Apple TV 4k 2021 vs Nividia Shield TV Pro 2021 vs Chromecast with google TV

amb86

有冇師兄可以話畀我聽呢兩個產品 邊個會喺聲音同畫質上好一點？ （ 聲音應該畀畫質重要 ）佢哋嘅用法應該係插samsung(Q70R 2019)電視 定係插喺Denon AV amp? 我最希望見到係電視遙控器已經可以直接控制部串流盒子, 因為唔想有多個遙控器使用上好麻煩. 謝謝!

主要想買原因係因為samsung電視唔支援 Disney Plus 聽dolby atmos, 所以焗住要買. 我諗去到呢個位 (兩年後） 係 唔會等到samsung電視支援的disney atmos, 因為美國disney plus畀我哋早出一年有多.

根本英俊

自己用緊Shield TV，推Shield. 佢個upscaling好正，特色之一。
Apple TV見好多CHING有問題，你可以爬下文。
Chromecast平，抵玩。冇乜特別功能。

anguslee2012

Nvidia Shield TV Pro同Apple TV 4K 新版我都有

講明先,以下係我個人所知同個人意見, 非廣告文
如有講錯請其他師兄補充指正
又或者對我來講係缺點嘅嘢, 其他人覺得冇問題都好正常不過




Nvidia Shield TV Pro (2019年版 補充一下 係冇2021年版的) :

被稱為世上最強電視盒子, 用的是Android TV 9.0系統

優點 :

1.) 可以安裝大部份正版串流程式(我唔敢講全部),
例如: Netflix, Disney+, Amazon Prime, HBO GO, 以上全部有中文字幕
4K HDR, Dolby Vision絕對難唔到佢, 直接支援包括Atmos及其他音效的源碼輸出,

2.) 可裝KODI, 播到多類型網上下載的檔案, 藍光原檔, 出到藍光菜單...

3.) 除左正版的程式外, 仲可以裝其他"網上源"的程式, APK的程式網上隨處可見, 可以實現一機多用途功能,

4.) 佢內置左個人工智慧增強功能, 能夠將你非4K的片源升級到做4K畫質,
並且提升畫質詳細度, 呢樣功能非常實用, 因為你睇好多非4K, 只係1080P的NETFLIX日韓劇或disney+的片源
都可以有非常明顯的提升 (可看以下圖片, 左方為原本畫質, 右方為增強後的畫質)




5.) 可以簡單安裝各大VPN程式, 例如我想睇美國的NETFLIX, 只要按一下就能飛左去美國
鍾意又可以去下日本NETFLIX睇吓, 香港被抽走的片可以在其他地方的NETFLIX睇番

6.) 佢個遙控器安裝程式後可以自定按鍵,
例如個NETFLIX掣, 我SET左按一下自動開NETFLIX, 按兩下開DISNEY+, 長按開HBO GO,
又有自動尋回功能, 我覺得超好用

7.) 表面上佢同而家D ANROID TV一樣系統, 但係佢反應係快好多同順好多的,
因為粒CPU強好多同唔使理其他D野, 我屋企用SONY ANDROID TV,
會有幾明顯的差別...

8.) 將電腦MON變左部智能電視咁用, 非常方便同實用, 適合我呢D成日對住個MON, 但又想睇呢樣果樣的人,
既有畫質, 又有音效

缺點 :

1.) 唔支持黃viu(正途唔支持,自己找到APK就可) , NOW-E程式成日彈APP (唔通同VIU有仇?)

2.) 1080P升頻的確好好, 但如果單計4K頂級畫質(串流)的話,
我個人覺得及唔上APPLE TV 4K, 但分別唔係太大  

3.) 好似唔會再有Android 10.0升級... 可能佢覺得可以有的都有哂,
Nvidia睇怕都唔得閒有時間再出新機了~


APPLE TV 4K :

用的是蘋果的IOSTV系統, 自成一家

優點 :

1.) 畫質我個人覺得屬頂級, 除左睇1080P源的影片外, 因為SHIELD TV有畫質增強功能...

2.) 支持黃VIU (我個人覺得係優點咋, 因為有好多首輪日劇韓劇睇)

3.) 同MAC機一樣, 你買返來基本都裝好哂可以即用, 唔使搞好多野

4.) 同IPHONE或其他IOS設備有良好的互動性, 如果你有APPLE MUSIC, 或者你之前在ITUNES買左D電影或音樂, 全部都可以睇番聽番

缺點 :

1.) 個APP STORE只會放官方認可O既野, 正常方法亦裝唔到外來程式, 冇HBO GO, 你有帳號都冇用
總之佢APP STORE有乜你就有乜

2.) 裝VPN程式我真係唔識, 好多VPN程式都係叫你裝去ROUTER度算....好似我成日"飛來飛去"睇片的人就....

3.) 冇KODI, 有另一個叫INFUSE的程式, 一樣可播到影音檔案, 但唔支援藍光菜單, 音效方面亦"好似"出唔到ATMOS

4.) ATMOS近來有師兄提出有斷聲問題, 但我冇遇到所以唔肯定


另外以上兩部播YOUTUBE都有DD問題, 例如SHIELD TV YOUTUBE片的話係出唔到HDR的
之前APPLE TV直頭唔支持4K YOUTUBE添, 但而家新版已支援播放了
由於我唔會在盒子上睇YOUTUBE, 唔熟唔敢講

聲音方面 :
兩部我覺得差唔多, 夾硬要講, 我覺得APPLE TV好少少
都係個人感覺問題

唔敢講邊部適合師兄你, 但如果我窮到一定要賣走其中一部機
我會諗都唔諗賣走APPLE TV 4K...

個人意見, 不喜勿插

根本英俊

anguslee2012 發表於 2021-11-18 01:31
Nvidia Shield TV Pro同Apple TV 4K 新版我都有

講明先,以下係我個人所知同個人意見, 非廣告文

師兄真係好有心, 有咁詳細比較. 好值得參考.
非常同意Shield部分, 個AI upscaling真係冇得頂.  如果睇劇多(大部分冇4K), 我覺得淨係買佢呢個功能都抵.
Android系統好自由, 有D APP個store冇都可以搵APK補救.

Apple TV 4k有諗過入手玩下, 不過見其他CHING講atmos格式要手動轉黎轉去好似幾煩就冇買到.
宜家有冇改善就唔知喇.

derekchung

anguslee2012 發表於 2021-11-18 01:31
Nvidia Shield TV Pro同Apple TV 4K 新版我都有

講明先,以下係我個人所知同個人意見, 非廣告文

Apple  TV 安裝唔到 HBO GO ?

咁就真的要考慮啦。

多謝詳細報告。

littlestrong

SHIELD TV 可裝特別版 黃VIU

anguslee2012

根本英俊 發表於 2021-11-18 11:20
師兄真係好有心, 有咁詳細比較. 好值得參考.
非常同意Shield部分, 個AI upscaling真係冇得頂.  如果睇劇 ...

係呀, 師兄, 非常同意佢個畫質增強真係好有用, 因為好多劇都唔係一定有4K HDR果D
(特別係日劇韓劇), 呢個時候佢就立刻見到功效

其實當年我有2017年版的, 知道佢出新版2019版就係主要多呢個功能已經流哂口水...
我記得當時一出, 美國AMAZON同日就即刻賣哂

好在我當日清醒去左英國AMAZON買, 因為有13A香港用插頭, 唔使轉插

隔左好耐香港先有得賣, 仲話有行貨添, 而家個價錢仲跌到去$1580...
有機會會買多一部畀個妹換來用, 佢就係接手左我部2017版...

anguslee2012

littlestrong 發表於 2021-11-18 11:43
SHIELD TV 可裝特別版 黃VIU

係? 呢個真係冇留意, 多謝師兄提醒

yellowobje@G

chris20202

anguslee2012 發表於 2021-11-18 01:31
Nvidia Shield TV Pro同Apple TV 4K 新版我都有

講明先,以下係我個人所知同個人意見, 非廣告文

我都係shield pro用家
師兄報告好詳盡
黃viu同now e都睇緊
now e好順暢
黃viu上網搵搵apk裝