感動的DIY.

ckman0302

今日下午小弟出左SSP買線材等東西..也不是什麽貴價貸,電插頭也是幾十元貸色...諗住平平地自己DIY,行左成2個鐘頭先買完,返到屋企又整左4,5個鐘(因為自己又唔係太熟手關係)...到後尾整好哂!同老媽子一齊試機...(因為佢用得最多係佢),我地只係試左隻''民歌蔡琴''CD,一試之下佢己經話有好大分別..跟往我問佢..有咩分別呢!佢話好明顯好力左,大聲左..相比之前係無氣無力咁!..E家聽多左好多,仲好好聽,話好鐘意....聽到佢咁講...自己忽然間,有一種感動!好奇怪...唔識講!....但係就覺得好開心...另外開心係因為係估唔到今次小小升級,就可以有咁大改變....自己親手DIY真係一個唔錯經驗!

huen0442

good good good

粟米湯

同老媽子一齊試機,佢話好明顯好力左,大聲左,其實係你老媽子見你整左4,5粒鐘咁辛苦,故意講得好聽啲等你開心吓咋.......

ckman0302

作死呀你!

粟米湯

作死呀你!
ckman0302 發表於 2010-3-17 02:21

冷靜~冷靜~繼續努力,整多啲好嘢同媽子一齊分享...

yazhou 康師父

ckman兄繼續努力!

on2003

ckman兄

MarkMak

"佢話好明顯好力左,大聲左..相比之前係無氣無力咁!..E家聽多左好多,仲好好聽,話好鐘意..."
其實伯母係唔係D到會員黎架，不過你唔知姐，唔係點會甘似D到成日睇到嘅放毒口吻

wangtalltall

你老媽子都係毒友喎... "好力左" 都識得形容...
其實佢想繼續毒你繼續upgrade啦...亞仔.....

Westdoor

媽媽真好喔！與師兄一同分享成果，如影音玩意可成為其中一種親子行為，世界多麼美好呢，其實在媽媽心中仔仔嘅一切都係天下最好的，那管別人的說話，忽然好掛住媽媽添。