我以為同鏡粉爭碟俾人小~

其實我希望佢有online版,想睇concert但費事同人搶啦~