準備裝修請教拉獨立電源線

kcljungberg · 發表於 2021-9-6 23:37

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

小弟正準備裝修想拉一條獨立電源線想向各位師兄請教，同埋有乜要注意嘅地方😄🙏🏼 暫時已知屋企設計已經冇可能獨立電箱，只能做獨立MCB。

我應該一個插蘇用於一套兩聲度，一個插蘇用於睇戲組合。
咁我其實係咪只要一個32A 的MCB Board 就夠拉兩個插蘇頭？以我所知就要買一個MCB, 二個盒座同插頭，兩條電線咁，唔知重漏咗啲乜。因為冇話好大Budget, 有乜野產品可以推介？。謝謝🙏🏼

一休大師 · 發表於 2021-9-7 00:01

32A 真係好大㗎喎！我驚你炸曬啲機佢都未識跳！其實15A 已經好勁㗎啦！我覺得最多都係20A好啦！不過我都係斷估，未必係真確嘅！可能你係用八部大巴士後級，咁都真係需要！

入牆線我覺得inakustik 2503 幾好，第一聲音正宗，第二最佳比例2.5mm單支，第三係平！
美式牆插方面，如果你想要冇乜音色，就用返hubbell IG8300！

kcljungberg · 發表於 2021-9-7 00:20

一休大師發表於 2021-9-7 00:01
32A 真係好大㗎喎！我驚你炸曬啲機佢都未識跳！其實15A 已經好勁㗎啦！我覺得最多都係20A好啦！不過我 ...

謝謝大師意見😅 我嗰啲都係普通野咋，一個拖板插哂CD機前後级啦！😅 我也覺得敏力綫啱用‘中性一點😊🙏🏼

一休大師 · 發表於 2021-9-7 00:41

本帖最後由一休大師於 2021-9-7 08:40 編輯

kcljungberg 發表於 2021-9-7 00:20
謝謝大師意見😅 我嗰啲都係普通野咋，一個拖板插哂CD機前後级啦！😅 我也覺得敏力綫啱用‘中性一點😊🙏 ...

咁其實20A乜都夠啦！如果你用32A，入牆線又要粗啲，但係線粗咗，聲音未必一定好！例如低音臃腫啲，高頻冇咁好，速度同埋壓力都未必夠快！我情願你行兩組，如果真係有需要嘅話！

一休大師 · 發表於 2021-9-7 00:53

同埋就咁睇都冇咩漏啦！除非有啲咩特別要求嘅啫，例如行銅喉之類！
咁美式牆插就唔好買二手囉，因為接觸點咬力用耐咗會金屬疲勞，產生接觸點不良，所以美式牆插買好啲都唔怕嘅

kcljungberg · 發表於 2021-9-7 09:11

一休大師發表於 2021-9-7 00:53
同埋就咁睇都冇咩漏啦！除非有啲咩特別要求嘅啫，例如行銅喉之類！
咁美式牆插就唔好買二手囉，因為接 ...

非常多謝大師嘅意見😊🙏🏼🙏🏼

morechoices · 發表於 2021-9-7 10:30

MCB 冇水氣掣，要與其他線路共用大水氣掣，盡量避免與冷氣機同一相位，怕受影嚮，用有獨立水氣掣的MCBO, 但未必有HIFI級鍍金鍍銠

morechoices · 發表於 2021-9-7 10:42

一個MCB只可拉一條線，牆身接一個單位或孖掣蘇，再唔夠可以在牆身拉多一個牆蘇，20A 夠用。
牆蘇用美式，你要考慮家居火險受吾受保

一休大師 · 發表於 2021-9-7 11:06

morechoices 發表於 2021-9-7 10:30
MCB 冇水氣掣，要與其他線路共用大水氣掣，盡量避免與冷氣機同一相位，怕受影嚮，用有獨立水氣掣的MCBO, 但 ...

其實已經拉獨立電，不過好難唔係同相，除非你真係三相來電，紅相畀屋企用，抽一相黃／藍淨係畀hifi用，不過真係好奢侈！

當然，講明係獨立电，咁就記得唔好拖手仔la（例如冷氣之類）

morechoices · 發表於 2021-9-7 11:54

我的經歷，三相電，二相位抽四個空位做獨立電沒有獨立電箱，做MCBO，一日冷氣跳掣，波合同相位的牆蘇，事後才發原來是同一相位，多謝個做電師傅的關照。

[請教] 準備裝修請教拉獨立電源線

如果想睇到更多76師兄嘅分享，快啲登入成為會員啦！

評分

76-FC 綠翡翠勲章

76 榮譽忠義勲章