76返歸試 - Cambridge Audio EVO 150 + EVO S 影音分家...分享

noise · 發表於 2021-11-21 23:03

作為一個新會員，今次好榮幸被選中參加呢次76返歸玩的試玩活動。

今次試玩既係英倫風格的Cambridge Evo150及Evo S。作為一個初涉音響界別的新手，自己在soundbar及兩聲道上面作出選擇實在唔容易。

因為你需要衝量自己的需要，soundbar的便利性及多用途性都好像比兩聲道來得更適合普通家庭使用。所以這次可以感受下兩聲道在家居上面的使用體驗，實在是一次難得的機會。

我諗好多人都曾經睇過唔同影音評測，我就從使用性、音樂體驗及電影體驗上去分享。

使用性

Evo 150對用家是非常體貼，基本上自家設計的app都可以操作到音量大小、轉換不同頻道等。

假設你只是聽歌，你可以開出你平時用開的音樂串流app，再選取AirPlay Bluetooth 或者一些可以直接選取用Evo150，你便可以即時轉換。

當你聽歌後想睇電視，只是你電視有連接m的功能，evo 150便會自動轉去電視的ARC。

所以作為用家體驗，我可以說是無鏠地可以體驗所有娛樂功能。

音樂體驗

Evo 150透過EVO S出來的音色是好透徹，特別在人聲同細節位都非常到位。

聲音大約提高到50至60，音樂中的細節位會特別明顯，而且人聲好集中在前面。

因為小弟聽歌都比較雜，主要聽本地流行曲，例如Gin Lee、MC、Jay Fung等

當然有聽過一些band sound，咁坦白講低音上就無咁明顯。相反，高音位就駕馭得好好，再大聲你都唔會感到有刺耳的感覺。

電影體驗

這方面反而係幾有出人意表的表現，我自己都認為soundbar可以提供到5.1或者7.1聲道，睇戲先會有一種震撼感覺。
但我估唔到兩聲道都可以營造到戲院的臨場感，當你聲量推至70到，你會感受到低音的震撼，而且現場上的聲音不論上下或者左右都可以感到受。
例如我立馬用Disney+的阿拉丁做測試，當精靈在洞內飛時，係感受到果一種左至右的感覺。
但我都要講兩聲道始終有佢的限制，又唔係真係做到天空聲道甚至環迴立體聲。你想體驗果一種槍林彈雨，低音震撼，兩聲道都真係力有不逮。
若果睇一些文藝的戲，例如Netflix的Maid，這些都可以有一種昇華的感覺。

最後一提，我曾經用google chrome cast 睇波，感覺都好正