《22 世紀殺人網絡：復活次元之2刷後9樓有劇透影評

gashapon

今日剛好放假, 藉此去看了Matrix 4. 我本身係matrix 的fans, 當年都有同朋友研究過整個matrix的世界觀, 故事含意甚至一些"fan theory"等. 所以當知道會出第4集時都係好期待的.

睇完之後第一個感覺係, 成套電影係拍俾fans睇為主, 如果對之前1-3集無太多認識的話, 又或是只期待當年那種打鬥, John Wick槍戰的格局, 咁應該會幾失望了. 我自己睇完其實都幾多野唔明, 可能要睇多次先得. 同埋有少少覺得導演係想將觀眾都當成Neo一樣咁. 同埋都有串下現時太多reboot電影

今集比較搶鏡係新的角色"Bugs" (即Jessica Henwick的角色) Neo感覺上"廢"o左好多.... 反而新的Smith同Morpheus, 我自己就覺得同舊人相差幾大, 簡單說就係欠了一種"霸氣", 同埋設定上都係怪怪的.


成個故事其實係一個愛情故事, 同埋都不斷咁提出"choice 選擇", 到底我地做的每一個決定是自己的意思, 定係社會的"設計"下令你做決定. 就好似matrix 頭3集咁, 好多野以為自己揀, 但其實都係oracle "引導" 佢地去揀. 另外就係人類都唔太鍾意做選擇, 大部份人其實set好晒條path比佢佢就會好開心好易受控.

最後結局有少少似第一集咁, 可以就咁完又得, 繼續講又得. 不過如果會再拍第5, 6集我都會睇落去.

遲下有時間睇多次才再寫一個有劇透的網評~~

小瑟

嘩，今日聽好多都係差評，睇左你頭二段有返D信心。

GARYKWONG@G

剛剛睇完
廿年後糸兩位主角令一個開心结局。

alleelarry

這邊廂很正面，那邊廂就有點負

粗人敵卡

我覺得呢集好似否定neo第三集所做嘅犧牲
睇到好唔舒服

jc2ssych

我對第三集的理解是：Neo 以為係靠自己一己之力 Call 停 Sentinel 進攻 Zion。Architecture 指出的實情係 The One 的誕生和 Zion 的毀滅和重組都係已經 programme 好。Thomas Anderson 的呢一代 Neo 都只係棋。

歡迎討論。有錯請指教。

alleelarry

看罷要不停思考的一套電影，就好似第一作當中提及過的一個道理，要解密的話雖要經過很多關卡，才可以轉化成真實畫面……

神武光輝

晒咁多錢，再次拍出一套科幻文藝片

gashapon

早兩日再去睇多次, 今天對故事的理解多o左, 膽粗粗寫下自己的見解.
簡單來說, 好多年前人同機械發生了戰爭, 人類將天空變成黑色, 機械無法取得太陽能作為電力, 意外發現人體所產生的電力攻好用, 於是將人變成了電池, 而為了令他們乖乖地發電, 於是製造了一個matrix世界令人類開心活在夢中的世界上. 但由於人本身就係有矛盾的, 前幾代的matrix世界都失敗(包括第一代完美的"天堂", 有恐怖為主的世界等等). 去到第一集是其實已經是第6代的matrix.

每一代的matrix其實都會將呢d"矛盾代碼"放在一個人身上(the one), 當每次mtrix世界運作到咁上下, bugs開始大的時候, the one都會出現, 將一批選好的人帶到現實世界, 之後佢就回到source code 將matrix reboot一次(就好似電腦開得耐會變慢, 要重新開機咁), 每一代都係咁運作, 但唔知點解第6代的neo居然因"為一棵樹放棄成個森林", 寧要愛人都唔理matrix, 咁就出事了! 加上由於Neo強大, 機器就令Smith變強但最後失控(Smith就是Neo的相反, 好似一個硬幣的兩面咁) 最後Neo就同機器講數話打低Smith以免matrix世界"死機"(死機就會無法產電=機器都會死), 但條件是要放過人類, 俾佢地選擇留在matrix世界定係去真實的世界, 大家停戰帶來和平.

今集就係講停戰之後, 由於太多人類解放了, 令佢地產生唔同足夠的電力, 因此發生了機器之間的內戰. 勝方就將matrix世界"升級", 變成第4集的版本. 而分析師就係同之前的architect一樣, 負責管理整個matrix世界. 佢本身想將neo體內的source code取出但唔成功, 但佢發現原來將neo同trinity放埋一齊會產生最大的電力. 當然佢都明白如果2人"連線"起來就會出事, 所以佢都時刻監察2人, 唔俾佢地行得太近. (例如neo一想同trinity傾耐d時, 佢家人就會出現, 叫佢走又好, 打電話講有意外又好, 總之就令佢地唔可以深入交流. 另外分析師都將Smith放入新的matrix, 目的係睇實neo唔比佢走出現實世界. 而matrix就將第一至三集的事情變成是neo自己設計的遊戲, 成日形住好似真係發生的事, 只係佢設計遊戲時太投入而產生的幻覺.

可能佢潛意識下都知自己被人困在matrix世界上, 所以都寫了一個"模擬程式"將morpheus加入去. (但code來說似係mor+smith咁), 目的係要mor去搵佢. 但呢個mor同1-3集的mor是2個人, 其實叫另一個名都無咩問題.

簡單咁講, 分析師都係一個"sales佬", 都要跑數, 佢要交出成積make sure每個月產生的電力都是足夠. 但最後當然是被neo同trinity反將了一軍.

一開始時都奇怪neo點解無o左超能力, 只係得一招"排雲掌". 不過睇第2次時我明白到佢有幾個階段. 一開始係blue pill, 即係完全唔知自己在matrix世界, 之後會陪訓, 當心理上完全明白matrix世界不是真實, 就可以打破入面的規則, 例如飛呀, 擋子彈呀咁. 但明顯第4集neo係"未瞓醒"的狀態, 所以未回復能力. 反而trinity就真心相信所以即刻可以飛. 至於Smith, 佢明白一日neo係matrix世界佢都無法自由, 所以反而更想neo離開, 咁佢就唔需要再監察住neo.

成套戲其實都唔少暗示, 例如當初佢地拍3部曲, 同埋bullet time特技, 之後好多電影都跟. 佢地明明唔想拍第4集但電影公司日日迫佢地拍等. 又講依家無人睇電影, 個個只係上網睇, FB, IG, twitter等. 另外世界其實唔係只有對與錯, 黑同白, 1或0. 呢個世界仲有好多其他野. 例如除了人同機器仲有一樣"合成體". 人同機器唔係一定要一方勝出, 可以大家共存等.  

我自己覺得電影都OK啦, 只能說電影同自己期待的有不同. 就好似我去食豆腐花, 可能expect係甜o既, 點知原來佢出名係臭o既, 變o左臭豆腐咁食先至一流. 唔係話唔好食, 只係未想過係呢個味道一開始唔知點接受咁. 但入面我都覺得好多值得思考的地方, 同埋見到neo同trinity係返埋一齊都係開心. 雖然唔太知故事可以點講落去, 不過如果有"外傳"講bugs都唔錯呀~~

暫時諗到咁多, 遲d想到又或者大家再一齊討論下~

cryo

有興趣了解Matrix多小小的話，我覺得呢兩條片解得比較正確

解讀及伸延閱讀
[YOUTUBE]uSs7Z0WC6-Y[/YOUTUBE]

詳細故事流程
[YOUTUBE]JrsjxVk21R8[/YOUTUBE]

M4英文詳解
[YOUTUBE]FNidbzzPVt8[/YOUTUBE]

另外原來WM CEO早在10月已經表態仲想要M5, 至緊要Lana肯拍, The Suit原來係好開心咁食M4呢隻中指