Brothers in arms 96年日版 vs 91年美版

501xx

睇返自己CD櫃，原來自己仍然有兩隻brothers in arms 既日版碟1996和美版碟(長盒包裝)1991年
上面日版係比美版新，PHCR4291係由Bob Ludwig用super bit mapping技術做後制remastering，效果明顯比美版更能取悅發燒友。

而下面隻美版係舊版長盒包裝，但並不是最早期，最早期美版係1985年出產，但卻是made in Japan，我呢隻係1991年出產，由華納唱片發行，真係made in USA。碟面特別標明係Full Digital Recording，並由John Dent 做mastering，聲音比較原味，我果隻由SRC壓碟(specialty records corporation),大概因為當時呢隻碟係佢隊樂隊第一張做全數碼錄音，DDD，所以特別走到去AIR studio 做全數碼録音。所以，特別少磁帶聲音，結他聲同鼓聲特別清脆響亮，但呢個更接近原版。
反而後期日版，唔再見有再寫Full digital recording，而聲音反而更加自然同厚實咗，可能係Bob叔既後制功力或super bit mapping既效果發揮。
兩個版本都各有其特色，值得收藏。

501xx

好多發燒友都係聴咗呢隻hifi 碟然後先入坑，money for nothing段開場鼓聲也是hifi發燒友必試段落。

old8woman

Brothers in arms我見過的CD版本至少有6個
包括XRCD和SACD版.......................
聽Dire Straits的人一定有聽過他們的名作Sultains of swing吧???

501xx

old8woman 發表於 2021-11-16 05:45
Brothers in arms我見過的CD版本至少有6個
包括XRCD和SACD版.......................
聽Dire Straits的人一 ...

8娘，你呢隻就係我都建議既Dire Straits第一隻大碟，其實呢隻碟制作最精。都係用模擬analog做錄音同混音，所以係AAD。
而且歌又多又好聽，首本名曲sultans of swing，可以話係成名作。第一首歌開始既結他solo…已經另結他迷，口水流到一地都係。最尾Lion既鼓聲真係好爽😄。我推介為必入系列。

8娘，你呢隻都係由Bob叔於2000年做remastering，所以也有SBM logo，好嘢嚟喎👍🏻

我記得當年仲出咗隻XRCD2 ，由日本人Hiromichi Takiguchi 做mastering，不過我冇入到。

之後2005年仲出過20周年版SACD，我冇SACD機所以又係pass埋。之後由2006年起，基乎年年日本都出再版，但已經改咗做SHM-CD，2014年仲出過Platinum SHM-CD，由於我比較過後唔太鍾意SHM既表現，所以冇再入新版了。依家最新既日版仲係SHM-SACD，2014同16都曾經出過。
不過，我主要會棒Bob叔場，由佢做後制mastering已經係信心保證，可惜佢今年已經76歳高齡，唔知仲可以做得幾耐，所以，喜歡靚聲既碟迷，有買趁早。

old8woman

501xx 發表於 2021-11-16 07:27
8娘，你呢隻就係我都建議既Dire Straits第一隻大碟，其實呢隻碟制作最精。都係用模擬analog做錄音同混音 ...

阿婆覺得XRCD的聲音其實感覺不是特別好(1,2代皆是)
所以我收藏的CD甚少有XRCD版,除非只有XRCD 無其他選擇.....................
"8娘"呢個稱呼很有創意呀
不過我都是喜歡人地叫我V姐或V婆婆,花婆婆多D

501xx

old8woman 發表於 2021-11-16 08:34
阿婆覺得XRCD的聲音其實感覺不是特別好(1,2代皆是)
所以我收藏的CD甚少有XRCD版,除非只有XRCD 無其他選擇 ...

V姐，
同意XRCD版本往往唔必咁啱口味。
其實再版或復刻周年版本，最最最緊要係歌手同監製同mastering個工程師有溝通和共式，知道大家想要的乜嘢，過得歌手同混音師嗰關先叫做成功，如果只是由別人硬砌D嘢落去，調唔啱歌者口味同意思，咁做只會不倫不類，古古怪怪。
例如，當年娛樂出D發燒碟，由劉東師傅監制同mastering，如果交咗比㗎仔做，可能跟咗日本人口味，tune到隻碟不倫不類，乜嘢都落重七味粉(味精)…

old8woman

501xx 發表於 2021-11-16 13:58
V姐，
同意XRCD版本往往唔必咁啱口味。
其實再版或復刻周年版本，最最最緊要係歌手同監製同mastering個工 ...

絕對同意！
劉東坐鎮娛樂唱片公司的年代
是娛樂唱片最光輝的時候，
今天再版的，部分搞到不知所謂
衰聲過翻版碟……

501xx

old8woman 發表於 2021-11-16 14:25
絕對同意！
劉東坐鎮娛樂唱片公司的年代
是娛樂唱片最光輝的時候，

由於係樂隊第一隻作品，兼錄音及混音仲係用analog，所以，依然值得入手。

CDROMRW

呢隻 1985 日本頭版，喺日本買番嚟！






同場加隻英國版 LP

501xx

CDROMRW 發表於 2021-11-17 19:04
呢隻 1985 日本頭版，喺日本買番嚟！

師兄，
正野喎。