紀錄片《龍虎武師》是香港龍虎武師辛酸血淚史

龍無忌@FB

#龍虎武師
#KungfuStuntmen

321/2021

紀錄片《龍虎武師》(Kungfu Stuntmen, 2020）係由國內一位香港影痴魏君子擔當導演，多次來港採訪多位武師而拍成，錢嘉樂監製。

該片應該叫香港龍虎武師辛酸血淚史，由六十年代尾至今，道盡武行如何搵命搏，由於有公會支持，除了成龍之外（唔知點解？應該是肖像權問題吧，難過經理人關！）基本上大部份在職與退休的武師都有受訪。洪金寶、甄子丹、董瑋、火星、梁小龍、梁小熊、徐小明、袁和平、元華、程小東、唐季禮、元秋、余頭允、錢嘉樂、錢小豪……值得留意的一位痴線又不死卻令人尊敬其義氣的武師元武，何解我形容他不死？而話佢痴線也絕對並非不敬！你看完就會知。

事實上呢班武師個個都係神經失常，完全係搵命博，從來冇理過安全系數。只要艱苦年代搵食難，中西方都有人搏命，其實默劇年代荷里活就有兩個傑出Stuntman搏老命做危險動作拍成電影，一個係夏勞哀（Harold Lloyd, 1893-1971）香港前輩為佢起咗個花名叫做神經六，仲有個更出名的伯士達傑頓(Buster Keaton, 1895-1966），成龍不少動作也參考佢哋，不過更痴線啫！

這幫令人尊敬的武師，為你道出龍虎武師的起源與興衰，辛酸和血涙。更珍貴的是加入不少精彩的當年經典場面之拍攝片段！例如成龍《警察故事》(Police Story, 1985)、《龍的心》(Heart of Dragon, 1985)的七樓八人同時躍下鏡頭、《省港奇兵》(Long Arm of the Law, 1984）元武毫無保護下由太古城一期五樓中鎗跌下二樓的溜冰場上滑出血路那幕，至今難忘！原來逼真度珍珠都冇咁真！

多年的訓練，造就出一班武術指導，好多動作都唔係得幾可以替代，於是喺香港電影沒落嘅時候，部份轉移荷里活及國內工作，安全措施提高；但香港的武行就難見前景，縱使工會會長錢嘉樂舉辦幾次對青年人的訓練班，但係似乎連洪金寶大哥都難以看好，因為同樣道理，國內的武術學校有海量人才挑選，近代的李連杰、甄子丹和吳京，皆來自少林武術學校的長期自少訓練。情況與足球運動類似，年輕人大多都在知識性行業尋求發展。香港可能要再等一個像李小龍的奇才，才能重現希望。

令人惋惜的是，正如海報設計一樣，香港武行已經老弱傷殘兼癱瘓，前景都在荷里活英雄片及國內電影武打場面，君不見近代的大片，香港的武指地位越來越高。可是，由武師轉武指，又有幾人？

龍虎武師好像快成為文化遺產，這紀錄片非常值得觀賞，喜歡電影的一定要看。可是，不明白國內票房竟然慘淡！難道，要找一個新星來拍一部講述龍虎武師辛酸血淚史的電影比紀錄片會好些？類似羅啟鋭的《七小福》（Painted Faces, 1988)。

本來嘀咕着點解冇林正英嘅片段？點知去到片未終於出現，對他十分尊敬！
值得推薦的很好紀錄片，大家留意。

#洪金寶 #甄子丹 #董瑋 #火星 #梁小龍 #梁小熊 #徐小明 #袁和平 #元華 #程小東 #唐季禮 #元秋 #余頭允 #錢嘉樂 #錢小豪 #元武 #林迪安 #林正英 #成龍 #元彪

龍無忌@FB

神奇六

龍無忌@FB

成龍老師

龍無忌@FB

龍無忌@FB 發表於 2021-10-19 11:08
成龍老師

珍貴片段

龍無忌@FB

kasunlam@G

中港文化大不同 ，國內觀眾喜歡抖音、電腦特技 ，真功夫現在已經不吃香， 相信只有 香港上年紀嘅影迷先 至會有代入感

Giogio

邊樹可以睇到？