Sony SRS-NS7 小開箱同速試幾個功能

BHJI · 發表於 2021-11-17 23:34

首先我都唔知點分類好，睇日本仔將佢分類為Neckband speaker , 介乎耳機同sounbar 中間咁，初心入呢件嘢係因為可以夜晚睇波唔會嘈到家人，睇戲都唔錯咁，咁日A都係30000yen連運費仲有7%回贈，就不如趁日水低返嚟試下

其實今年Sony 出左另一款輕啲嘅，不過都係未有行，pan記都有仲話同FF14有關打機用，但我心諗有條3米長USB係咩玩法？

拆開係好簡單，一個掛頸，一個發射器，同兩條usb type-c (一長一短）同一條光纖

個機左邊係大細聲，右邊係開關同mute,一眼睇晒

設定都係無咩，一插好Sony 電視就自然叫你做optimization , 咩360reality 個啲，或者你本身有Sony 耳機有profile就用返都可以

重量就少少嘢，但唔會好重，同我都肥肥地係頸都無話好緊咁，舒服嘅。操控都係大細聲，反而有個唔慣係大細聲要係頸邊按，但其他設定又用返搖控有少少唔方便咁，同個大細聲住係頸邊，佢個聽電話又係用［—］，細聲又係［-］，個差別係大啲同細啲，摸到未慣成日按錯。

聲就真係滿意，無開Disney+ 就咁用YouTube 幾條Dolby atmos片試聲，用Bravia xr 的x90j配合，定位都幾好，天花音都聽到，都算幾準，個bass唔心口但都feel到有震。除低放側邊真係唔算好聽到，同一般open ear 的耳機差唔多

有話食唔到HDMI嘅音訊，但我用ps5打機又ok, 係未試可唔可以代替做埋咪作對話。

整體有趣，有機會要再試耐啲玩多啲感受下，不過由於係日版，語音係用日文，如果介意就無法，可能要入返美版。而用光纖都出到atmos呢下都算係賣點，幾適合啲大聲啲又比人話又想聽到聲的用家