升級獨立電箱

Versa

上次裝修，師傳幫我做獨立電，估唔到自此係惡夢開始。一直覺得聲音濛瀧，冇力，期間曾升級過線材／後級，但效果依然未如理想，搞到玩影音的熱情都開始冷卻，半放棄了。碟一直keep住買，但得個擺字，好多都冇意慾拎出來睇。今年本來想加個電處，或把喇叭都賣掉，但經朋友推測，基本鎖定係獨立電箱問題，於是找電工師父把問題道出，師父俾咗方案我，好快就約好時間上來把問題根源解決。

本身獨立電係由主電箱一條MCB分出來，結果係唔分好過分。正確應該由總線分出來






既然找到問題，當然成個柝走，冇得留低




新箱用上powerlab audio grade fuse box，加上銠白金冷凍RCCB/MCB





新箱比舊箱細，雖然收係櫃門後，外觀唔太緊要，但師父都幫忙搞得整整齊齊


電箱到蘇位中間的英國派拉利電線可以繼續用。蘇位原本用兩組MK冷凍英式孖蘇＋兩組oyaide R1美式孖蘇


全換成ABL銠白金，又經師父計算，建議換成3組美式＋一組英式，咁分配會更好


安裝過程半日搞掂。完工後師父唔係執野就走，而係幫忙插線開機試聲。一開聲，頂！點解受左咁多年衰聲？D感覺返晒黎，之前的濛瀧感冇晒，換來係聲音有氣有力，高低伸延好左，聽多好多野，埋身左。但師父嫌聲音有D飄，建議我唔好機叠機，每部機分開層架咁放。再開聲，聲音果然穩打穩紥左。既然有改善，一不做二不体，把所有用開的釘腳＋避震板＋woofer上的雜物全部清走，再開聲，聲音再有改善。




可能以前D機根本餵唔飽，我無論換機換線，分別都唔大，但依家換個擺法都聽到分別。

至今已煲左兩星期，現在的聲音高低平衡再好D，冇初開聲咁緊，聲音有線條，而且不只聲音部份，而係所有該電箱/插蘇攞電的器材都有提升，甚至電視畫面／聲音都好咗，總括今次電源升級非常滿意，卒之有番動力開機睇戲。以後如有新手，真係建議先搞好電源呢D基礎建設，可以走少好多冤枉路。

つづく 待續…

kingyan

電源基礎建設真係好緊要, 呢D錢真係唔慳得, 小至一個牆蘇肉都可以改變全套器材聲底,
另外機叠機真係致命傷, 叠機真係幾好既機都死, 不如唔好玩好過, 就算插龍插鳳都唔會好聲,
仲有機架物質都好緊要, 建議你重機不要用果塊板, 因果塊板不是放AMP或重機用,

hin5597

kingyan 發表於 2021-6-19 23:33
電源基礎建設真係好緊要, 呢D錢真係唔慳得, 小至一個牆蘇肉都可以改變全套器材聲底,
另外機叠機真係致命傷 ...

如果我嚟緊裝修重新砌過個電箱，抽其中2組獨立去牆蘇咁玩得唔得？還是⋯分一個細箱出嚟好D？求教

kingyan

hin5597 發表於 2021-6-20 00:33
如果我嚟緊裝修重新砌過個電箱，抽其中2組獨立去牆蘇咁玩得唔得？還是⋯分一個細箱出嚟好D？求教{:8_387: ...

其中2組獨立去牆蘇可以, 但要用音響級MCB , 如有位裝一定係分箱

raylee

如果係我換，一定換呢款箱

hin5597

kingyan 發表於 2021-6-20 00:56
其中2組獨立去牆蘇可以, 但要用音響級MCB , 如有位裝一定係分箱

分個細箱都有位嘅！
係怕分咗箱同搵2條MCB去牆穌分別唔大⋯洗多咗$$啫

hin5597

raylee 發表於 2021-6-20 10:02
如果係我換，一定換呢款箱

嘩⋯咁靚仔嘅
香港有無現貨買到？定係要上網買？

kingyan

hin5597 發表於 2021-6-20 12:27
分個細箱都有位嘅！
係怕分咗箱同搵2條MCB去牆穌分別唔大⋯洗多咗$$啫 ...

一步到位包冇後悔

kingyan

不過ABL廠以給Deopke廠收購了，現再買到的以是Deopke，但效果完全一樣放心購買因我試過

kingyan

raylee 發表於 2021-6-20 10:02
如果係我換，一定換呢款箱

這個箱太細了，試想吓怎樣收線及收過氣BAR