小瑟評測｜Bowers & Wilkins PI7 Review : 令人印象深刻的音質

影音小編輯

B&W 公佈將推出 PI7 及 PI5 真無線耳機... 據聞今次音質會有重大提升...  未知實際表現又會係點呢？？？

資訊：https://post76.hk/news/2021/04/b ... -pi5-true-wireless/

【#耳機評測】Bowers & Wilkins PI7 Review : 令人印象深刻的音質....奢華級真無線藍牙耳機開箱

MarshallLai@G

唔知香港幾時先會有

MarshallLai@G

MarshallLai@G 發表於 2021-5-13 09:23
唔知香港幾時先會有

收到新玩具啦！

danielka

師兄等你報告

小瑟

MarshallLai@G 發表於 2021-5-26 15:18
收到新玩具啦！

咁快入到手既??? 仲快過我, 勁呀~

MarshallLai@G

小瑟 發表於 2021-5-27 20:48
咁快入到手既??? 仲快過我, 勁呀~

聽咗一晚，呢隻我覺得低音量同質都強過我自己喜愛嘅MTW2 。但高音清晰度我覺得比MTW2 掙好少。總體音質非常好，暫時TWS我現時最喜愛嘅一對。


我無用原廠耳套，試過我打上嘅Alza Sedna/Xelastec/Crystal/Final-E TWS。自己覺得PI7加Sedna Earfit light short最啱我。  舒服好聲。


但操控同app MTW2 好過PI7 幾條街。


個人暫時滿意PI7嘅藍牙表現。係銅鑼灣sogo附近行街都無咩斷線，完全收貨。  要去到滿人嘅starbucks 周圍都係藍牙耳機時就頂唔住會斷得緊要。


ANC 個人覺得有效果，但唔好要求超勁。  隔低頻聲非常好。  但本身PI7  加Sedna Earfit 個隔聲已經好好，所以個ANC我覺得只係 錦上添花，合格啦。  而琴晚帶住PI7 去大浪灣影blood moon，開咗ANC居然可以無風聲另我非常意外。  下次再試真啲係唔係真係隔風聲特別強。


我自己覺得，PI7 音質已經好接近 FiiO FD5，當然唔可以同頂級有線IEM比，但要挑戰Fiio FD5 嘅音質 絕對可以一併。  當然要比起我自己其他啲Campfire 仙女系列同Dorado 2020 就未得。。。。。。


我覺得PI7 出色嘅音質，舒適嘅配帶感，本身已經唔錯嘅passive noise isolation 係暫時我聽過嘅 TWS（MTW/MTW2/TrackAir+ SE/Buds Pro）我最鐘意嘅一對。


個盒嘅功能就未試。  暫時係咁多，聽多一段時間再睇下有咩發現。

重有，我用佢講咗一個鐘電話，對方完全聽唔出我用咗耳機。  再試多幾次先作準。


PS.  個app真係麻麻地。

小瑟

【#耳機評測】Bowers & Wilkins PI7 Review : 令人印象深刻的音質....奢華級真無線藍牙耳機開箱

Bowers & Wilkins PI7  同埋 PI5 兩款真無線耳機岩岩喺今日正式登錄香港啦。小瑟就親身去到發佈會現場同大家直擊報導。兩款耳機最大特點係以音質為依歸，為真無線耳機市場帶黎新嘅衝擊。PI7 搭載左 9.2mm 單元，支援 Qualcomm AptX Adaptive 技術，能夠提供更穩定嘅 24bit/48kHz Hi-Res 無線音訊傳輸。更具備 Adaptive Noise Reduction (自適應降噪技術)，讓大家可以隔絕噪音，進一步提升音質表現。通話方面利用了六組收音咪收集環境數據作調整，得出最完善嘅聆聽體驗。

最特別嘅玩法係播放器可以透過 USB（特定型號）或 3.5mm耳機線接駁到 PI7 充電盒，就可由充電盒將訊號以 24-bit/48kHz 高清方式發送，非常創新。今次小瑟就同大家做左個詳細的 Bowers & Wilkins PI7 Review 真無線藍牙耳機開箱 評測啦。

KGB

MarshallLai@G 發表於 2021-5-26 15:18
收到新玩具啦！

where to buy? thx

lw3000

PI7 玩咗3日 , 低频肥底 , 蒙 , 高中音一般 ,可能本人 GALAXY FOLD 2 唔 SUPPORT  aptx adaptive ......................最大鑊帶刭耳仔痛  仲要OVER $3000 唉 !!!!    .   本人覺得 MTW2 各方面都優勝好多 !!

ronaldo217

lw3000 發表於 2021-6-1 10:29
PI7 玩咗3日 , 低频肥底 , 蒙 , 高中音一般 ,可能本人 GALAXY FOLD 2 唔 SUPPORT  aptx adaptive ........ ...

我都係同一個組合 Fold 2 + PI7 低頻聽多幾日會好啲, ANC 呢類嘅function 熄晒會好啲, 最大鑊係講電話人哋完全聽唔到我講嘢, 總括嚟講都係貴咗啲