Mission QX-MKII 超性價比影音入門玩樂體驗 (會後討論)

小瑟

我地 『Studio76玩樂營』 第一次同76版友見面試玩會在一片歡樂氣氛下圓滿結束了(最小小瑟自己覺得係咁呢~ ), 今晚大家上來了解左 MISSION QX MK2的效果之後, 希望大家可以係度多多留言, 分享返我知你地心目中的感想呢.

再三多謝大家支持我地 Post76 舉辦的活動呢。

RPO

多謝大王花咗咁多心機時間set好套器材畀我哋開心咁玩咗一晚，等我地試到mission qx mk2 睇戲同聽歌嘅威力,同場加映zx-3聽歌，做咗76毒氣室第一批對外開放既客人， 深感榮幸！（ 如果家裏環境咁正就好喇）

loklam@G

真係一個好正既晚上，Studio既設備同喇叭嘅擺位，完全可以模擬返同屋企差唔多既環境，地方唔算太大， 器材亦唔會貴到買唔起，可以俾大家上來感受完後，在自己家中都可以參考返差唔多嘅玩法(地方雖然會細啲， 喇叭亦都未必會咁多)，小瑟既介紹同分享都好好，令大家都可以有充分嘅了解， 體驗中嘅時間過得好快， 不知不覺就玩左兩個鐘，有機會真係想再上去玩多次!

小瑟

早晨呀, 大家都可以分享一下昨晚聽完 MISSION QX MK2 的感想呀!!!

昨晚QX MK2的喇叭分佈, 加埋價錢比大家參考一下先, 咁大家應該會可以比多小小意見呢 :
【前置喇叭】Mission QX-3MKII / HKD$10,180
【中置喇叭】Mission QX-CMKII / HKD$4,380
【後置喇叭】Mission QX-2MKII / HKD$5,580

另外座地喇叭其實仲有二款, 都係比昨晚的 座地喇叭大的, 有 QX-4 MK2 同 QX-5 MK2的. 另外同系仲有一隻12"的SUBWOOFER, QX-12 SUB, 不過昨晚我地就冇用到呢~

RainChan

想問下 QX MKII 聽感如何? 與上代分別?

issachar

能夠出席 Studio76 玩樂營第一次正式 (定非正式? 活動, 與有榮焉!!
希望以後多 D 活動0係呢度舉行啦!

不過大王快 D 攪攪 D accoustic, 註波問題影響左聽感.

QX MKII 表現同價錢相約, 我比較鍾意佢人聲表現, 不過隻中置我覺得唔係好夠間房用. 聽 Sammi 演唱會既時候, 音軌前中置都有人聲出就明聽到 Sammi 歌聲甜美好多.

RPO

RainChan 發表於 2021-11-17 11:01
想問下 QX MKII 聽感如何? 與上代分別?

上代無聽過,今次QX聽女聲,ZX聽男聲,2對人聲都比較討好,上代理聽吓先

se人

上代QX-2成人奶做特價喎$3XXX

WilsonYau@G

多謝小瑟、post76人員以及Mission廠商為我哋準備咗一次咁豐富、舒適同精彩嘅分享會。
全晚睇戲，聽歌仲試埋D+玩足兩個鐘真係過足癮。
QX MK II嘅高中頻好明顯突出，聽女聲，結他聲非常清晰悅耳，但比較下低頻就稍微欠奉。
現場大銀幕投影睇戲非常震撼，7.1.4 setting亦非常專業，定位清晰連貫，只係超低音有少許注波問題，同埋溫度可以再調低啲就更舒服。
同場加插ZX 2ch串流聽歌及試睇D+非常有驚喜，真係一個非常滿足嘅睇驗，希望日後76會搞多啲呢類嘅活動俾會員參加👍🏻👏🏻👏🏻👏🏻

小瑟

原來大家果日都有小小覺得熱, 下次可以再調低多小小先!!!!

各位有出席同留言的我都加返分比大家先~