Meze Audio Empyrean

!老坑!

思前想後終於理智斷線，入手Empyrean！

入手主要原因係之前試聽過對其聲音有好感，加上本身已經有兩隻動圈所以想玩下平板耳機，而其他品牌平板又聽講好難推所以又拍推唔掂，據聞Empyrean相對易控制好多，仲有其他旗艦平板又貴，好似Abyss咁，hifiman就完全冇興趣，所以Empyrean順理成章成為頭號獵物。

入手之後細音量暖身左五六個鐘先聽，開聲感覺唔難聽但低音比較多而且有少少矇，高音感覺較緊唔太伸延到上去某啲頻段會有un耳情況，但人聲就好好聽，好多歌手嘅唱腔細節都好清楚，有水份而且有感情比手上嘅800S同D9200都要好。

而直到今日已經過左六日左右，大約run左六十個鐘左右情況比啱啱入手果時好，低音收歛左層次同線條開始出返嚟，高音伸延好左泛音同空氣感都開始浮現un耳感消失，人聲線條同口形清楚左唱腔變化同喉底比之前明顯。

音場方面唔算好闊但都算開揚深度及高度都唔錯包圍感好好定位亦清晰，樂器表現出色特別係鋼琴同小提琴，用嚟聽現場爵士鋼琴三重奏一流，爵士鼓嘅打擊感都唔錯，暫時我覺得用嚟聽小編制嘅室樂爵士樂同管弦樂都唔錯，大編制爆棚交響樂我覺得唔太適合，流行或爵士人聲表現都相當理想。

整體聲音算係從容一類所有野都唔太埋身，佩戴感十分舒適，係我戴過嘅耳罩入面最舒服嘅一隻，而原廠跟機嘅兩款ear pad對聲音影響十分明顯，真皮pad聲音較集中密度較高低音亦較濃厚人聲表現較好但音場較窄，而人造麂皮pad整體音色較鬆人聲較清淡低音較少但音場較闊，我自己就鍾意真皮pad多啲。

總括嚟講係一隻可以令人享受音樂嘅耳機，hifi元素可能對比其他同級甚至更高級嘅耳機嚟講會較少，但令人盡情投入音樂嘅能力就相當高！

P.S：發文之前啱啱係官網訂左官方條鍍銀耳機線，希望可以令線條更明顯，高頻表現更好！

20120820

除左Abyss,hifiman都有lcd4z/lcd24,ETHER 2,Solitaire P-SE

!老坑!

20120820 發表於 2021-7-12 11:18
除左Abyss,hifiman都有lcd4z/lcd24,ETHER 2,Solitaire P-SE

Audeze同埋final我都有興趣，其他果啲香港好似少見啲，請問邊度可以試聽一下？

20120820

!老坑! 發表於 2021-7-12 15:06
Audeze同埋final我都有興趣，其他果啲香港好似少見啲，請問邊度可以試聽一下？ ...

https://www.ect.com.hk/en/lcd-4z-audeze

https://www.ect.com.hk/en/d8000-pro-edition-d-series-final-inc

lcd 4z,d8000pro是同一代理
-----------------------------------------------------------------------
https://soundwaveaudio.com.hk/danclarkaudio-ether-2/

https://soundwaveaudio.com.hk/meze-empyrean/

ETHER 2 和你的Empyrean是同一代理
-----------------------------------------------------------------------
p-se現改左大陸新代理咁就拜拜HK啦無得試

!老坑!

20120820 發表於 2021-7-13 00:22
https://www.ect.com.hk/en/lcd-4z-audeze

https://www.ect.com.hk/en/d8000-pro-edition-d-series-fina ...

唔該晒師兄！

belenlip

原廠銀線在高頻表現上會有明顯進步, 低頻有修身, 3K左右是物超所值, Empyrean 優點係平均同舒服, 亦係百搭能手, 膽石皆宜，能古能今各類型音樂都可以在合格之上, 如果你只想用一隻耳牛又係雜食家, Empyrean唔會令你失望！講下不足之處, 它的平均亦是令它難於在一線耳機中佔一席位，中庸之道宜於各類音樂但並不能精於某一領域. 有些耳機在重播某類型音樂是特別出色, 或者細節異常豐富, Stax, Abyss, Focal Utopia, Final Audio, ZMF...都有它們的拿手秘技但同時亦有其罩門存在, 但當你能取其所長處而用在適當的曲目上的話，那真的是完美結合 !  
但這並不是Empyrean有何不妥, 它能夠很穩妥在各方面都能夠交出80分的成績, 但也只能在此止步了, 我用了它有一年多, 隨心隨意, 輕鬆舒服 !

!老坑!

belenlip 發表於 2021-7-19 20:12
原廠銀線在高頻表現上會有明顯進步, 低頻有修身, 3K左右是物超所值, Empyrean 優點係平均同舒服, 亦係百搭 ...

師兄你講中晒！我的確係鍾意用一隻可以播唔同類型音樂都有一定水準嘅耳機而我亦十分雜食，所以Empyrean真係幾啱我“嘆”歌，因為Empyrean嘅聲音特性用佢我唔需要刻意挑剔純粹享受音樂就可以，當然如果有日mood到想聽古典我都會換返隻800s。

P.S：已經換左原廠鍍銀線，暫時表現滿意！

haha161

今日音響展有新版本 sample 試,據說昨天先到香港,

單元唔同咗,

唔比影相,我試咗一陣,

都好正

20120820

haha161 發表於 2021-8-7 17:38
今日音響展有新版本 sample 試,據說昨天先到香港,

單元唔同咗,

this one

https://mezeaudio.com/collections/all/products/empyrean-phoenix

ip_csl

20120820 發表於 2021-8-7 18:20
this one

https://mezeaudio.com/collections/all/products/empyrean-phoenix

相信不是,這隻是先前推出的限量版