經典的粵語流行曲SACD(CD)逐張講

old8woman

37:舞台上-羅文
原版黑膠唱片1983年推出,是羅文在EMI年代另一張代表作
其中以"激光中"一曲當年最hit,但我反而更喜歡"願望就是明天",
"面譜","寶玉成婚"這3首...................

501xx

old8woman 發表於 2023-5-23 09:17
37:舞台上-羅文
原版黑膠唱片1983年推出,是羅文在EMI年代另一張代表作
其中以"激光中"一曲當年最hit,但我反 ...

當年隻激光中真係hit到爆炸。雖然係改編歌，但仲紅過隻原裝。應哂隻大碟叫無台上，80年代興disco，呢隻歌算係當代跳舞MV鼻祖，並記載了羅記事業既高峯。

老五

501xx 發表於 2023-5-25 13:22
當年隻激光中真係hit到爆炸。雖然係改編歌，但仲紅過隻原裝。應哂隻大碟叫無台上，80年代興disco，呢隻歌 ...

激光中係改遍歌？唔係呀

501xx

老五 發表於 2023-5-25 13:43
激光中係改遍歌？唔係呀

唔好意思，搞錯咗，多謝更正。🙏🏻

501xx

501xx 發表於 2023-5-25 14:07
唔好意思，搞錯咗，多謝更正。🙏🏻

當年有個外國歌手叫Falco，有首歌叫Der Kommissar係早古作品，好有參考價值。之後仲有人改埋英文

ernietse

501xx 發表於 2023-5-26 10:55
當年有個外國歌手叫Falco，有首歌叫Der Kommissar係早古作品，好有參考價值。之後仲有人改埋英文

https: ...

Falco: Der Kommissar (Extended Version)

呢隻歌當年出嘅時候, 香港未興有行貨 12吋 single vinyl, (印像中要去到83年新力唱片 CBS Sony 先至開始本地出產12吋single例如michael Jackson Billie Jean) , 那些年要去蘭桂坊andrew bull 嗰間 MUSIC BOUTIQUE 買先至買到, 當時仲要海鮮價炒到好貴, 啲人買咗就 dub 錄音帶去淺水灣, 用水電池推 Pioneer 小路寶爆機一路燒嘢食一路跳

ernietse

ernietse 發表於 2023-5-28 00:48
Falco: Der Kommissar (Extended Version)  

呢隻歌當年出嘅時候, 香港未興有12吋 single vin ...

Pink Project: Der Da Da Da (Medley) (1982)

呢隻張 Trio: Da Da Da 混合 Falco: Der Kommissar 翻唱版 medley 當年反而仲紅過原唱 Falco, 可能佢當年係 disco日日狂播, 羅記喺蘭桂坊 Disco Disco 聽到, 可能就想搞番隻咁嘅歌, 於是同林慕德針針, 林慕德最興聽到人哋作品, 跟住自己抄少少改少少, 用一段melody就改, 陳百強: 創世紀 又係改 Chaka Khan: Ain't Nobody, 羅文: 孔子曰 又係改沖繩民謠, 唯一可以講佢抄得聰明

另外, 呢啲 Disco跳舞 remix 歌, 當年好興錄歌, 旺角荷里活中心, 金都商場, 嗰陣搵鋪頭錄歌都要成十蚊隻廿蚊隻, Disconet Hot Tracks DJ 版本仲貴, 那些年節拍喺荷里活中心淨係賺錄歌嘅錢, 足夠佢買間舖, 佢仲賺埋租唱片啲錢呢, 賺錢賺到發達, 發度佢個老母痴咗線, 日日喺門口講粗口, 而家先知道佢當年應該係思覺失調腦退化症, 還原佢鍾意講粗口嘅習慣, 講粗口仲快過念經, 都可以算做第一代嘅 LMF Rapper 之母

501xx

ernietse 發表於 2023-5-28 01:02
Pink Project: Der Da Da Da (Medley) (1982)  

呢隻張 Trio: Da Da Da 混合 Falco: Der Kom ...

當年節拍在荷李話商場只係細舖，但果時果嗰商場係年青人潮流潮聖之地，買衫或睇唱片或租碟錄歌都極之暢旺。肥仔咗幾十年，家吓等舖頭重建收購都真係唔L駛憂。

old8woman

501xx 發表於 2023-5-28 12:21
當年節拍在荷李話商場只係細舖，但果時果嗰商場係年青人潮流潮聖之地，買衫或睇唱片或租碟錄歌都極之暢旺 ...

記得節拍在荷李話商場時,有位阿婆做"睇埸",昅到實方死你"撻"野咁
令人非常不安(同期彌敦道的"新興唱片"也是如此)

old8woman

ernietse 發表於 2023-5-28 01:02
Pink Project: Der Da Da Da (Medley) (1982)  

呢隻張 Trio: Da Da Da 混合 Falco: Der Kom ...

80年代曾經有"唱片試用",旺角荷李活中心內亦有這種店鋪
但我從來都未有幫襯過,但它的經營方式也叫知道多少
試用者必需全價(有貼紙的會比全新平宜些)購買,退還唱片時取回約70-80%買碟錢
據說一張唱片每"租"出1次就有1張貼紙,餘此類推
最多4張貼紙就不會再給客人"試用",而是用一個
特價賣出.........................