Ken Kreisel K700 開箱

Versa

唔好見笑，窮人今年才第一次開箱，尋日買，今日就送貨，送左3箱野黎，估中冇奬

又要開始食樹皮既日子

Jazzgd1

M&k Sound s150 25th?

Versa

開估：Ken Kreisel K700


難得有得開箱，所以請容許小弟長氣，分享之餘都想記錄一下今次換喇叭的歷程，留個記念以後可以睇番

前言：

用過m&k s150以後就做左Ken Kreisel fans。到佢成立KK之後出既KK Q系列，自己都有用Q125TFX做surround，但前置Q125LCR，感覺同mk 750 / 950差唔多，未有意欲去換。直至大概2019留意到KK有新系列，就鎖定係我下個目標，但因為當時環境（明就明啦）冇咩心情玩音响，就靜左一排出去夢遊，至今年年頭才重新考慮升級。

初初出去影音舖睇，好多舖頭都縮晒水，連以前有賣開KK牌子既都唔再入貨，添置專業影院又停業大裝修，真係冇乜地方好去，網上又搵唔到香港用家review，就開始考慮其他option。諗過XTZ M8比較接近，但始終覺得佢係水泡，我搵唔到最愛先至搵佢，心裡覺得淨DD咁。JBL又係得舊型號，新既series唔入貨，JBL Synthesis新既太貴買唔起，搵到二手係射程範圍內，但亦因為二手又有點卻步。Procella太貴，又驚同我的surround唔夾。MK sound又唔太鐘意，去AV生活又唔係我要既野。扭扭令令之下，試直接聯絡Ken Kreisel中國代理，傾左一星期在未見過實物，未試聽過，單憑網上review，擺過影音展，及對Ken Kreisel信心，就膽粗粗俾錢。今次可能滿意，又可能中伏，真係唔知......

俾錢過程又有小插曲，因直接同內地代理買，要滙款上去，平時已經手續煩複，更冇保障講個信字，現在很多地方直情停止唔做滙款。於是搵內地朋友幫忙，有人答應，但最後因為我唔好意思因為自己身痕而麻煩到人，最後又放棄左。再問代理，代理安排另一個香港戶口我才順利付款。尋日付款，尋晚出貨，今日就收到，效率奇高。

廢話講完，實物圖之後補上，待續...

PepperFish@FB

Versa 發表於 2021-7-17 19:23
開估：Ken Kreisel K700

唔死埋上pro?🤭其實我都估到KK,不過你話尋晚比錢今日就落到嚟真係快得驚人😂所以冇估中😡

Versa

PepperFish@FB 發表於 2021-7-17 19:45
唔死埋上pro?🤭其實我都估到KK,不過你話尋晚比錢今日就落到嚟真係快得驚人😂所以冇估中😡 ...

係快得驚人，代理話尋日能夠成功過數就免我運費，卒之代理幫我寄特快，我睇住個追踪，尋晚10點東莞廠房出貨，中間途經幾個轉運站，今朝早7點已到我屋企附近的速遞服務站。

700 已經要食樹皮，700pro 賣埋籮友都唔掂

NETDSL0100

唔換埋十仔?

Versa

NETDSL0100 發表於 2021-7-17 21:44
唔換埋十仔?

你估我唔想李＋x 係我老豆

Versa

開箱，箱中有箱



型號為K700LC 及 K700RC，因KK冇特別出中置型號，而係用家可選L或R作為中置。我呢3隻，1隻係LC，2隻係RC


Design by Ken Kreisel in California USA，生產則搬到大陸


User Manual，另跟4粒膠腳


有個白色袋包住，可惜冇跟埋手套


真身比S-150高，但簿左


打開面網露出真面目，3隻低音，5隻高音


背面，可single amp 或 bi-amp，另有兩個啪制，控制single amp/bi-amp 及 高音擴散narrow 或 wide


5隻高音，其中中間果隻高音係導管式，負責中高頻段，其餘4隻負責3KHz以上高音


左中右3隻共24個單元（喇叭除左聽，視覺響受都好重要，家人講笑話有密集恐懼症，但我覺得好靚仔喎）


中置可直放/橫放


曾經嘗試用番舊有M&K腳架，但鑼絲位唔對，不成功
（其實要用番都有計的，只需出去𠝹一塊鋁片，分別跟speaker/腳架孔位鑽幾個洞，然後類似adaptor方式夾在中間。以前我都做過係work的，但今次是否再咁做，仍然考慮中）


無得上腳架，唯有先放地下


尋晚搞到好夜，再隨便開聲試咗一陣，因擺位未定，費事重新cal，及深夜只能細聲試，用krell evolution 3聲道後級推，新開聲音已經好離箱好平衡，動態比我用開的舊版s150更強。在未試聽過就扑鎚買情況下，卒之可以放心。

希望快D搞好擺位，再試此喇叭的高音壓強項.......

lawzelda

Versa 發表於 2021-7-18 11:53
開箱，箱中有箱

除咗恭喜都吾知講咩!

keke323

正到呢