器材配件分享

一休大師

見悶悶地， 整返個配件分享先！

咁等我先啦！ 話說小弟換咗嘢玩， 但係鋼琴漆機頂， 真係抹到hihi， 終於喺淘仔 買咗啲嘢保護下！ 估唔到樣靚身材正， 仲要唔使抹餐死！ 舒服曬！

但係基於 唔知佢乜嘢物料， 驚會整花， 所以無論拎起或者放低， 我都係唔會拖， 純粹只係放上去， 或者係拎起！ 呢度就要留意返！
當然！ 聽歌嗰陣時一定要拎返起， 除咗可以嘆埋個樣， 仲可以防止影響音色！ 不過如果你真係好懶， 的確係可以就咁聽！

koalaau

我都有去棚仔買布，蓋住兩部唱盤保護下，剛諗住再搵多兩塊放在大喇叭面，好似12蚊店都有些細細塊的。

平面太吸引太方便，屋企人成日順手擺野上去，唔遮下好易花。

koalaau

刀板。某前輩之發明，兩塊高密度板，底一塊鑲嵌有刀片，用在轉盤效果最明顯，背景乾淨。

koalaau

紙蛙鐵蛙。某前輩另一偉大發明，簡單如就咁撕張雜誌摺隻大蛙放喇叭頂都會聽到聲音改變，用多用少或唔用要睇個別環境。用得好聲音係會收得好緊緻乾淨。

raylee

koalaau 發表於 2021-8-18 00:45
紙蛙鐵蛙。某前輩另一偉大發明，簡單如就咁撕張雜誌摺隻大蛙放喇叭頂都會聽到聲音改變，用多用少或唔用要睇 ...

呢個好比麗聲雷達/incredible 的水晶粒

可能撕下音響雜誌摺會更好聲

raylee

我又分享下，呢舊係房門用的門檔，可以用黎吸震，放器材頂有唔同聲。

一舊幾KG 重。 可以用黎壓住輕既器材，唔會俾D線拉住。而且好平，買多幾舊都唔怕。

vincentfung

raylee 發表於 2021-8-18 08:09
我又分享下，呢舊係房門用的門檔，可以用黎吸震，放器材頂有唔同聲。

一舊幾KG 重。 可以用黎壓住輕既器材 ...

其實好多配件只係加咗《音響》2個字先賣到咁貴！

宜媽塊砧板如果改頭換面話係音響用嘅即刻賣貴10倍以上！

一隻幾舊水嘅Network Switch改下話音響用又賣貴10倍以上！

加里

koalaau 發表於 2021-8-18 00:40
刀板。某前輩之發明，兩塊高密度板，底一塊鑲嵌有刀片，用在轉盤效果最明顯，背景乾淨。 ...

我都有聽過用飲茶的荼杯反轉放器材或喇叭底嚟代替腳釘或釘墊.

koalaau

raylee 發表於 2021-8-18 08:03
呢個好比麗聲雷達/incredible 的水晶粒

可能撕下音響雜誌摺會更好聲

雷達牛肉粒留俾富貴幫玩啦，我摺紙得喇。

koalaau

raylee 發表於 2021-8-18 08:09
我又分享下，呢舊係房門用的門檔，可以用黎吸震，放器材頂有唔同聲。

一舊幾KG 重。 可以用黎壓住輕既器材 ...

我都有擺野責住隻牛，儘量減震。