本帖最後由 SonSon 於 2010-3-23 14:19 編輯
小弟從事HR工作多年,分享下個人感受,學歷故然對某類工作或行業重要,但並不等如中五畢業冇出路.小弟公司若有空缺需招聘新職位時,大多考慮中五畢業有幾年相關工作經驗便可(冇錢請大學生 ),但大多遇上以下應徵者:
1) 中英文亂用 : 若廣告用英文登出,切勿用中文書寫.反之用中文登出可中英互用.
2) 清楚應徵職位名稱 : 好多時求職者求職信及履歷表得一個格式,要清楚招聘要求作適當修收內客,最經常見到係應徵職位一欄與招聘廣告不符,唔好貪方便.
3) 履歷表要清楚明瞭 : 記住履歷表係比人睇,唔好剩係得自己明,好多人只係寫以往係乜乜公司做,職位係乜就算.要知道唔係人人都知個間公司業務係乜,你職責係乜要清楚寫明.但又不可長篇大論內容十多二十頁.大佬...招聘一次大大話話應徵信四五十封少不了,根本冇心情同時間細閱 .
4) 唔好標奇立異 : 好多人為左突出應徵信內容,將封信改到五光十色,睇到睇都花 ,又有D會LINK自已既個人網頁/網誌或FACEBOOK,咁既係叫人起你個底,自毀長城 .
5) 見工態度欠誠意 : 當你過咗第一關,進入面試階段,一切遲到,儀容不佳,衣著隨便,等候期間打機聽MP3,冇準備以往履歷文件,冇帶文具填申請表,不清楚應徵之職位,面試時手機響,屋企人或朋友陪同面試(驚我捉左你個女或女友咁 ),以上各項可免則免{:6_213:} .
6) 事前準備不足 : 不了解應徵公司背景,人地問你點解咁想加入時你點答呀 ,不清楚應徵職位工作範圍,人家係招聘廣告度都有寫啦 ,自我介紹時似背書等.
7) 面試技巧不足 : 過多小動作,冇眼神交流,講野時音量太細,冇笑容,批評舊公司(請左你點知日後會唔會又向其他人數公司?),未請你已問定人工福利多少(咁即係好高慕遠啦) .
以上只係少少個人意見,如果有人抱怨寄出幾多十封求職信都冇回音,抱怨面試時對方公司乜乜物物,先要檢討下自已有乜不足及改善地方.呢個世界唔係剩係大學畢業先有工做,只要有誠意,知道自己長處係邊,相信一定會找到賞識你既伯樂 |
[複製鏈接]
發表於 2010-3-23 13:25
相信會失業一輪
