《神奇女俠1984》4K 港版聲畫表現速評

Hugo Fok

《神奇女俠1984》將時代背景轉移至 1980 年代及迎戰兩大強敵：Max Lord 及 豹女 The Cheetah。新作由導演 Patty Jenkins 再度領軍，Gal Gadot 回歸扮演主角神奇女俠。演員陣容還包括：《星空奇遇記》Chris Pine、《捉鬼敢死隊》Kristen Wiig 及《皇家特工：金圈子》Pedro Pascal 等。電影由《蝙蝠俠對超人》Zack Snyder 、 Deborah Snyder 及 Gal Gadot 等擔任監製。電影根據 DC 漫畫角色編劇，幕後製作班底包括：攝影師 Matthew Jensen，《天使愛美麗》美術總監 Aline Bonetto 及金像戲服設計師 Lindy Hemming，《鄧寇克大行動》金像得主 Hans Zimmer 負責配樂。












畫面：8/10（顆粒取向畫質具電影感  IMAX 場景細膩可作 Reference）

港版 4K 藍光同時收錄一張 UHD100 4K 正片及一張 BD50（正片花絮）。聲音規格方面， 4K 版的畫面可對應 Dolby Vision、HDR10+ 及 HDR10 輸出，聲音方面原聲聲軌為 Dolby Atmos。值留意是本片片首及片尾部分場景均爲 IMAX 拍攝片段，以全螢幕 16：9 畫幅收錄，畫質細膩度上可算為示範級，片首部分的日光元素、戲服頭飾等的質感的非常細膩，對應 Dolby Vision 後，畫面可還原的高光細節更有延伸性。至於其餘以 21:9 收錄的正片部分為 35mm 菲林規格拍攝，整體畫質表現較 Soft 及一定顆粒感，但整體立體層次非常好。至於本集畫質在用色方面都相對濃郁，低光場景在 HDR 模式下可能會出現色彩略濃情況，但 Dolby Vision 及 HDR10+ 則沒有以上情況。










聲音：7/10 （中低頻向 Atmos 音效    動態、包圍感表現維持 DC 一貫表現）

聲音方面，《神奇女俠1984》的 Dolby Atmos 音效偏向中低頻取向，中高音略見暗啞，但定位感及總體動態表現都保持華納新片的一貫水準，較有參考指標性的首選電影第一幕，背景音樂（女合唱）能完全覆蓋整個天空聲道... 樂器綫條表現有離箱感之餘，聲音特效如木柱從正面衝向小小 Wonder Woman 一刻，LFE 都能營造出充分的低頻質感，在聲畫配套上有交代。







#4K UHD :4K 解像度 HDR10+ 兼備 Dolby Vision；影碟格式：BD100 / 視頻壓縮：HEVC
#語言：杜比全景聲 : 英語,法語 ; Dolby Digital 5.1 : 英語,捷克語,法語...等
#字幕：繁體中文（國/粵）,英文,簡體中文,捷克文...等
#特別收錄：場景解構、製作特輯、蝦碌片段...等精彩花絮

ManHoWong@FB

呢隻我都入咗港版鐵盒 👍🏻 ，故事內容見人見智 我又唔覺太差 只係無咩血腥位😅，但DC系列 點都支持下💪🏻

小瑟

我都係, DC野點都要支持, 尤其係聲畫都會比串流平台更圓滿!!!!

hahaha880

我都入咗鐵盒，好彩喺旺角地庫入到手，仲要係我嗰隻係放喺住張做display😁😁

SonSon

睇一次就夠,聲畫幾好都救唔返套戲

tony019002

請問隻2K碟係咪無atmos?
thx ching

DVD迷

SonSon 發表於 2021-4-20 13:12
睇一次就夠,聲畫幾好都救唔返套戲

唔鍾意尾用把口當打鬥就完，幾悶都睇左2次，加上入左書同鐵

Hugo Fok

tony019002 發表於 2021-4-20 17:48
請問隻2K碟係咪無atmos?
thx ching

2K 同  4K 碟都收錄左 Atmos  音效呢

Camille124

今集文戲多係有原因...

劇透_____
上集完果時男主走左，但同時套戲都即完，續集要拍佢點樣面對呢個遺憾，同時表現出超英都有軟弱一面，所以今集所謂“敵人”其實係舊石點利用人慾望去破壞秩序，而最後要收科亦係要靠開咪。
簡單黎講，好似打doomsday咁一出黎就打要拍唔難，但女導演同女主有份去度個主線，佢地用女性角度想寫番ww心理多d，其實更加立體，尤其中途佢都弱化左，要同普通人一樣做決揀。
成個storyline同角色描寫，如果用呢種角度去消化多次，應該會覺得套戲算係幾有野心

Hugo Fok

有時我覺得坊間對 DC 同 ​Marvel 電影作品既評價已有既定預設立場，Marvel 無論拍嚴肅或胡鬧風格電影，坊間普遍都會當係新口味畀正評...  但 DC 一唔玩嚴肅，試下玩下其他小品，就會即刻被人追擊...  市場有時真係幾難觸摸.... DC 而家唯有靠 Zack 導吸納信徒啦！