DENON A110 集中討論

qq1122yq

kingyan 發表於 2021-5-3 20:13
Q姐分享吓要㸃麻

要點可以簡單講下嘅
第一要努力、第二要耳聽八方、第三要記性好！
因為十仔相位對準，係玩影音一個最重要元素
簡單量化， 不論你整套戲材價值多少，如果未效準相位嘅器材，最多只可以有60分……
但點先能夠揾到正確相位呢？相信記得我嘅師兄都知我講過無數次了(我專用忍者刺客來調校的)，暫且不重複！
器材就死嘅，人就生嘅，以上3點都做不到或分别不到，就算再講都不會感受到相位嘅"重要性"！
揾啱相位，再set器材，才能超出器材身價

qq1122yq

以上內容，雖然不直接關A110話題，但內容是如何能調出A110好聲，咁……所以……就要先由調校好十仔講起！

LamsonIsm@FB

新手留名學野先

Jazzgd1

qq1122yq 發表於 2021-5-3 21:34
要點可以簡單講下嘅
第一要努力、第二要耳聽八方、第三要記性好！
因為十仔相位對準，係玩影音一個最重要 ...

難得見到Q姐,想請教一下如果把前置左右喇叭線對調,再較相位,去到最細聲的方法可取嗎?有什麼好同壞處呢?

李好野@76

咦！這邊有野學
好過同老野講污点，講進步嘛！

qq1122yq

Jazzgd1 發表於 2021-5-3 22:36
難得見到Q姐,想請教一下如果把前置左右喇叭線對調,再較相位,去到最細聲的方法可取嗎?有什麼好同壞處呢?{: ...

雖然我未試過你講嘅方法，但原理應該同左右喇叭正常接，相位check最大聲，只係做法相反……經驗嚟講，依個做法不能做到相位精準，因為會有幾個位置，什至十個八個係非常接近同樣聲壓的，所以上面提到要記性好，意思即是知道邊個位置多咗d乜、少咗d乜，你才能分别到邊個先係啱的。
況且在我的精準定義，係講梗扭動相位粒制0.5mm，約等如低頻能量移動幅度位置有大約1尺左右(包括水平的高低、横向的左或右)，試問只用聲壓大小，怎能做到我所形容的呢？
所以我不會用你所講的方法去揾相位的！

Jazzgd1

qq1122yq 發表於 2021-5-3 23:45
雖然我未試過你講嘅方法，但原理應該同左右喇叭正常接，相位check最大聲，只係做法相反……經驗嚟講，依 ...

好，謝謝，又學到野還以為會讓新手的比較易找到相位

qq1122yq

如果要用巨體d形容精準的定義，可以比如戲裹想表達上前方爆，低頻的能量定位就會係上前方，上就上、下就下、左就左……不會只有一大嚿低頻感覺而沒有定位的！
所以精準定義又等如準確定位，有明確聽感分别得到的，亦有家訪過嘅師兄形容為3D低頻。

Jazzgd1

qq1122yq 發表於 2021-5-4 00:14
如果要用巨體d形容精準的定義，可以比如戲裹想表達上前方爆，低頻的能量定位就會係上前方，上就上、下就下 ...

其實你所講嘅低頻好似識走位咁，係setting已經可以做到，定係某啲品牌比較易掌握的呢？
Ps 一講到set十仔，真係由開台到世界終結都仲講嘅

qq1122yq

Jazzgd1 發表於 2021-5-4 00:19
其實你所講嘅低頻好似識走位咁，係setting已經可以做到，定係某啲品牌比較易掌握的呢？
Ps 一講到set十仔 ...

係嫁，我稱為移動低頻，amp內setting本身不能做到，係要靠十仔要有phase粒制去擰去揾的，因為粒制係機械式，要本身對低頻的認知及經驗去扭，並不關EQ曲線、電腦、儀器可以尋找出來的……
而每個品牌都有唔同特性，想易d掌握到，可以用KK、MK、JL喱類沖擊力較強嘅十仔