Audioquest edison 同 Furutech gtx-d ncf 使用分享

一休大師

第一次喺呢度 寫呢啲咁嘅嘢， 因為唔知大家鍾唔鍾意， 所以就試一試先！ 如果大家喜歡， 以後我就多啲分享

放咗幾日假， 發燒友就係咁衰， 係都要搵啲嘢玩下， 今次繼續 尋找最好的配搭 美式牆蘇

主力係Audioquest edison同furutech gtx-d ncf

咁其實繼續古河， 都係因為上一次 試咗咁多隻， 最喜歡都係古河純銅， 今次都係繼續試佢啲嘢！AQ 純粹因為未玩過， 所以又買嚟玩下！ 順便寫返啲報告

咁AQ 呢隻牆蘇呢！ 講真！ 真係好有驚喜， 感覺上就好似一隻hubbell 嘅進化版咁樣， 好多嘢都好高分， 又中性 平衡， 寧靜， 質感又夠， 音場又大， 紮紮實實嘅表現， 聽流行曲，jazz， 同埋人聲 都十分高分， 厚實圓潤飽滿， 令我感受到mbl 人聲都可以做得好好， 滿心歡喜！ 但係去到古典， 就會聽到有少少 轉彎位做得唔夠好， 小提琴 呢啲位置特別容易發現到， 表情 爭少少 豐富度， 呢度真係淒涼， 因為我最著重呢個位置， 所以好傷心同埋無奈地 攞返出嚟！ 但係整體上， 我自己都好推薦， 因為實在有好多位置 都做得好好！ 如果唔係刻意好追求呢啲位， 呢隻AQ絕對用得過！ 再加上 可能要夾機同run in， 呢度都有誤差， 所以都係純粹分享下咁解

咁就到古河gtx-d ncf， 呢隻嘢畀我第一個感覺， 就係要將自己砍掉重練， 因為頗為重音色， 要用一個藝術嘅角度 去聆聽佢， 聲音好靚， 高音好華麗， 非常順滑同埋寧靜， 一支笛個泛音 你會聽到好齊全 ，但彈奏嘅質感 明顯力度減弱左d， 低頻係緊緻 量感比較少d，係oyaide R1 啲frd， 但係就畀R1 厚聲番啲， 聽鄧麗君竟然有返以前 金嗓子嘅感覺， 亦即係話化咗妝咁解，waaa 呢度又係加分， 咁呢隻嘢唯一要留意 就係個run in 時間比較耐啲， 要畀啲耐性！ 應用 位置方面， 我會建議作為調聲， 如果作為主力， 會好影響本來套機嘅聲音， 性格 剛好就同AQ 愛迪生 相反， 我覺得愛迪生 係可以做主力！

咁呢兩隻嘢， 我自己都覺得好高質， 主要 睇下你聽邊類型嘅音樂， 如果係古典， 我會推薦古河， 如果係其他例如睇戲， 流行曲，jazz， 人聲呀， 我會覺得 愛迪生比較正宗啲！

咁最後 暫時就插住gtx-d ncf先， 因為都幾啱聽！哈哈！ 聽古典元素 好多都做得好靚， 好自然地吸引著！enjoy中， 多謝收看！

raylee

我都係牆身用NCF，之後4位排插係OYAIDE R0 + Cardas 4181

一休大師

raylee 發表於 2021-10-10 19:20
我都係牆身用NCF，之後4位排插係OYAIDE R0 + Cardas 4181

正wo！ 好明顯你係配搭過！cardas 嗰隻我就未玩過！R0 我覺得都係幾好嘅  佢令我諗起sony xa9000es cdp 同denon嘅聲音， 感覺非常日系， 做得好全面！ 不過其實有時用咩， 都真係要睇情況 配搭同埋口味， 今次我自己唔想 郁套机， 咁就喺前面 微調下啲聲音， 真係好耐冇玩過牆插， 估唔到今次又再玩返

raylee

一休大師 發表於 2021-10-11 08:08
正wo！ 好明顯你係配搭過！cardas 嗰隻我就未玩過！R0 我覺得都係幾好嘅  佢令我諗起sony xa900 ...

R0 我之後插IFI 8位濾波同AV AMP

Cardas 插合併同埋LPS

都係左試右試去調到最夾

無一定最好的，但反而隻Edison 我本都想買黎試，台灣朋友及內地廠商都唔推薦，就無買。

kingyan

gtx-d ncf既華麗感真係好難抗拒, 多數中

一休大師

kingyan 發表於 2021-10-12 10:14
gtx-d ncf既華麗感真係好難抗拒, 多數中

係就係！ 不過我覺得， 如果本身套機係薄聲， 真係絕對唔適合用

kingyan

一休大師 發表於 2021-10-12 10:55
係就係！ 不過我覺得， 如果本身套機係薄聲， 真係絕對唔適合用

呢様真