如果咁樣俾人話, 你會點?

timka

話說o岩o岩過左既sat 係小弟兄長大婚之喜, 小弟有幸當一官半職(伴郎)
整個上午行程順利, 兄弟們準時到達, 接新娘時表現落力(我眼中覺得係lor, 自己亦表現ok啦)
全程兄弟擔擔台台, 到男家後冇安排兄分姊妹飯職(唔可以話冇既, 叫佢地自己去食快餐lor, 算唔算)
都暗訝底搞掂左 (自己for水叫個老友既兄弟搞)

之後下午去到註冊場地外, 新娘落車突然向人哭訴....本來唔知咩事, 遠遠望到知道有事, 梗係唔行埋去襯啦
過左陣我問返兄長所為何事, 竟然聽到話...有人覺得"我地兄弟做野唔落力, 唔上心, 好唔開心wo"

呆了...一起聽到的兄弟也流露一絲失望的表情....
之後大家交足功課, 圓滿結束~

(小弟同意有個別兄弟玩得顛,講野串,不留情面, 不過中午過後因全日行程所需而去dispatch野離開左大隊)

各位師兄師弟做過兄弟既, 點睇? (就當係小弟片面之詞, 大家當故事去睇俾d回應啦)
師姐師妹們有興趣也可俾意見...

raymond430

ching,都係老套個句，自己盡咗力做好份內事對得住人對得住自己就ｏｋ啦．有ｄ人覺得你做唔到佢嘅要求咪投訴囉（最攞命係佢唔會講明佢嘅要求）．你就當係一次經驗law.　

Raphael

有啲人結婚前, 將所有野想象得實在太過完美嘞.....
結果當日即使只有少少瑕疵, 都會睇到好大~ 算數啦........

lkljason

有時做野難免面面俱圓，俗語都有話順得哥情就失嫂意，總之做好本份有突就問心無愧，新娘子大喜日子梗係想樣樣perfect係緊張d架啦，做叔仔亦都諒解o下啦！

阿定

做野對得住自己就可以，人地點睇你控制唔到，而且新娘子係咪要求過高又或你睇人好，人睇你好，覺得人地結婚就完美，自己結婚就有瑕疵，今時今日好多兄弟都係義工，仲要貼人情，已經無左以前唔駛比人情仲有利是收的情況，相反有時d姊妹有錢收都仲要求多多，務求玩死d兄弟，有d兄弟唔生性，回嘴寸少少，得罪d姊妹絕不出奇，當然亦有d兄弟天性大細路，玩大左自己唔覺，亦唔奇！總之一句到尾，人無完美，問心盡左力，就可以了

tontontony

算啦~~~如果班兄弟同姊妹都唔係太熟的話 一定係會有d咁既事~~ 女既覺得男既唔玩games 男既又會覺得女既玩d games 咁變態唔想玩~~
學上面d ching 講~~ 自己盡左力就算~~~~

hintel

做野對得住自己就可以，人地點睇你控制唔到，而且新娘子係咪要求過高又或你睇人好，人睇你好，覺得人地結婚 ...
阿定 發表於 2010-3-15 09:48

好同意
"今時今日好多兄弟都係義工"

timka

多謝各位ching既意見

投訴既人只有一個, 其他姊妹只係憎串咀o個d兄弟
不過講開又講, 我唔like呢個阿嫂, 佢亦唔like我...呢樣野我feel到既
所以o個日真係當做場戲就算...

阿定

多謝各位ching既意見

投訴既人只有一個, 其他姊妹只係憎串咀o個d兄弟
不過講開又講, 我唔like呢個阿嫂, 佢 ...
timka 發表於 2010-3-15 10:59

如果投訴果個係姊妹，咁就好應該叫新娘子睇清楚呢個係咪佢真姊妹啦，呢d日子，就算真係受左氣，都過左果日先同新娘子投訴，呢d大日子應該識趣的，點都唔會即刻發出來吧，為左滿足自己，順番自己條氣去搞到好姊妹大日子唔開心，呢d姊妹真係唔要得！

lkljason

多謝各位ching既意見

投訴既人只有一個, 其他姊妹只係憎串咀o個d兄弟
不過講開又講, 我唔like呢個阿嫂, 佢 ...
timka 發表於 2010-3-15 10:59

講真相處始終係你大佬，盡量唔好令大佬難做，相敬如賓就算了！