暗殺風暴撞正字母風暴遲啲先上畫

龍無忌@FB

381/2021

《暗殺風暴》（Death Notice）原名《死亡通知單：暗黑者》，本來仲有個副題叫《…首部曲「雙雄會」》，夠長未？即係話會有下集咁解啦。

但其實呢部電影係2018年4月中已經開拍，三年前的存貨！難怪我太太一睇見張智霖點解肥咗咁多😅
卡士其實唔差，由邱禮濤執導，古天樂、張智霖、吳鎮宇、胡杏兒及周秀娜主演。睇嚟時間上應該係邱導演在《拆彈專家》第一集之後第二集之前嘅習作。

電影改編自作家周浩暉的《暗黑者》小說系列，而呢部小說早已在國內拍成網劇《暗黑者》大受歡迎，所以拍成電影，本來應該12月9日公映，但係暫時延期，原因不明…..

基本上電影風格像透拆彈系列的緊張氣氛加字母風暴系列的探案追兇。總之有個前探員叫做Darker暗黑者為執行公義行私刑，逐一暗殺佢認為有罪嘅人，但係巴閉在於佢事前會話俾你知幾時暗殺你。另一個神探為咗追查殺自己未婚妻嘅兇手，鍥而不捨咁用盡唔同嘅方法最後搵出真兇。

電影最大賣點就係古天樂紆尊降貴演毀容露宿者，不過造型上仍然太過皮膚光滑面部輪廓標緻，反而佢對白句句爆粗，讓觀眾驚喜大笑。

整體而論，小說改編劇情唔會差得去邊，電影唔算粗製濫造，不過肯定唔係細緻嘅大製作，似電視劇多。