磁石 tweak

Alman

自從整咗RCA adapters 後， 留意到原來有許多類似原理產品， 例如下圖：



可以用係 訊號線， 線身是金銀等混合金屬， 附有吸波物質。 售價一隻好似要千幾港幣。

所以RCA adapters 不妨可以繼續多整玩下。 入面可以用唔同導線， 唔同物質，所謂各師各法， 自己diy就好玩至極。

今日另一隻盒仔到咗， 又可以過吓手癮：

raylee

Alman 發表於 2021-9-28 04:55
自從整咗RCA adapters 後， 留意到原來有許多類似原理產品， 例如下圖：

我見有人用RCA 母去母 將兩條線駁長，取其優點

同盒仔原理差不多

Alman

Update下先：

隔離牛接cd player 已經煲了好幾日， 聲音有所全面 提升；分隔度， 音場 前後感，同樂器body等均明顯好咗。 蕭斯達高維奇第七的第一movement， 前中段右邊有低音大提琴輕拉， 後排鋼琴不斷重複同一音符，以前僅僅聽（距離遠）到但body細， 依家body大咗， 出得更清楚及距離感強， 正！覺得條9 awg statement令低頻線條及下潛更好。 好奇想試下換條Neotech 3002 聽下，覺得聲音更開放及分析力更細緻， 但低頻份量感無咁重。

Neotech 電線接隻牛:


今日將條地線filter 接係Jon Risch filter， 未有時間試聴住。





用隔離牛的效果真係好明顯， 令小弟繼續serach 有關產品。 Jon Risch 廿年前介紹 Signal 牛， 可以用作 隔離牛或 平衡牛， 小弟也有諗過Signal， 但應該仲有其他選擇。今次應該隔山買隻balanced transformer， 不過， 運費真係殺死人。 無理由妹仔大過主人婆！頭都大  

Alman

這兩日試咗 隻隔離牛供電比 cd player， DAC 同 前級三樣嘢， 睇下又會點？

由於唔夠插位， 所以要動用古河插座接駁， 即 火牛供電比古河， 再由古河比電DAC等， 原本機身所用電線不變。



變化：音色雄厚，樂器更body，音場， 低頻量大咗，反而有d唔慣， 遲d換下電線調教先得。 三機齊齊向牛取電， 會留意牛身熱度。 隻牛單比電cd player 已經夠聽了

上貼提及將條地線蛇仔焊係filter， 好似冇乜分別。 仲有另外一條有以下念頭： 就係焊接係條電線ground 度， 可能會有即時效果？ 這條 Duelund 四線織蛇最啱用嚟做實驗啦  

Alman

Gound wire choke 接上Duelund 電線：







用係AC filter 去 amp 火牛之間：在未裝上之前之後試音： 聲音冇乜分別. 可能此物的作用為對付ground loop， 一向沒有此問題， 所以效果不顯？


跟住用佢取代駁amp嘅 Neotech 3200， 效果好似無乜唔同。 要AB比較佢哋一下先得



隔離牛令小弟滿心歡喜， 平衡牛點可以唔試？ 好快會收到

alvinlee603

師兄，隻 Signal DU-1/4 得  功率 (W) 250VA，諗位俾乜野機用呀？

http://www.miaofoundry.url.tw/products-and-services/IT/effect/

根據貓窩師兄講，250VA 最多用係訊源，前級。

Alman

alvinlee603 發表於 2021-10-8 09:17
師兄，隻 Signal DU-1/4 得  功率 (W) 250VA，諗位俾乜野機用呀？

http://www.miaofoundry.url.tw/product ...

我所買的是 DU 1／2， 500VA。 打算獨立供電比 前級，DAC或 cd player， 即會同隻隔離牛拍檔。

有人稱平衡牛更好效果， 今次可以印證一下 。

Alman

開箱啦





















用最現成簡單的方法去做外殼： 就係擺入個膠箱， 輸入輸出連去一隻已去肉的AC filter即可

Alman

平衡牛－－－》失敗了

幾經搵個外殼比隻牛後， 終於買了個膠盒算數。 跟Jon Risch 接balanced output， 度到每隻腳有67 V， 但cd 機插去唔著？ 再重新跟過d線， 一樣無電











睇嚟要轉駁 隔離牛試下。。。。

Alman

Signal 改接隔離牛成功



兩隻牛為小弟二婆服務： Signal 供電比DAC 同 前級； 而原來Hanmond 則接去cd player。 煲下先。。。。。

補充下資料：

成個膠盒承喺塊3／4吋厚 MDF板上，Receptacle鐵盒 用螺絲固定喺木板及膠盒； 插座為 Oyaide DX ；輸入輸出線全用打孖mil spec 鍍銀 12 awg線。 隻牛用螺絲先固定係膠盒後再用螺絲鑲喺 MDF板上。 而喺膠盒上下左右都鑽有氣孔以散熱。 整隻牛穩陣咁坐喺度， 差不多了。之前曾經search 鐵盒或鋁盒， 價錢大小都啱， 但運費仲貴過嗰盒  依家diy 似乎一d都唔化算！


今日試咗兩牛嘅後果： 投資物有所值！音效全面更上一層，更立體， 更有分隔度及分析力。以前背後的演奏而家線條突出嚟 遲d可以互相對調玩下 同埋可以整升壓牛試下比部amp！