Disney+ 音效

Benip

唔知有冇師兄好似我咁，又想JOIN，但又舉旗不定，首先小弟我睇戲著重聲效比畫質多，因為我覺得一套戲既聲效好係能夠令您好投入坐定定睇晒成套戲的，所以DISNEY一出我先JOIN左一個月，試睇下咩質素效果先決定轉唔轉年PLAN，畫質我就唔多講，因為我係聲控所以我會以聲效行先，連續試左好幾套戲，比我感覺就係好縮，好平面，冇咩動態，亦比唔到一套大片應有既氣氛比我，套尚氣我睇唔到十分鐘就已經失去繼續睇既興趣，連我唔識音響既阿媽一聽都聽得出何其大的分別，就算我將個DB加大3個都一樣差，跟手換睇隻生化危機第一集4K港版，一開聲即刻醒神晒，串流真係壓縮得太厲害，冇錯以價論物Disney係抵睇，由其有小朋友既家庭，但如果好似我咁都係睇大片為主而又著重聲效既，真係會睇到冇咩心機睇晒成套戲

小瑟

上次我哋喺活動上都有同大家試過4K碟同disney+嘅比較，之後在場的八個版友到異口同聲講disney+嘅音效係比較冇動態冇力水。呢個情況都冇辦法暫時都只係會咁樣。

Benip

小瑟 發表於 2021-11-23 07:45
上次我哋喺活動上都有同大家試過4K碟同disney+嘅比較，之後在場的八個版友到異口同聲講disney+嘅音效係比較 ...

所以就算而家我有用Disney同Netflix都好，一入個清單係有好多戲可以睇，但左㩒右㩒都都冇一個意欲去欣賞

cliff_au

唔好話同碟比較
就算同netflix比較，disney+聲畫都差好多

commail

串流平台暫時都是比較適合大眾口味，不用處理一大堆器材，方便使用最重要。
發燒友應該不會收貨。

rach

串流始终係流, 實碟係較實在, 不能相提並論
硬件越好, 分析力越高, 對軟件要求越高呢😉
一部法拉利装四條光頭胎係發揮唔到應有實力的😌

Benip

所以有個說法係話假以時日，串流係可以做到碟既效果，但其實當串流模式提升既同時，實體碟亦都可能會再提升到另一個級數，就好似之前已經覺得藍光碟好正，到而家就已經提升到4K全景聲模式，所以其實串流同碟點樣都會保持住一個距離，唔會完全能取代

茶母

我覺得碟同串流係兩樣唔同股取向嘅嘢，

冇話串流一定完全取代實體，

但一定會蠶食咗好多佔有率，尤其後生嗰啲，

因為方便同快捷度實在唔係同一樣，

好似我都有儲碟習慣，但Netflix同Disney+都有用，

我又唔覺有大衝突，有心機時睇碟係一種享受，

但放工坐巴士返屋企時串流煲劇又係另一種放鬆，

冇話邊個取代邊個，而且一百幾十一個月任睇，

點都唔係幾百蚊買隻碟畀到嘅，

何況科技係進步緊，今日未到唔代表以後就都唔可以，

UHD blu-ray出現係網絡唔夠快先會出現嘅替代品，

以後會點冇人知嘅

MDLP

rach 發表於 2021-11-23 10:36
串流始终係流, 實碟係較實在, 不能相提並論
硬件越好, 分析力越高, 對軟件要求越高呢😉
一部法拉利装四條光 ...

復仇者係列藍光音效遠遠又比戲院睇壓縮感強

elkk

觀望中。
其實玩得影音緊係聲畫先行。無要求我等明珠臺播就得啦。