Apple 擦拭布 開箱 及 用後報告

阿定

雖然自己都有用緊Apple產品，但本身絕對唔可以算係Apple粉絲，但當日見到呢塊信仰之布開賣，都覺得幾有趣，同朋友吹水，講開Apple無理由無端端賣塊布咁搞笑架，朋友就同我解釋返原來塊布一直都有，不過係跟 Pro Display 送，之前無散賣而已，因為Pro Display的表層做了防反光的特別處理，所以要跟條好少少的抹布你去抹個表層，等你唔會錯手整壞個貴價顯示器，咁我就忽發其想，我部 OLED 電視個面都好易會整花，平時用垃圾少少的眼鏡布抹都會有少少痕，咁不如訂呢條布返來試下呢塊布幫唔幫到手都好啊，所以就手多多咁訂了回來，百幾蚊，如果真係唔Work，聖誕節當交換禮物都呃得下人呀！

終於，今日收到貨了，打開個紙箱，原來都比想象中細啊！



中國制已經係必然了吧！



寫埋比你知可以抹佢個貴價Mon。



四方型，真係好似買眼鏡送的眼鏡布呢！



信仰呢家樣，咪就係賣個LOGO比你囉。

用後報告: 上手後感覺塊布幾厚身，物料有點似我以前用的iPad Air Smart Cover 內側咁，非專業估計應該有好好的保護性，唔會整花屏幕，用來抹我部OLED電視上的塵，比平時用眼鏡布好好多，絕大部份情況下抹一次就可以清晒上面的塵，平時要抹兩到三次，而且抹完唔會有印，指模都係一抹就唔再見到。

總結: 呢個價錢真係有少少貴，但如果你問我呢塊布萬一唔見左的話會唔會再買過，我都應該會再買，可能一塊有質素的布係市場上點貴都唔應該超過100蚊 (Hakuba都只係60蚊塊…)，但有牌子的野始終都安心點，而且寫明比顯示器用 (事實亦比我家塊Hakuba鹿皮布手感上好少少)，咁當然，十幾萬的電視都係用祝君早安來抹的大有人在，不過對有強迫症的人來講，佢清塵又真係爽好多的。

haha161

宜家訂要幾個月後先有貨返😩

issachar

我都係諗住買黎抹下電視

阿定

haha161 發表於 2021-11-3 15:53
宜家訂要幾個月後先有貨返😩

我都無估到會咁缺貨，早知訂夠10張8張送禮自用啦！

阿定

issachar 發表於 2021-11-3 17:35
我都係諗住買黎抹下電視

係，有買貴無買錯！

issachar

阿定 發表於 2021-11-4 10:45
係，有買貴無買錯！

好彩屋企唔係好大塵, 可以慢慢等佢送貨...