KEF LS50 Meta + KC62 + R系列 體驗會 有獎會後討論(#1 更新影片)

小瑟

g_johnny 發表於 2021-10-1 19:05
我同樓上ben哥一樣活動前偷雞喺showroom輕輕試咗一試（多得小瑟搞活動，平時中環係預約都冇得咁試！！）， ...

原來你先係下午果位師兄~

g_johnny

小瑟 發表於 2021-10-3 12:38
原來你先係下午果位師兄~

緣慳一面呀，我都想見下你真人，哈哈！我好後才知道呢個活動  報吾切名

Mark56351697

第一次參加76舉辦嘅活動，都係最近兩年先開始睇戲，由最初yamaha sound bar玩起，一步一步燒上去，AV Amp>5.1，配一套JBL 5系列，跟住開始對聽歌有要求，入左步劍仔CXN v2,之後影音分家，加多部creek 100A玩bybass，跟住有一次試聽就中左kef毒，慢慢收集一套前中置，R3、R2C，之後換埋隻低音做KC62 。

好慶幸今次有呢個event，出面比較小地方試到R5同KF92，就我個空間而言約100尺，當初都好糾結究竟玩書架R3定系R5呢，究竟細嘅地方會唔會用小座地好’沖’，相信係好多蝸居玩家嘅抉擇😂

當初入KC62，就係覺得R3低音方面唔夠力，特別係細聲嘅情況之下，有時半夜聽歌，唔開得大聲，有隻SUP仔幫手好好多，不過接駁方面就比較麻煩，要信號源出兩條線入隻KC62，之後再過濾返，先入去部AMP，但係咁樣接駁又唔可以用AV AMP嘅時候出到.1個訊號（要重新由頭到尾接線😵‍💫）希望下一代可以改進，加個組接線吧。

如果仲考慮緊買書架定係小坐地嘅準玩家，買之前真係要上試一試，特別係細聲時候嘅聆聽表現，小座地始終都係略勝一籌，而且書架都仲要搵腳架擺，其實出到嚟用嘅地方差唔多，但係夜晚聽歌嘅時候比到嘅氣氛就好多了，不過我都係覺得showroom環境屬於比較大，始終屋企空間比較細聽感又會有唔同，如果有機會借到R5返去聽，我再同大家講解下個分別

rach

Mark56351697 發表於 2021-10-4 05:30
第一次參加76舉辦嘅活動，都係最近兩年先開始睇戲，由最初yamaha sound bar玩起，一步一步燒上去，AV Amp>5 ...

我比較怕麻煩, 夜晚聽歌直接用AV amp出2.1算數😚

sherman

在香港疫情緩和下終於可以參加期待已久之Post76 活動，見到各位版主、工作人員、大師及師兄們平安、健康，感恩！
誠如小瑟大王所言，不能要求KC 62在這般大聆聽空間及咁多人肉吸音柱之情況下有褲管郁之低頻效果，但能親自感受KC 62配LS 50 Meta、KF 92配R5 以2.1聲道配合大畫面欣賞電影片段和聽歌，正！多聲道電影片段以往多見到，2.1聲道欣賞電影片段别有感受，近年來很多人購買Soundbar 在家欣賞電影，令Soundbar 銷量大增，他們明白即使5.1聲道會比Soundbar 有更良好包圍感、分離感，但家居環境未必能夠容許安裝後置喇叭，更遑論7.1聲道天花喇叭，但是優質之2.1聲道欣賞演唱會、YouTube ，聆聽歌曲卻比Soundbar 略勝一籌(純屬個人觀感)，而欣賞電影方面可能會有朋友喜歡Soundbar有Surround Sound，但我曾經親耳聽到有位女仕說，第一次睇這套電影，注意力都放在劇情發展，那會留意聲音！有其道理和感受，KC 62配LS 50 Meta、KC 92配R5欣賞小瑟大王播放之電影片段，雖然13 Hours.、葉問4、大娛樂家等電影片段皆耳熟能詳，但仍令我非常投入，樂在其中，
有大師提出問題更讓我們知道當時setting 並引領思考，獲益良多！
多年前我2位好友不約而同購買了另外一個品牌同一型號之雙6.5吋單元超低音喇叭，理由它是當時巿場size最細的超低音喇叭，我當時已思考如果有音響廠商研發出size 細小但音質優異之超低音喇叭可供朋友選擇便好了！故我個人極佩服KEF 研發部門團隊，KC 62之細小size卻已有3個專利技術申請中，低至11 Hz，可以無線接駁，放在聆聽環境中任何位置皆可，輕易入屋之餘，另一半應該不會反對，建議有興趣之朋友預約KEF 將KC 62放在showroom 另外2個接近家居聆聽環境之位置試聽，效果肯定更勁，亦更近實際家居情況，
過去2年香港有一音響公司歡迎用家以任何好、壞、新、舊之超低音喇叭以半價換購其全新超低音喇叭，甚受歡迎，鑑於過去數年香港社會經濟環境及疫情影響，消費者會更趨審慎，絕對正常，建議KEF 給予舊有KEF 超低音喇叭用家較大discount，以鼓勵及答謝用家繼續使用KEF 產品！

根本英俊

sherman 發表於 2021-10-4 22:01
在香港疫情緩和下終於可以參加期待已久之Post76 活動，見到各位版主、工作人員、大師及師兄們平安、健康， ...

有D唔信咁細隻落到11 Hz.
不過咁細隻同靚仔係幾吸引既.

小瑟

Mark56351697 發表於 2021-10-4 05:30
第一次參加76舉辦嘅活動，都係最近兩年先開始睇戲，由最初yamaha sound bar玩起，一步一步燒上去，AV Amp>5 ...

呢位如果我冇記錯一定係父幹兄勒, 你套家生都好公整呀~
估唔到你返左FORUM先表演身手喎, 仲話唔識玩, 唔好玩我啦~

小瑟

sherman 發表於 2021-10-4 22:01
在香港疫情緩和下終於可以參加期待已久之Post76 活動，見到各位版主、工作人員、大師及師兄們平安、健康， ...

好耐都冇睇 SHERMAN兄既文字了, 有點懷念呀, 依然係文質彬彬, 謙謙有禮, 亦都提出建議性的意見, 真係非常感謝呀!

小瑟

krisho6666 發表於 2021-10-5 13:04
有D唔信咁細隻落到11 Hz.
不過咁細隻同靚仔係幾吸引既.

數據上埋身度有+-3db應該都做到既!!!!

wil-wil

大家嘅分享都好豐富!! 等我又再提提大家 ~ 呢個會後帖嘅回覆，不論有否出席過，只要有參予討論，都有機會贏到份小禮品，名額 5 位!! 而當日有份出席又分享，仲有機會借埋隻 KC62 拾仔返歸試，名額一位!!  下星期一 11/10  23:59 截止，到時 KEF 及 76 就會揀選最有深嘅留言會員贏取小禮品 或 返歸試機會!!